Isaias 57:2 - BIBLIA - traduson antigu in Krioulo

² Kilis ku yanda diritu e na yentra na pas, e na muri diskansadu na se kama.

Isaias 57:2 ပူးပေါင်းရင်းမြစ်များ

Kumsada 17:1

Oca Abron teneba noventa i novi anu, SIÑOR bin pa el, i falal: “Ami i Deus ku ten tudu puder. Yanda ña dianti, sin kulpa.

2 Kronikas 16:14

E ditandal na kama, ku inci ku kusas ku ta cera sabi ku jinti ku ta tarbaja na purfumus purpara. E nteral na prasa di Davi, na koba ki fasiba pa si kabesa; e sindi garandi fugu na si onra.

Jo 3:17

La, jinti mau ka ta ŝatia; la, jinti kansadu ta diskansa.

Salmus 37:37

Nota pa omi di bardadi, bu pensa diritu na kil ki retu, pabia omi di pas ta tene jorson di futuru,

Eklesiastis 12:7

reia riba pa con, suma ki seduba; spiritu riba pa Deus, kil ku dal.

Isaias 14:18

“Tudu reis di nasons e dita na kau di rispitu, kada un na si koba bonitu,

Isaias 26:7

Kamiñu di justu i filadu. Abo ku sedu justu, bu ta filanta kamiñu di justu.

Jeremias 6:16

SIÑOR fala si pobu: “Bo bai firma na ntronkamentu, bo jubi, bo buska kamiñu antigu, bo punta kal ki bon kamiñu, bo yanda nel; asin bo ta oja diskansu pa bo vidas.” Ma e fala: “No ka na yanda nel.”

Ezekiel 32:25

Na metadi di kilis ku matadu, kama pudu pa Elan. Kobas di si tropas sta na roda. Elis tudu e ka sirkunsidadu, ma e matadu ku spada pabia e pantandaba jinti na tera di bibus. Gosi e leba se borgoña ku kilis ku ria na koba, e pudu na metadi di mortus.

Daniel 12:13

“Abo, kontinua na bu kamiñu te na mortu. Bu na muri ma, na kabantada di tempu, bu na lanta pa toma bu yardansa.”

Mateus 25:21

Si patron falal: ‘Abo i bon tarbajadur fiel, bu fasi diritu. Bu sedu fiel na puku; N na pou nkargadu di tarbaju mas importanti. Bin toma parti na kontentamentu di bu patron.’

Lukas 1:6

Elis tudu dus e ta yandaba diritu dianti di Deus; e ta guardaba mandamentu ku lei di Siñor; ningin ka pudi culi elis dedu.

Lukas 16:22

“Un dia ki koitadi muri. Anjus lebal lungu di Abraon. Riku tambi muri, i nteradu.

Lukas 2:29

“Siñor, suma ku bu kumpri bu palabra, bu pudi dispidi ja bu servu ku pas,

Lukas 7:50

Jesus fala minjer: “Bu fe salbau. Bai ku pas.”

2 Koríntius 5:1

No sibi kuma, ora ku no tenda, ku sedu no kurpu di reia, kai, Deus ten un morada na seu pa nos, ku ka ta dana mas, kasa ku ka kumpudu ku mon di omi.

2 Koríntius 5:8

No ten konfiansa; no mas misti disa e kurpu ku no mora nel pa sta juntu ku Siñor.

Filipensis 1:23

Di tudu dus ladu N na jundadu. N ten diseẑu di disa e vida pa N sta ku Kristu, pabia i mas minjor,

Apokalipsi 14:13

Dipus N obi un vos di seu ku fala: “Skirbi kuma: ‘Sortiadu kilis ku muri na mon di Siñor desdi gosi.’ ” Spiritu fala: “Sin, pa e pudi diskansa di se tarbaju kansadu; obras ke fasi ta kumpaña elis.”