Isaias 57:15 - BIBLIA - traduson antigu in Krioulo

¹⁵ Deus altu ku sta riba di tudu, ku tene vida ntidu, ku tene nomi sagradu, asin ki fala: “N mora na un lugar altu, sagradu juntu ku kilis ku ripindi, e baŝa kabesa, pa pudi da elis animu.

Isaias 57:15 ပူးပေါင်းရင်းမြစ်များ

Kumsada 21:33

Abraon paranta un pe di tamarisk na Berseba, i coma nomi di SIÑOR la, ku sedu Deus ku ka ten kumsada nin kabantada.

1 Reis 8:27

“Ma na bardadi, Deus pudi mora na tera me? Seu propi, nin si i seu mas altu, i ka ciga pa bu kibi la, ku fadi e kasa ku N kumpu.

2 Kronikas 34:27

Suma ku bu korson staba pruntu pa obi, bu baŝa pa Deus oca ku bu obi si palabra kontra e lugar ku si moraduris, bu baŝa pa mi, bu rumpi bu ropa, bu cora ña dianti, ami tambi N obiu.

Jo 22:29

Ora ku jinti batidu, bu na fala: ‘Pa e lantandadu!’ Deus na salba umildis.

Jo 6:10

Kusa ku ta seduba ña konsolason, ku ta pun pa N jukuta ku kontentamentu na ña dur ku ka ta disan, i kuma N ka nega palabra di Deus santu.

Salmus 111:9

I bai liberta si pobu; i firmanta si kontratu pa sempri. Si nomi i sagradu, i meduñu.

Salmus 115:3

No Deus sta na seu; i ta fasi tudu suma ki misti,

Salmus 123:1

N yalsa uju pa bo, ku tene tronu na seu.

Salmus 138:6

SIÑOR sta riba, ma i ta jubi pa jinti umildi; i kunsi orgulyosus di lunju.

Salmus 138:7

Si N yanda na metadi di sufrimentu, bu ta arnoba ña vida; bu ta distindi mon kontra raiba di ña inimigus; bu mon direita ta salban.

Salmus 147:3

I ta kura kebrantadus di korson, i ta liga elis cagas.

Salmus 34:18

SIÑOR sta pertu di kilis ku tene korson kebrantadu; i ta salba kilis ku tene spiritu kalkadu.

Salmus 34:19

Omi justu pudi tene manga di fadiga, ma SIÑOR ta libral del tudu;

Salmus 51:17

Ña sakrifisiu pa Deus i un spiritu kebrantadu. O Deus, bu ka na njuti un korson kebrantadu ku ripindi.

Salmus 51:19

Dipus bu na kontenti ku sakrifisius ku ta dadu konformi lei, ku ofertas ntidu kemadu; jinti na pursenta bakas riba di bu altar.

Salmus 83:18

Pui pa e sibi kuma i abo son ku tene nomi di SIÑOR, bu sedu Deus ku ta rena riba di tudu mundu.

Salmus 90:2

Antis di montis bin lanta, antis di bu kumpu tera ku mundu, abo, bu sedu Deus, antis di kumsada te dipus di kabantada.

Salmus 93:2

Bu tronu sta firmi disna di tempu antigu; abo bu sedu antis di mundu kumpudu.

Salmus 97:9

Abo, SIÑOR, bu sedu Deus riba di tudu mundu; bu sta muitu mas altu di ki tudu utru deusis.

Salmus 99:3

E dibi di ngaba bu garandi nomi meduñu, pabia i sagradu.

Saida 15:11

O SIÑOR, na metadi di deusis, kin ku sedu suma bo? Kin ki suma bo ki garandi dimas na puresa, ku ta ngabadu ku medu, ku ta fasi milagris?

Saida 15:13

Abo, ku bu bondadi, bu gia e pobu ku bu salba. Ku bu forsa bu leba elis pa kau sagradu nunde ku bu mora.

Saida 15:18

SIÑOR na rena pa sempri; si renu ka na kaba.”

Saida 40:34

Nuven bin kubri tenda di juntamentu; gloria di SIÑOR inci tabernakulu,

Saida 40:35

tok Moisés ka pudiba yentra na tenda di juntamentu, manera ku nuven sinta riba del; tabernakulu inciba ku gloria di SIÑOR.

