Isaias 54:11 - BIBLIA - traduson antigu in Krioulo

¹¹ “Abo, prasa kastigadu, ku turbada suta, bu fika sin konsolason. N na fajau ku pedras bonitu, N pui bu alisersu riba di safiras.

Isaias 54:11 ပူးပေါင်းရင်းမြစ်များ

1 Reis 5:17

Rei da ordi pa e tisi pedras garandi, di bon koldadi, tudu labradu, pa alisersu di kasa.

1 Reis 6:30

Tambi i kubri con ku uru, na tudu dus kuartu.

1 Kronikas 29:2

Ami, ku tudu ña forsa, N purpara material pa kasa di ña Deus: uru pa kumpu kusas di uru, prata pa kusas di prata, suma tambi kobri, feru ku madera, ku tudu koldadi joia bonitu di balur, ku pedra finu ku marmori, manga del.

2 Kronikas 3:6

I faja kasa ku joias di balur; uru ki usa i binba di Parvain.

Jo 28:16

I ka pudi kumpradu ku uru di Ofir, nin ku pedras di balur suma oniks ku safira.

Salmus 34:19

Omi justu pudi tene manga di fadiga, ma SIÑOR ta libral del tudu;

Saida 2:23

Oca ki pasa manga di tempu, rei di Ejitu bin muri. Fijus di Israel fika e na jimi bas di katiberasku, e na grita pa ajuda pabia di se kastigu. Se gritu ciga dianti di Deus.

Saida 24:10

e oja Deus di Israel; bas di si pe con staba suma i kumpudu ku pedra di safira, ku parsi suma seu azul klaru.

Saida 3:2

Anju di SIÑOR bin pa Moisés dentru di un ŝama di fugu ku na yardi na metadi di un arvurisiñu. Moisés fika i na jubi, i rapara kuma ki arvurisiñu na yardi, ma i ka na kema.

Saida 3:7

SIÑOR falal: “N jubi diritu pa sufrimentu di ña pobu ku sta na Ejitu; N obi se gritu pabia di kapatasis ku na kastiga elis, N pui sintidu pa se dur.

Kantiga di Salomon 5:14

Si mons i suma anel di uru ku mitidu pedras di turkesa nel. Si bariga i suma marfin branku ku kubridu ku safiras.

Isaias 14:32

Kal rasposta ku na dadu pa jinti ku tisi rekadu di Filistia? I na sedu kuma SIÑOR firmanta Sion, pa kilis di si pobu ku foronta pudi oja kau suguru nel.

Isaias 28:16

Ma asin ku SIÑOR Deus fala: “Ali N na pui un pedra na Sion, pedra di kantu ku probadu ja, ku ten garandi balur, ku ta fasi alisersu firmi; algin ku fiansa nel i ka ta turmenta.

Isaias 44:28

I ami ku na fala aserka di Siru kuma el i ña ŝef; i na fasi tudu kil ku N misti. I na da ordi pa Jerusalen kumpudu, tambi pa templu pudu alisersu.”

Isaias 49:14

Ma Sion fala: “SIÑOR bandonan ja; i diskisi di mi.”

Isaias 51:21

Abo ku sta forontadu, sukuta e kusa, abo ku cami, sin bibi biñu.

Isaias 51:23

Ma N na pul na mon di kilis ku maltratau, ku falau: ‘Dita na con pa no yanda riba di bo,’ tok bu pui bu kosta suma con, suma kamiñu pa kilis ku na pasa.”

Isaias 54:12

N na kumpu bu toris ku rubins, ku portons di pedras ku ta lampra suma fugu. Mura tudu na sedu di pedras di balur.

Isaias 54:6

Abo i suma minjer ku kasa na si nobresa, ku sta tristi di spiritu pabia i bandonadu, ma ami, SIÑOR bu Deus, N comau, N na falau:

Isaias 60:15

“Bu seduba bandonadu, bu odiadu; ningin ka ta pasaba na bo, ma gosi, N na dau gloria ku ka ta kaba; bu na sedu alegria di tudu jorsons di futuru.

Jeremias 30:17

N na tornau bu saudi, N na kurau bu cagas, mesmu ke comau bandonadu, e fala: ‘I Sion; ningin ka ta mporta ku el!’ ” Asin ku SIÑOR fala.

Miskiñu di Jeremias 1:21

“E obin oca ku N na jimi, ma i ka ten kin ku na kalman; Tudu ña inimigus ku bin obi ña mal e kontenti, pabia i abo ku fasil. Ora ku bu tisi ki dia ku bu papia del, e na bin sedu suma mi.

Ezekiel 1:26

Riba di ki seu i tenba un kusa ku parsi tronu ku kumpudu di pedra di balur ku comadu safira. Sintadu la riba di tronu i tenba kil ku parsi ku omi.

Ezekiel 10:1

Dipus N jubi, N oja un kusa ku parsiba ku tronu, kumpudu ku un pedra comadu safira, ku staba riba di ki seu ku staba riba di kabesa di kirubins.

Mikeias 7:11

Pobu di Jerusalen, dia na ciga pa torna kumpu bu muras; na ki dia bu na ciganta mura, pa prasa fika mas largu.

Mateus 8:24

I bin lanta un garandi turbada na mar; kuas maron na kubriba barku, ma Jesus ditaba, i na durmi.

Bon Noba di Jesus Kristu ku Jon 16:33

N konta bos e kusas pa bo ten pas na mi. Na mundu bo na tene foronta, ma bo ten koraẑen; ami N ngaña mundu.”

Atus 14:22

e fortifika krentis, e konsija elis pa e kontinua firmi na fe; e fala elis kuma, pa no yentra na renu di Deus, i pirsis pasa manga di sufrimentu.

Efésius 2:20

Bo kumpudu riba di alisersu di apostolus ku anunsiaduris. Kristu Jesus, el propi ki purmeru pedra di kantu.

Ripitison di Lei 31:17

Asin N na paña raiba ku elis na ki dia, N bandona elis, N sukundi ña rostu delis; e na ngulidu. Manga di mal ku mufunesa na yangasa elis, tok e punta: ‘Nta tudu e mal ku yangasanu i ka pabia no Deus ka sta na no metadi?’