Isaias 53:8 - BIBLIA - traduson antigu in Krioulo

⁸ I prindidu, i julgadu; dipus i lebadu. Kin ku mporta ku si vida? Si vida kortadu na tera; i golpiadu pabia di mal ku ña pobu fasi.

Isaias 53:8 ပူးပေါင်းရင်းမြစ်များ

Salmus 69:12

Kilis ku ta sinta na porton di prasa e ta papia kontra mi; N sedu kantiga pa camiduris.

Salmus 88:5

ku pudu juntu ku mortus, suma kilis ku matadu, e dita na koba. Bu ka ta lembra mas delis; bu mon ka ta juda elis.

Isaias 53:12

E ku manda N na dal kiñon na metadi di garandis; i na rapati ku jinti di forsa kusas ku tomadu na mon di inimigu, pabia i darma si vida na mortu, i kontadu na grupu di jinti ku kebra lei. I karga pekadu di manga di jinti, i ora pa kilis ku kebra lei.

Isaias 53:5

Ma i fura-furadu pabia di no kulpas, i molostadu pabia di no pekadus. Kastigu ku tisinu pas staba riba del; no tene saudi pabia di si pustema.

Jeremias 11:19

Ami N seduba suma karnel mansu ku na lebadu pa bai matadu, pabia N ka sibiba si e na purpara planus kontra mi. E fala: “No dana arvuri ku si fruta, no kortal na tera di bibus, pa i ka ten lembransa di si nomi.”

Miskiñu di Jeremias 3:54

Yagu bin kubri ña kabesa; N fala: “Gosi N pirdi.”

Daniel 9:26

Ora ku ki kuatrusentus i trinta i kuatru anu kaba, kil ku Deus kuji na matadu; i ka na tene nada. Pobu di un ŝef ku na bin e na kaba ku prasa ku kau sagradu. Si kabantada na sedu suma yagu di diluviu. Gera na ten te na fin. Garandi danu markadu.

Mateus 1:1

Es i lista di garandis di Jesus Kristu, ku padidu na jorson di Davi ku Abraon:

Bon Noba di Jesus Kristu ku Jon 19:7

Ŝefis di judeu ruspundil: “Konformi lei ku no tene, i dibi di muri, pabia i fala kuma el i Fiju di Deus!”

Atus 8:33

I lebsidu, i ka fasidu justisa. Ningin ka na pudi konta di si futuru jorson, pabia si vida tiradu na tera.”

Romanus 1:4

ma na ladu di Spiritu di santidadi, manera ki lanta di mortu, i mostradu ku puder kuma el i Fiju di Deus.

1 Pedru 3:18

Kristu tambi i muri un bias son pa pekadu; el ku sedu justu muri pa kilis ku ka sedu justu, pa lebanu pa Deus. El i matadu na kurpu, i dadu vida na spiritu.