Ditus 16:19

Minjor sedu umildi di spiritu juntu ku mansus di ki junta ku orgulyosus pa toma parti na kusas ku furtadu.

Ditus 8:23

Disna di iternidadi N kujidu, disna di kumsada, antis di mundu kumpudu.

Isaias 18:4

SIÑOR papia ku mi i falan: “Ora ku N na jubi di ña morada, N na sta ketu, suma kalur di sol ku na lampra, suma serenu ku ta forma na kalur di tempu di kebur.

Isaias 33:5

SIÑOR i garandisidu pabia i mora na kau mas altu na seu; i inci Sion ku retidon ku justisa.

Isaias 40:28

Bu ka sibi? Bu ka obi kuma ki Deus ku ka ten kumsada nin kabantada, ku sedu SIÑOR, kil ku kumpu tudu parti di mundu, i ka ta kansa, nin si forsa ka ta kaba? Ningin ka pudi sibi ke ki na pensa.

Isaias 52:13

Jubi, ña Servu na tarbaja ku jiresa; i na garandisidu, i na yalsadu riba pa sedu mas altu di tudu.

Isaias 6:1

Na anu ku rei Uzias muri, N oja SIÑOR sintadu na un tronu muitu altu; kilis ku na kumpañal e inciba templu.

Isaias 6:3

E na gritaba ŋutru, e na fala: “Santu, santu, santu; SIÑOR ku ten tudu puder i santu! Tudu mundu inci ku si gloria.”

Isaias 63:15

Na seu, bu morada sagradu i gloriosu, jubi pa bas. Nunde bu pruntidon ku bu milagris? Gosi bu ka ta mostranu bu amor di korson nin bu bondadi.

Jeremias 10:10

Ma SIÑOR i Deus di bardadi; el i Deus bibu, Rei pa sempri. Si i paña raiba, con ta tirmi; nasons ka pudi nguenta si raiba.

Miskiñu di Jeremias 3:41

No lantanda no korson ku no mon pa Deus te na seu, no fala:

Ezekiel 16:63

N na purdau tudu kusas mau ku bu fasi, ma bu na lembra delis, bu na sinti borgoña tok bu ka na yabri boka mas. Asin ku SIÑOR Deus fala.’ ”

Ezekiel 9:4

i falal: “Pasa na metadi di prasa di Jerusalen, bu pui sinal na rostu di kilis ku sta tristi, e na cora pabia di kusas nujenti ku na fasidu la.”

Daniel 2:11

Kusa ku rei na pidi i kansadu dimas. Ningin ka pudi kontau ki kusa si i ka deusis ku ka ta mora na metadi di jinti.”

Daniel 4:17

“‘I anjus ku na anunsia e disison; santus ku na da e ordi, pa jinti bibu e pudi sibi kuma Deus ku sta riba di tudu i ta manda riba di renus di mundu, i ta da elis pa kin ki misti, nin ki omi mas umildi di tudu ki pui riba delis.’

Daniel 4:34

Oca ki tempu pasa, ami, Nabukodonosor, N yalsa uju pa seu; ña juisu torna pa mi. N fala ben di Deus ku sta riba di tudu, N ngabal, N da gloria pa kil ku na vivi pa sempri. I na domina pa sempri; si renu na sedu di un manjuandadi pa utru, pa sempri.

Joel 2:13

Te pa bo rumpi bo ropa, minjor bo rumpi bo korson.” Bo riba pa SIÑOR bo Deus, pabia el i ta sinti pena, i ta mostra amor; i ta tarda pa paña raiba, i ten garandi bondadi; i ta muda di mal ki pensa fasi.

Mikeias 5:2

SIÑOR fala: “Abo, Belen Efrata, nin ku bu sedu pikininu na metadi di milyaris di Judá, na bo ki na bin sai pa mi kil ku na sedu ŝef na Israel, ku si kumsada sedu disna di tempus mas antigu ku pasa.”

Mikeias 6:8

O omi, el i kontau ke ki bon. Kusa ku SIÑOR na pidiu i son pa bu fasi kil ki justu, pa bu mostra sempri bondadi, tambi pa bu yanda umildi ku bu Deus.

Zakarias 2:13

Pa tudu jinti kala dianti di SIÑOR, pabia i lanta di si morada sagradu.

