Isaias 59:10 - BIBLIA - traduson antigu in Krioulo

¹⁰ No ta palpa paredis suma segus; sin, no ta yanda no palpa suma kilis ku ka tene uju; no ta da tapada me-dia suma na fuska-fuska. Na metadi di jinti forti no sta suma jinti ku muri.

Isaias 59:10 ပူးပေါင်းရင်းမြစ်များ

Jo 5:14

Sukuru ta bin riba delis di dia; me-dia e ta palpa suma di noti.

Ditus 4:19

ma kamiñu di omis mau i sukuru; nin e ka ta sibi ke ku pui elis pa e kai.

Isaias 28:13

Asin palabra di SIÑOR na sedu mandamentu riba di mandamentu, lei riba di lei, regra riba di regra, un bokadu pa li, un bokadu pa la; de manera e na bai, e kai pa tras, e molosta, e pañadu na lastru, e fika prezu.

Isaias 8:14

El i na sedu kau sagradu pa bos, ma pa tudu dus renu di Israel, i na sedu pedra di da tapada, un pedra garandi ku na pui jinti kai nel. Pa moraduris di Jerusalen i na sedu armadilia ku ridia.

Isaias 8:15

Manga delis na da tapada, e na kai, e kebrantadu, e pañadu prezu na armadilia.”

Jeremias 13:16

Bo da gloria pa SIÑOR bo Deus antis di i tisi sukuru, pa ka bo pe bin da tapada na montis na fuska-fuska. Bo na pera lus, ma el i na mudal pa sombra di mortu, pa sukuru meduñu.

Miskiñu di Jeremias 3:6

I sintandan na kaus sukuru, suma kilis ku tarda muri.

Miskiñu di Jeremias 4:14

E ta yanda-yanda suma segus na rua. E kontaminadu ku sangi tok ningin ka misti toka na se ropa.

Ezekiel 21:15

N koloka spada di matansa na tudu porton, pa pui se korson dismaja, pa buri numeru di kilis ku kai. Ki spada kumpudu pa lampra suma raiu, i sta pruntu pa mata.

Amos 8:9

Na ki dia N na pui sol pa i kai me-dia; tera na fika sukuru na tempu ki dibi di fika klaru.” Asin ku SIÑOR fala.

Mikeias 3:6

Pabia di kila, e na pasa noti sin oja vison; e ka na tene adiviñas na sukuru. Sol na kai riba di ki anunsiaduris; di dia na bida sukuru pa elis.”

Bon Noba di Jesus Kristu ku Jon 12:35

Jesus fala elis: “Lus inda sta ku bos pa puku tempu; bo yanda nkuantu bo tene lus, pa sukuru ka paña bos, pabia kin ku ta yanda na sukuru ka ta sibi pa nunde ki na bai nel.

Bon Noba di Jesus Kristu ku Jon 12:40

“I sega elis uju; i tapa elis ntindimentu, pa e ka pudi oja ku uju, nin pa e ntindi na kabesa, nin pa e riba pa mi Deus, pa N kura elis.”

Ripitison di Lei 28:29

Bu na palpa-palpa di dia suma segu ku na palpa na sukuru; nada ka na kuriu diritu; bu na kalkadu tudu dia; jinti na furta bu kusas; i ka na ten kin ku na librau.

1 Jon 2:11

ma kil ku nfastia si ermon i sta na sukuru; i na yanda na sukuru; i ka sibi nunde ki na bai, pabia sukuru segal uju.