Isaias 55:2 - BIBLIA - traduson antigu in Krioulo

² Pabia di ke ku bo na gasta diñeru na kil ku ka sedu kumida? O ke ku manda bo na gasta bo vensimentu na kusa ku ka pudi fartanda bos? Bo sukutan diritu, bo kume kil ki bon; asin bo ta kontenti ku kumida riku.

Isaias 55:2 ပူးပေါင်းရင်းမြစ်များ

Salmus 22:26

Koitadis na kume, e farta; kilis ku buska SIÑOR na ngabal. N dija pa e ten koraẑen pa sempri!

Salmus 34:11

Ña fijus, bo bin, bo sukutan; N na nsina bos manera di rispita SIÑOR.

Salmus 36:8

E ta farta rikesas di bu kasa; bu ta pui elis pa e bibi na riu di bu sabura,

Salmus 63:5

Ña alma farta, suma algin ku farta kumida gurdu; asin ña boka na ngabau ku kontentamentu

Saida 15:26

i fala elis: “Si bu pui sintidu diritu pa obi kil ku SIÑOR bu Deus na fala, bu fasi kusa ki bon dianti di si uju, bu pui sintidu pa obi si mandamentus, bu obdisi tudu si ordis, N ka na pui riba di bo nin un di duensas ku N pui riba di Ejitu, pabia ami i SIÑOR ku ta kurau.”

Ditus 1:33

ma kil ku para sintidu na ña palabra i na mora suguru, ketu, sin medu di mal.”

Ditus 7:23

suma kacu ku na bua pa ridia. I ka sibi kuma la si vida sta na pirigu tok fleŝa fural na figadu.

Ditus 8:32

“Asin, ña fijus, bo obin, pabia kilis ku yanda na ña kamiñus e na sortiadu.

Ditus 9:5

“Bo bin, bo kume di ña kumida, bo bibi biñu ku N purpara.

Eklesiastis 6:2

Deus pudi da un omi manga di rikesa ku rispitu, tok nada ka faltal di tudu ki misti, ma Deus ka dal puder pa i kume di ki kusas; utru algin strañu ku bin kumel. Es tambi i bakatela; i un kasabi garandi.

Isaias 1:19

Si bo obdisi ku bon vontadi, bo ta kume bon kumida de tera,

Isaias 10:27

Na ki dia si kargu na tiradu na bu ombra; kanga na tiradu na bu garganti, i na kebrantadu.

Isaias 25:6

Ne monti SIÑOR ku ten tudu puder na purpara pa tudu nasons un festa di kumida riku, un festa ku biñu beju, ku karni gurdu ku biñu mas puru.

Isaias 44:20

I suma i na kume sinsa; si korson di nganu disviantal tok i ka pudi libra si kabesa, nin pa punta: “Nta e kusa na ña mon direita i ka mintida?”

Isaias 46:6

Utrus ta tira uru di se saku, e pesa prata na balansu; e ta paga urivi pa i kumpu elis un deus; dipus e ta mpina si dianti, e adoral.

Isaias 51:1

Bo sukutan, abos ku ta sigi kusa ku sta sertu, abos ku ta buska SIÑOR. Bo jubi pa roca ku bo kortadu nel, pa koba di pedra nunde ku bo tiradu nel.

Isaias 51:4

“Ña pobu, bo paran sintidu; ña nason, bo para oreja pa sukutan. Lei na sai di mi; ña justisa na pudu suma lus pa nasons.

Isaias 51:7

“Bo sukutan, abos ku ta rapara bon kusas, ku tene ña lei na bo korson. Ka bo medi trosa ku omis ta fasi bos, nin ka bo ŝatia si e koba bos,

Isaias 62:8

SIÑOR jurmenta pa si mon direita, si brasu forti, i fala: “Nunka mas N ka na da bu inimigus bu trigu pa se kumida, nin stranjerus ka na bibi bu biñu nobu ku bu tarbaja pa el,

Isaias 62:9

ma kilis ku tarbaja pa juntal, e na kumel, e na ngaba SIÑOR. Kilis ku kuji uvas, e na bibi se biñu, na baranda na ña kau sagradu.”

Isaias 65:23

E ka na tarbaja amonton, nin e ka na padi fijus pa sufrimentu, pabia e na sedu un pobu ku SIÑOR bensua, elis ku se jorson di futuru.

Jeremias 12:13

E sumia trigu, e kebra fididas. E kansaba, ma e ka oja purbitu. Bo kebur na tisi borgoña pa bos, pabia di raiba garandi di SIÑOR.”

Jeremias 17:24

“‘Ma si bo pui sintidu pa obin, ami SIÑOR, bo ka yentranda kargus na portons di prasa na dia di diskansu, bo tenel suma dia sagradu, bo ka fasi tarbaju nel,

Jeremias 2:13

“Ña pobu fasi dus tipu di pekadu. Purmeru kusa: e bandonan, ami ku sedu uju di fonti di yagu bibu. Sugundu: e ranja se propi kau di guarda yagu, ma kila raca, yagu ta sai tudu.

Jeremias 31:14

N na fartanda saserdotis ku kumida riku; ña pobu na farta ku ña rikesas.” Asin ku SIÑOR fala.

Oseias 12:1

Efrain ta buri danu ku mintida; i fasi kontratu ku Asiria, i ta leba azeiti pa Ejitu. I suma i ta kume bentu; tudu dia i ta yanda tras di bentu di lesti.

Oseias 8:7

“E ta sumia bentu, e ta kebra turbada. Kebur ka ten; pe di miju ka pudi padi; asin i ka na ten foriña. Ma nin si i tenba, stranjerus na ngulilba.

Abakuk 2:13

Nasons ta tarbaja son pa fugu; jinti ta kansa na nada. Nta i ka SIÑOR ku ten tudu puder ku fasi es?

Mateus 15:9

E ta adoran amonton; e ta nsina jinti mandamentus di omi suma ki di Deus.’ ”

Mateus 22:4

I torna manda utru kriadus ku ordi di bai fala kumbidadus: ‘N tene ja ña sia purparadu, ña turus ku utru limarias ku N kria pa e festa e matadu ja. Tudu sta ja pruntu. Bo bin pa festa di kasamenti.’

Mateus 5:6

“Sortiadu i kilis ku ta faima pa fasi ke ku Deus misti, pabia Deus na bin fartanda elis.

Markus 7:14

I torna coma ki multidon di jinti, i fala elis: “Bo obin, abos tudu, bo ntindi.

Lukas 15:23

Bo tisi ki fiju di baka mas gurdu, bo matal, pa no kume, no kontenti,

Bon Noba di Jesus Kristu ku Jon 6:27

Ka bo tarbaja pa kumida ku ta dana, ma bo tarbaja pa kumida ku ka ta dana, ku ta fika pa vida ku ka ta kaba, ku Fiju di omi na bin da bos, pabia Deus si Pape pui si karimbu riba del.”

Romanus 10:17

Asin, obi rekadu ta danu fe. Rekadu bin di palabra di Kristu.

Romanus 9:31

ma pobu di Israel, ku pega tras di lei pa e pudi ojadu justu, e ka yangasal.

Ripitison di Lei 11:13

Si bu pui sintidu, bu obdisi mandamentus ku N na dau aos, pa ama SIÑOR bu Deus, bu sirbil ku tudu bu korson ku tudu bu alma,

Ebreus 13:9

Ka bo disa manga di koldadi nsinamentu strañu tira bos na bo kamiñu. I mas bon pa no korson risibi forsa di grasa di Deus te pa sigi regras di kumida, ku ka tisi nin purbitu pa kilis ku na yandaba di ki manera.