Zakarias 9:9

Prasa di Sion, fika kontenti! Prasa di Jerusalen, kanta ku alegria! Ali bu rei na bin pa bo, Salbadur justu, umildi, montadu na un buru, montadu na fijusiñu di buru.

Mateus 6:9

E ku manda bo dibi di ora asin: ‘No Pape ku sta na seu, no misti pa bu nomi rispitadu,

Lukas 1:49

pabia Deus di puder fasin garandi kusas; si nomi i santu.

Lukas 4:18

“Spiritu di Siñor sta riba di mi, pabia i unjin pa N konta Bon Noba pa pobris;

Atus 3:14

Bo nega kil ki santu, ki justu; bo pidi Pilatus pa i larga bos ki omi matadur.

Romanus 1:20

Si koldadi ku ka ta ojadu ku uju, ku sedu si puder sin fin suma el i Deus, i un kusa klaru disna ki kumpu mundu; i ojadu pabia di kusas ki kumpu. Asin e jinti ka ten diskulpa.

2 Koríntius 1:4

ku ta animanu na tudu kasabi, pa no pudi tambi anima utrus na tudu koldadi kasabi. No ta da utrus ki koraẑen ku anos propi no risibi di Deus.

2 Koríntius 2:7

Gosi bo dibi di purdal, bo animal, pa ka i fika ku garandi tristesa tok i disanima dimas.

2 Koríntius 7:6

ma Deus, ku ta da koraẑen pa kilis ku sta disanimadu, i danu koraẑen oca Titu bin.

Ripitison di Lei 33:27

Deus ku ka ten kumsada nin kabantada i bu moransa suguru; si brasus iternu sta bas di bo. I ta serka bu inimigu bu dianti, i fala: ‘Kaba ku el!’

1 Timótiu 1:17

Asin no da onra ku gloria pa tudu sempri pa Rei iternu, uniku Deus, ku ka na muri, ku ka ta ojadu. Amen.

1 Timótiu 6:16

El son ku ka ta muri, i mora na lus ku ningin ka pudi ciga nel. Ningin ka ojal, nin i ka pudi ojadu, kil ku ten ku dadu onra ku puder pa sempri. Amen.

Ebreus 9:14

ku fadi gora puder di sangi di Kristu pa limpa no konsiensia di kustumus ku ta tisi mortu, pa no sirbi Deus bibu! Ku ajuda di Spiritu ku ta bibu pa sempri, Kristu da si vida pa Deus, suma sakrifisiu ku ka tene manca.

Tiagu 4:6

Ma fabur ku Deus da i mas garandi. E ku manda Skritura fala: “Deus i sta kontra jinti ku ta yalsa se kabesa, ma i ta mostra fabur pa kilis ku ta baŝa se kabesa.”

1 Pedru 5:5

Asin tambi abos jovens, bo baŝa pa mas bejus. Abos tudu, bo baŝa pa ŋutru. Bo kubri ku umildadi suma ropa, pabia, suma ku Skritura fala, “Deus i kontra jinti ku ta yalsa se kabesa, ma i ta mostra fabur pa kilis ku ta baŝa se kabesa.”

Apokalipsi 15:4

Siñor, kin ku ka na medi bo? Kin ku ka na ngaba bu nomi? Abo son ki puru. E ku manda tudu nasons na bin, e na kai bu dianti pa adorau, pabia kusas justu ku bu fasi, tudu jinti pudi ojal.”

Apokalipsi 3:7

“Skirbi pa anju di igreẑa di Filadélfia, bu falal: ‘Es i palabra di kil ki santu, i di bardadi, ku tene cabi di Davi. Si i yabri, ningin ka pudi fica; si i fica, ningin ka pudi yabri.

Apokalipsi 4:8

Kada un di ki kuatru kriatura bibu teneba seis asa; ujus kubri elis na tudu ladu, dentru ku fora. Di dia ku di noti, sin diskansu, e ta fala: “Santu, santu, santu! Siñor Deus ku ten tudu puder i santu, kil ku seduba, ku sedu, ku ten ku bin.”

1 Samuel 2:2

“I ka ten algin puru suma SIÑOR; utru ka ten fora del; i ka ten nin un roca suma no Deus.