Isaias 58:10 - BIBLIA - traduson antigu in Krioulo

¹⁰ si bu yabri bu korson pa kil ku tene fomi, bu fartanda kil ku kalkadu, bu lus na numia na sukuru; bu sukuru na sedu suma me-dia.

Isaias 58:10 ပူးပေါင်းရင်းမြစ်များ

Isaias 42:16

N na gia segus na kamiñu ke ka kunsi nunka, N na pui elis pa e yanda na kamiñu ku ka kunsidu. N na bidanta sukuru lus se dianti; N na filanta kusas tortu. N na fasi elis e kusas, N ka na bandona elis mas.

Salmus 37:6

I na pui bu retidon ku justisa di bu kasu pa i ojadu klaru suma sol di me-dia.

Jo 11:17

Bu vida na sedu mas klaru di ki me-dia; nin si sukuru ten, i na sedu suma parmaña.

Lukas 18:22

Oca ku Jesus obi es, i falal: “I faltau inda un kusa. Bindi tudu ku bu tene, bu da pobris diñeru, bu ta tene rikesa na seu. Dipus bu ta bin, bu sigin.”

Ditus 14:31

Kin ku kalka koitadi i na koba kil ku kumpul, ma kin ku mostra bondadi pa koitadi i na da Deus gloria.

Isaias 29:18

Na ki dia surdus na obi palabra di libru; na kau sukuru ku ka tene lus, segus na bin oja.

Ditus 28:27

Kin ku pati koitadis i ka na falta nada, ma kil ku fica uju pa elis, manga di jinti na maldisual.

Salmus 41:1

Sortiadu i kil ku ta pensa na koitadis; SIÑOR na libral na dia di foronta.

Isaias 60:2

Jubi, sukuru na kubri mundu; nasons sta na sukuru, ma SIÑOR na lanta riba di bo suma sol; si gloria na ojadu na bo.

Ezekiel 18:16

i ka ta kalka ningin, nin i ka ta fika ku kusa di mpiñu si i pista; i ka ta furta, ma i ta da kumida pa kil ku tene fomi, i ta da ropa pa kil ku sta nun.

Zakarias 6:15

Kilis ku sta lunju na bin juda lantanda kasa di SIÑOR. Abos bo na sibi kuma i SIÑOR ku ten tudu puder ku mandan pa bos. Es i na sedu, si bo pui sintidu pa obi vos di SIÑOR bo Deus.”

Zakarias 14:7

ma i na sedu un dia ku SIÑOR kunsi. I ka na ten di dia nin di noti; di tardi lus na ten.

Ripitison di Lei 15:4

I ka dibi di ten koitadi na bo metadi, pabia SIÑOR bu Deus na bensuau ciu na tera ki na dau pa bu tenel suma yardansa,

Jo 31:31

Omis ku ta tarbaja pa mi e ta fala: ‘A! Kin ku ka ciga di farta ku karni ku Jo ranja?’

Salmus 112:4

Mesmu na sukuru, lus ta nasi pa jinti retu, pa algin ki bon, i justu, i ta sinti pena.