Isaias 60:21 - BIBLIA - traduson antigu in Krioulo

²¹ “Tudu bu pobu na sedu justu, e na yarda tera pa sempri. E sedu arvuri nobu ku N paranta, tarbaju di ña mon pa mostra ña gloria.

Isaias 60:21 ပူးပေါင်းရင်းမြစ်များ

2 Samuel 7:10

N na ranja kau pa ña pobu Israel, N na paranta elis pa e mora na se tera, pa e ka torna bulbulidu, pa nunka mas jinti mau ka kastiga elis suma ke ta fasiba

Salmus 37:11

Jinti mansu na yarda tera, e na kontenti ku garandi pas.

Salmus 37:18

SIÑOR kunsi dias di jinti retu; se yardansa na tarda pa sempri.

Salmus 37:22

Kilis ku SIÑOR bensua na yarda tera di Israel, ma kilis ki maldisua e na tiradu nel.

Salmus 37:29

Justus na yarda ki tera, e na mora nel pa sempri.

Salmus 92:13

Suma ke parantadu na kasa di SIÑOR no Deus, e na kirsi la ku saudi.

Isaias 19:25

SIÑOR ku ten tudu puder na bensua elis, i fala: “Ejitu, ña pobu, na sedu sortiadu, ku Asiria, tarbaju di ña mon, ku Israel ku sedu ña yardansa.”

Isaias 24:16

Di lugar mas lunju di mundu no obi jinti ku na kanta: “Gloria pa Deus justu!” Ma ami N fala: “Kurpu na kaba ku mi! Koitadi di mi! Kurpu na kaba ku mi! Falsiaduris na falsia; sin, falsiaduris e mas na falsia!”

Isaias 26:2

Bo yabri porton pa nason justu pudi yentra, nason ku sedu fiel.

Isaias 29:23

Ora ke oja se fijus na se metadi, ku sedu tarbaju di ña mon, e na guarda ña nomi sagradu, e na rikuñisi puresa di Deus Santu di Jakó, e medi Deus di Israel.

Isaias 43:21

ku sedu e pobu ku N forma pa e pudi ngaban.

Isaias 43:7

tudu kilis ku comadu pa ña nomi, ku N kumpu pa ña gloria; i ami propi ku forma elis, N kumpu elis.”

Isaias 44:23

Abo, seu, kanta ku kontentamentu, pabia SIÑOR fasi e kusas. Abos, partis mas fundu di mundu, bo manifesta! Abos montis, bo kanta altu ku kontentamentu, juntu ku tudu arvuris di matu, pabia SIÑOR liberta Jakó, i mostra si garandesa na Israel.

Isaias 45:11

Asin ku SIÑOR, Deus Santu di Israel, kil ku kumpul, fala: “Nta bo na osa puntan kusas di futuru, o aserka di ña fijus? O bo na dan ordi aserka di ña tarbajus?

Isaias 45:24

E na fala aserka di mi kuma, son na SIÑOR ku justisa ku forsa ta ojadu.” Tudu kilis ku raiba kontra el e na bin pa el, e na pasantadu borgoña.

Isaias 45:25

Tudu jorson di Israel na ojadu justu, e na njata na SIÑOR.

Isaias 45:8

“Abos, nuvens di seu, bo manda justisa suma cuba. Abo, con, yabri bu risibil, pa salbason pudi nasi; justisa pa i kirsi juntu ku el, tok i padi. I ami, SIÑOR, ku fasi tudu e kusas.”

Isaias 49:3

I falan: “Israel, abo i ña servu; N na glorifikadu pabia di bo.”

Isaias 51:2

Bo pensa na Abraon, bo pape, ku Sara ku padi bos, pabia, oca ku N comal, i staba el son, ma N bin bensual, N pui si jorson pa i ciu.

Isaias 52:1

Disperta, disperta, o Sion. bu arnoba bu forsa! Jerusalen, prasa sagradu, bisti ki bu ropa bonitu, pabia nin un algin ku ka sirkunsidadu, ku fadi kil ku ka puru, ka na yentra mas na bo.

Isaias 54:17

Tudu material di gera ku purparadu kontra bo ka na fasiu nada. Tudu algin ku keŝa di bo na otridadi, bu na ngañal. Es i yardansa di servus di SIÑOR; i ami ku na justifika elis.” Asin ku SIÑOR fala.

Isaias 57:13

Ki bu juntamentu di idulus, pa e ba ta librau ora ku bu pidi ajuda! Ma bentu na leba elis tudu; nin si i bentu di boka, i na buanta elis! Ma kil ku fia na mi, i na tene tera, i na yarda ña monti sagradu.”

Isaias 61:11

Suma ku con ta pruduzi paja nobu, suma ku orta ta pui si simentera pa i nasi, asin ku SIÑOR Deus na pui retidon ku lovor pa e nasi pa tudu nasons.

