Isaias 59:11 - BIBLIA - traduson antigu in Krioulo

¹¹ Anos tudu no ta pupa suma lubu; tudu ora no ta jimi suma pumba. No na pera justisa, ma i ka ten; no na pera salbason, ma i sta lunju di nos.

Isaias 59:11 ပူးပေါင်းရင်းမြစ်များ

Salmus 119:150

Kilis ku ta yanda na maldadi e na ciga pertu; ma e sta lunju di bu lei.

Salmus 119:155

Salbason sta lunju di jinti mau, pabia e ka ta buska manera di kumpri bu regras.

Salmus 38:8

N sta fraku, N kebrantadu; N ta jimi pabia N ka ten susegu na ña korson.

Salmus 55:2

Obin, bu kudin. N sinti kansadu na ña sintidu, N na yanda tarpajadu

Salmus 85:9

Sin duvida el i sta pruntu pa salba kilis ku rispital, pa gloria pudi sta na no tera.

Isaias 38:14

N fika N na cora suma jamba o andoriña; N na jimiba suma pumba. Ña ujus fika fraku manera ku N na jubi pa seu. O SIÑOR, N sta forontadu; sakuran!”

Isaias 51:20

Bu fijus dismaja ja, e dita na entrada di tudu kamiñus, suma gazela ku pañadu na armadilia. E sinti forsa di raiba di SIÑOR, manera ki raprindi elis.

Isaias 59:14

Asin, justisa i ribantadu pa tras; retidon i firma la lunju, i ka pudi yentra; bardadi da tapada na ruas.

Isaias 59:8

E ka kunsi kamiñu di pas, nin e ka ta yanda na justisa. E kumpu kamiñus tortu pa se kabesa; algin ku ta yanda na ki kamiñus i ka kunsi pas.

Isaias 59:9

E ku manda justisa sta lunju di nos; retidon ka ta yangasanu. No ta pera lus, ma son sukuru ku ten. No ta pera lus di parmaña, ma no ta yanda na sombra sukuru.

Jeremias 8:15

No na peraba pas, ma nada di bon ka bin; no na peraba tempu di kura; gosi no oja medu.

Jeremias 9:1

I ta seduba bon pa ña kabesa tene fonti di yagu, pa ña ujus sedu fonti di larmas! Asin N ta coraba di dia ku di noti pa mortus di ña pobu.

Miskiñu di Jeremias 3:17

I tira pas na ña korson. N diskisi ja di tempu ku kusas ta kurinba diritu.

Ezekiel 7:16

Kilis ku kuri e kapli, e na sta na montis, suma pumbas di kobon. Kada kin na jimi pabia di si maldadi.

Oseias 7:14

E ka ta coman di korson, ma e ta da gritus na se kama. E ta junta pa trigu ku biñu, ma e ravolta kontra mi.

Naun 2:7

Jinti di prasa na lebadu na katiberasku; si bajudas na jimi pa bai, suma pumbas, e na suta se pitu.

Naun 2:8

Ninive, disna ki izisti, i suma dipositu di yagu. Ma gosi, yagu na sai kinti-kinti. Jinti na grita: “Bo para! Bo para!” Ma ningin ka riba tras.