Isaias 59:14 - BIBLIA - traduson antigu in Krioulo

¹⁴ Asin, justisa i ribantadu pa tras; retidon i firma la lunju, i ka pudi yentra; bardadi da tapada na ruas.

Isaias 59:14 ပူးပေါင်းရင်းမြစ်များ

1 Reis 21:10

Bo pui dus malandru pa e sinta si dianti, pa e testifika kontra el kuma i papia mal kontra Deus ku rei. Dipus bo lebal fora, bo dal ku pedras tok i muri.”

1 Reis 21:11

Asin garandis ku jinti altu ku moraba na prasa di Nabot e fasi konformi ordis ku Jezabel da na kartas ki manda elis.

Salmus 119:150

Kilis ku ta yanda na maldadi e na ciga pertu; ma e sta lunju di bu lei.

Eklesiastis 3:16

N rapara utru kusa ne mundu li: Na kau di julgamentu, nunde ku justisa dibi di fasidu, maldadi sta la.

Isaias 1:21

Jubi prasa ku seduba fiel i torna suma minjer di mau vida! Jinti ta yandaba retu nel; justisa i ta fasiduba diritu, ma gosi, i son matansa ku sta nel.

Isaias 46:12

Abos di korson risu, ku sta lunju di retidon, bo sukutan.

Isaias 5:23

Pa suku di bas e ta da kulpadu roson; justu, e ta nega dal roson.

Isaias 5:7

Orta di uva di SIÑOR ku ten tudu puder i sedu pobu di Israel; jinti di Judá e sedu planta ki gosta ciu del. I na speraba pa e fasi justisa diritu, ma i oja sangi darmadu; i na speraba pa e yanda diritu, ma i obi gritus di jinti ku na maltratadu.

Isaias 59:11

Anos tudu no ta pupa suma lubu; tudu ora no ta jimi suma pumba. No na pera justisa, ma i ka ten; no na pera salbason, ma i sta lunju di nos.

Isaias 59:4

I ka ten algin ku na yalsa vos pa justisa pudi ten. Ningin ka ta pursenta na kau di justisa pa konta bardadi. E ta fiansa na palabra ku ka bali, e ta konta mintida. E ta preña ku mau planus, e padi pekadu.

Isaias 59:9

E ku manda justisa sta lunju di nos; retidon ka ta yangasanu. No ta pera lus, ma son sukuru ku ten. No ta pera lus di parmaña, ma no ta yanda na sombra sukuru.

Jeremias 5:31

Anunsiaduris na anunsia mintida, saserdotis na manda ku forsa di anunsiaduris. I kila propi ku ña pobu misti, ma ke ku bo na fasi ora ku e kusas ciga na kabantada?

Jeremias 7:28

Fala elis: ‘Es i nason ku ka obdisi SIÑOR se Deus, nin e ka misti pa e kuriẑidu. Bardadi pirdi gosi; i ka ta obidu na se boka.’

Daniel 8:12

Pabia di pekadu, ki tropas ntregadu na si mon, ku sakrifisiu di kada dia. I toma bardadi, i botal na con. Tudu ki fasi i ta kurilba diritu.

Oseias 7:1

“Ora ku N misti tira ña pobu di katiberasku, N kura Israel, pekadu di Efrain ta sai na lus, suma tambi maldadis di Samaria, pabia elis e sedu nganaduris; ladrons ta yentra na kasas; bandidus ta roba la fora na rua.

Amos 5:11

Bo ta masa koitadi, bo pul pa i paga mpustu di miju. Pabia di kila, bo na kumpu kasas bonitu di pedra, ma bo ka na mora nelis; bo na paranta bon ortas di uva, ma bo ka na bibi se biñu.

Amos 5:7

Bo pui justisa bida venenu, pabia bo nega fasi justisa sertu pa jinti.

Amos 6:12

Nta kabalus pudi kuri na pedras garandi? Algin pudi labra la ku bakas? Ma abos bo bidanta justisa venenu; bo pui retidon pa i sedu kusa malgos.

Abakuk 1:4

Lei pirdi si forsa; justisa nunka ka ta fasidu diritu, pabia omi mau ta ngaña riba di justu; asin justisa ta sai tortu.