Isaias 53:2 - BIBLIA - traduson antigu in Krioulo

² Servu di SIÑOR na kirsi si dianti suma planta ku kumsa na nasi, ku tene rais na con seku. I ka teneba bonitasku nin parsensa di rei. Oca ku no jubil, no ka oja nada bonitu ku pudi punu pa no mistil.

Isaias 53:2 ပူးပေါင်းရင်းမြစ်များ

Isaias 11:1

Algin na padidu na jorson di Jesé suma ramu nobu ku sai na pe ku kortadu; na si rais i na sai nobu ramu ku na padi frutu.

Isaias 4:2

Tempu na ciga ku SIÑOR na pui plantas na si tera pa e tene bonitasku ku gloria; frutu di con na sedu orgulyu ku gloria pa kilis di Israel ku kapli.

Isaias 52:14

Manga delis e fika dimiradu oca ke ojal, pabia si parsensa danadu mas di ki kualker utru, tok nin i ka parsi omi.

Isaias 9:6

Un mininu padidu ja pa nos; no dadu un fiju. Puder di guberna sta riba di si ombras; si nomi na comadu Maravilyosu, Konsijadur, Deus Forti, Pape di Iternidadi, Rei di Pas.

Jeremias 23:5

SIÑOR fala: “Tempu na bin ku N na lantanda pa Davi un ramu justu, un rei ku na rena ku jiresa, i na fasi kusas justu i sertu na tera.

Zakarias 3:8

Sukuta, Josué, ŝef di saserdotis, abo ku bu kolegas ku sinta bu dianti, pabia bo sedu sinal di kil ku na bin. Jubi, N na tisi ña servu ku comadu Ramu.

Zakarias 6:12

bu falal kuma SIÑOR ku ten tudu puder fala: ‘Ali omi ku tene nomi di Ramu; i na kirsi na kau ki sta nel, i na kumpu kasa di SIÑOR.

Markus 6:3

Nta es i ka ki karpinteru, fiju di Maria, ermon di Tiagu, José, Judas ku Simon? Si ermons femia e ka sta li na no metadi tambi?” Asin e ka fika nada kontenti ku el.

Markus 9:12

Jesus ruspundi, i fala elis: “Na bardadi, Elias na bin purmeru, pa pui tudu na ordi. Nta pabia di ke ku Skritura fala di Fiju di omi kuma i na sufri ciu, i na njutidu?

Lukas 2:7

I padi si purmeru fiju, i mbuljal na panus, i ditandal na kaŝa nunde ku limarias ta kume nel, pabia i ka tenba lugar pa elis na kasa di ospris.

Lukas 9:58

Jesus falal: “Timbas tene se koba, kacus di seu tene se niñu, ma Fiju di omi ka tene kau di ngosta kabesa.”

Bon Noba di Jesus Kristu ku Jon 18:40

Tudu ki jinti grita: “El nau; i Barabás ku no misti!” Barabás seduba un bandidu.

Bon Noba di Jesus Kristu ku Jon 19:5

Jesus sai pa fora ku koroa di fidida na kabesa, ku bistimentu di rei. Pilatus fala elis: “Ali ki omi.”

Romanus 8:3

Deus fasi kil ku lei ka pudiba fasi, di manera ku no naturesa fraksi lei: i manda si Fiju ku kurpu suma no kurpu di pekadu, pa i sedu sakrifisiu pa pekadu, tambi pa i kondena pekadu na no naturesa,

1 Pedru 2:14

o gubernaduris ku rei manda pa e kastiga kilis ku ta fasi mal, pa ngaba kilis ku ta fasi ben.