Isaias 60:12 - BIBLIA - traduson antigu in Krioulo

¹² Nason o renu ku ka sirbiu i na pirdi; sin, ki nasons na kabadu ku el.

Isaias 60:12 ပူးပေါင်းရင်းမြစ်များ

Kumsada 27:29

Pa utru jinti sirbiu; nasons pa e mpina bu dianti; pa bu sedu siñor riba di bu ermons; fijus di bu mame pa e mpina bu dianti. Kilis ku ta maldisuau, pa e sedu maldisuadu; kilis ku ta bensuau, pa e sedu bensuadu.”

Salmus 108:13

Ku Deus na no ladu no na ngaña vitoria, pabia el i na masa no inimigus.

Salmus 2:12

Bo beẑa Fiju, pa ka i paña raiba; pa bo ka bin kabadu ku el na kamiñu, pabia si raiba ta rebenta kinti-kinti. Sortiadu tudu kilis ku fiansa nel.

Isaias 14:2

Nasons na juda elis pa e riba na se lugar; pobu di Israel na tene elis suma servus macu ku femia na tera di SIÑOR. E na pui katibu kilis ku teneba elis suma katibu, e na manda riba di kilis ku na kalkaba elis.

Isaias 41:11

“Tudu kilis ku raiba kontra bo e na kunfundidu, e na pasantadu borgoña; kilis ku lanta kontra bo e na pirdi, e na sedu suma nada.

Isaias 54:15

Si algin bin pa atakau, i ka na sedu ami ku mandal. Kilis ku junta pa bin kontra bo e na kai bu dianti.

Jeremias 12:17

Ma si kualker nason ka misti obi, N na rinkal, N kaba ku el.” Asin ku SIÑOR fala.

Daniel 2:34

Oca ku bu na jubi ki kusa, un pedra kortadu, sin ajuda di mon, i suta ki statua na pes di feru ku lama, i kebra elis tudu.

Daniel 2:35

Ki feru, lama, kobri, prata ku uru e kebra-kebradu tudu juntu, e bida suma paja na kau di masa arus na tempu di kebur. Bentu lebal tok i ka ojadu nin un padas, ma pedra ku suta ki statua i bida montaña garandi, tok i inci tudu mundu.

Daniel 7:18

ma jinti ku sedu di ki Deus ku sta riba di tudu e na risibi renu ku ka ta kaba, e na tenel pa tudu sempri.”

Daniel 7:27

Renu ku puder ku garandesa di tudu renu bas di seu na dadu pa pobu di ki Deus ku sta riba di tudu. Si renu na sedu renu ku ka ta kaba; tudu reis na adoral, e na obdisil.”

Zakarias 9:10

N na kaba ku karus di Israel ku kabalus di Jerusalen; mansasa di gera na danadu. Bu rei na anunsia pas pa nasons; si renu na bai di un mar pa utru mar, desdi riu Eufrates te na utru ladu di mundu.

Mateus 21:44

Kin ku kai riba de pedra i na bida padas. Si i kai riba di algin, si dunu na fika suma foriña.]”

Lukas 19:27

Kil ña inimigus tambi ku ka mistiba pa N sedu se rei, bo tisi elis li, bo mata elis ña dianti.’ ”