Isaias 53:3 - BIBLIA - traduson antigu in Krioulo

³ I disprezaduba; omis negal. Tambi i omi di dur ku ta sufriba ciu. Jinti ka ta dalba rostu, e disprezal. Anos no ka ta mportaba ku el.

Isaias 53:3 ပူးပေါင်းရင်းမြစ်များ

Salmus 69:29

Ma ami, N sta ku kasabi ku foronta. O Deus, ku bu salbason bu ta yalsan pa kau suguru.

Salmus 88:4

N pudu na konta di kilis ku na ria ja pa koba. N sedu suma omi sin forsa,

Isaias 49:7

SIÑOR, Libertadur di Israel, ku sedu si Deus Santu, i fala pa kil ku disprezadu, ku nasons aburisi, servu di kilis ku ta guberna: “Reis na oja ke ku SIÑOR fasi pa bo, e na lanta pa mostrau rispitu; ŝefis na mpina bu dianti, pabia di SIÑOR, Deus Santu di Israel, ku sedu fiel, i kujiu.”

Isaias 50:6

N da ña kosta pa kilis ku na sutan; N ntrega ña rostu pa kilis ku na rinkan kabelu. N ka sukundi ña rostu di kilis ku na koban mal, e na kuspin.

Isaias 52:14

Manga delis e fika dimiradu oca ke ojal, pabia si parsensa danadu mas di ki kualker utru, tok nin i ka parsi omi.

Isaias 53:10

I SIÑOR ku mistiba molostal, pa fasil pa i sufri; si vida dadu pa purdon di pekadu, ma si vida na kumpridu, i na oja si jorson. Pabia di si tarbaju, planu di SIÑOR na fasidu diritu.

Isaias 53:4

Na bardadi, i toma no duensas na si kurpu, i karga no duris. Anos no pensaba kuma i Deus ku kastigal, i pul na ki sufrimentu ku foronta.

Mikeias 5:1

Prasa di Jerusalen, junta bu tropas, pabia e tajanu; e na bin suta ŝef di Israel na kara ku manduku.

Zakarias 11:8

Na un mis N tira tris bakiadur pabia N pirdi pasensa ku elis; elis tambi e fika kansadu ku mi.

Mateus 26:67

Ki ora e kuspil na rostu, e dal suku; utrus dal bofotada,

Mateus 27:63

e falal: “Siñor, no lembra kuma ki nganadur, ocalba inda bibu, i fala kuma, dipus di tris dia i na lanta di mortu.

Markus 10:33

I fala elis: “Bo sukuta. No na bai Jerusalen nunde ku Fiju di omi na ntregadu pa ŝefis di saserdoti, ku pursoris di lei. E na bai kondenal pa mortu, e na ntregal na mon di jinti ku ka sedu judeu.

Markus 10:34

Elis e na fasil trosa, e na kuspil, e sutal, e matal, ma, dipus di tris dia, i na lanta di mortu.”

Markus 14:34

I fala elis: “Ña korson sta tristi dimas, kuas pa muri. Bo fika li, bo ba ta bisia.”

Markus 15:19

E sutal ku kana na kabesa, e kuspi riba del, e finka juju si dianti suma ke na adoral.

Markus 9:12

Jesus ruspundi, i fala elis: “Na bardadi, Elias na bin purmeru, pa pui tudu na ordi. Nta pabia di ke ku Skritura fala di Fiju di omi kuma i na sufri ciu, i na njutidu?

Lukas 16:14

Utru fariseus ku gostaba di diñeru, oca ke obi tudu e kusa ku Jesus fala, e fasil trosa.

Lukas 19:41

Oca ku Jesus ciga pertu, i oja prasa, i cora pa el,

Lukas 8:53

Jinti ril, pabia e sibi kuma i sta mortu.

Lukas 9:22

I fala elis: “I pirsis pa Fiju di omi sufri manga di kusa, pa i negadu pa jinti garandi, ku ŝefis di saserdoti, ku pursoris di lei; pa i matadu; na terseru dia pa i lanta di mortu.”

Bon Noba di Jesus Kristu ku Jon 11:35

Jesus cora.

Bon Noba di Jesus Kristu ku Jon 8:48

Ŝefis di judeu ruspundi e puntal: “No ka ten roson di fala kuma abo i samaritanu, bu tene dimoniu?”

Ripitison di Lei 32:15

Jesurun taka, i da ponta-pes; i farta kumida, i bida gurdu. I disa Deus, kil ku kumpul; i nega Roca ku salbal.

Ebreus 4:15

No ka tene un ŝef di saserdoti ku ka pudi ten pena di no frakesa, ma un ku tentaduba na tudu, suma nos, ma ku nunka ka peka.

Ebreus 5:7

Oca i na vivi na mundu, i yalsa vos ku larma na orason, i pidi Deus, kil ku pudiba libral di mortu. I obidu pabia el i rispitadur di Deus.