Isaias 61:3

I mandan pa N da ordi aserka di jinti tristi na Sion, pa e dadu koroa bonitu na lugar di sinsa, azeiti di kontentamentu na lugar di tristesa, kantiga di ngaba Deus na lugar di spiritu pisadu, pa e pudi comadu arvuris di retidon, ku SIÑOR paranta pa si gloria.

Isaias 61:7

Na lugar di bo borgoña ku bo sufri dus bias, ku manera ku bo kobadu mal, bo na yarda dus bias mas na bo tera, ku alegria ku ka ta kaba.

Isaias 62:4

Nunka mas bu ka na comadu Bandonadu, nin bu tera ka na dadu nomi Dingidu, ma bu na comadu Efzibá, bu tera na comadu Beulá, pabia SIÑOR na kontenti ku bo; i na sedu suma maridu di bu tera.

Isaias 64:8

Ma gosi, o SIÑOR, bu sedu no Pape; anos i lama, abo bu sedu suma kumpudur di puti; anos tudu i tarbaju di bu mon.

Isaias 65:9

N na da fijus pa jorson di Jakó, N na lantanda algin na Judá ku na yarda ña montis; kilis ku N kuji na yarda tera; ña servus na mora la.

Jeremias 24:6

N na jubi elis diritu, N na pui elis riba pa e tera, N na kumpu elis, N ka na dana elis; N na paranta elis, N ka na rinka elis.

Jeremias 32:41

N na kontenti pa fasi elis ben, N na firmanta elis ne tera ku tudu ña korson ku tudu ña alma.

Ezekiel 11:17

Konta elis kuma SIÑOR Deus fala: ‘N na junta bos na metadi di nasons, N na tisi bos di teras nunde ku bo pajigaduba, N na da bos tera di Israel.’

Ezekiel 34:29

N na pui se con pa i pruduzi ciu tok i ten fama; nunka mas fomi ka na kaba ku elis. Utru nasons ka na torna fasi elis trosa.

Ezekiel 37:25

E na mora na tera ku N da ña servu Jakó, ku bo papes moraba nel. Elis ku se fijus ku fijus di se fijus e na mora nel pa sempri. Davi, ña servu, na sedu se rei pa sempri.

Ezekiel 47:7

Oca ku N riba la, N oja manga di arvuri na tudu dus ladu di riu.

Amos 9:15

N na paranta elis na se tera; nunka mas e ka na rinkadu na tera ku N da elis.” Asin ku SIÑOR bu Deus fala.

Obadias 1:17

Ma monti Sion na sedu sagradu; i na ten libramentu la. Jorson di Jakó na tene tera di si yardansa.

Sofonias 3:13

Kilis ku sobra di pobu di Israel e ka na fasi mal, nin e ka na konta mintida; nganu ka na ojadu na se boka. E na tene kusa di kume, e na dita; ningin ka na pantanda elis.”

Mateus 15:13

I ruspundi, i fala elis: “Tudu planta ku ña Pape di seu ka paranta i na bin rinkadu.

Mateus 5:5

“Sortiadu i kilis ki mansu, pabia e na bin yarda mundu.

Bon Noba di Jesus Kristu ku Jon 15:2

I ta korta tudu ramu ku sta na mi ku ka ta padi, ma i ta limpa tudu ki ramus ku ta padi pa e pudi padi mas.

Efésius 1:12

pa si gloria pudi ngabadu pabia di nos ku sedu purmeru ku pui no speransa na Kristu.

Efésius 1:6

No ngaba Deus pa si oferta gloriosu ki danu di grasa na si Fiju amadu.

Efésius 2:10

I Deus ku fasinu kil ku no sedu; i krianu na union ku Kristu Jesus pa vida di bon tarbaju ki purpara pa no fasi.

Efésius 2:7

I fasi asin pa mostra, na tempus ku na bin, garandi rikesa di si fabur na bondadi ki ten pa nos na Kristu Jesus.

2 Tesalonisensis 1:10

na ki dia ora ki bin pa risibi gloria na metadi di tudu si pobu, ku adorason di tudu kilis ku fia nel. Abos tambi bo na mati la, pabia bo fia na tustumuñu ku no da bos.

2 Pedru 3:13

Ma anos, suma ki fala na si purmesa, no na pera nobu seu ku nobu tera, nunde ki son ben ku na fasidu.

Apokalipsi 21:27

Nada ku ka limpu ka na yentra la, nin kilis ku ta fasi kusas di borgoña, o ku ta konta mintida, ma son kilis ku se nomi sta skritu na libru di bibus di Karnel.

Apokalipsi 21:7

Kil ku ngaña, i na yarda tudu e kusas. Ami N na sedu si Deus, el i na sedu ña fiju.

Apokalipsi 5:10

Bu fasi elis reis ku saserdotis pa e sirbi no Deus; e na rena riba di mundu.”