Isaias 52:7 - BIBLIA - traduson antigu in Krioulo

⁷ Kil ku yanda riba di montis pa konta bon noba, si pe bonitu dimas; i ta anunsia pas, i ta tisi bon notisias, i ta anunsia salbason, i ta fala Sion: “Bu Deus na rena!”

Isaias 52:7 ပူးပေါင်းရင်းမြစ်များ

Salmus 59:13

kaba ku elis na bu raiba; limpa elis pa ka e izisti mas, tok jinti di tudu parti di mundu sibi kuma Deus rena na Israel. Sela

Salmus 68:11

SIÑOR da palabra; un garandi grupu di jinti bai anunsia bon noba, e fala:

Salmus 93:1

SIÑOR na rena. I bisti puder di renansa. SIÑOR bisti di puder, i mara sintu di forsa. Mundu i firmantadu, i ka pudi bulbuli.

Salmus 96:10

Bo konta na metadi di nasons kuma SIÑOR na rena. Mundu firmantadu pa i ka pudi bulbulidu. Deus na julga nasons ku justisa.

Salmus 97:1

SIÑOR na rena! Tera, ku manga di jiu, pa e kontenti!

Salmus 98:2

SIÑOR pui si salbason pa i kunsidu, i mostra si retidon dianti di nasons.

Salmus 98:3

Na si bondadi ku si bardadi pa pobu di Israel, i lembra sempri di kil ki purmiti elis. Jinti di tudu parti di mundu e oja salbason di no Deus.

Salmus 99:1

SIÑOR na rena; nasons pa e tirmi! El i sinta na tronu na metadi di kirubins; tera pa i bulbuli!

Kantiga di Salomon 2:8

Sukuta! Es i fála di ña amadu. Ala i na salta pa bin riba di montañas, i na jukuta riba di montis.

Isaias 24:23

Lua na fika sukuru; sol na sukundi rostu ku borgoña ora ku SIÑOR ku ten tudu puder na rena na Jerusalen na monti di Sion. Si garandis na oja si gloria.

Isaias 33:22

SIÑOR i no Juis; SIÑOR i kil ku ta danu lei; el ku sedu no rei; el ku na salbanu.

Isaias 40:9

Abo, kontadur di bon nobas pa Sion, subi na un monti altu. Abo, kontadur di bon nobas pa Jerusalen, yalsa bu vos ku forsa; yalsal, ka bu medi, bu fala prasas di Judá: “Ali bo Deus!”

Isaias 41:27

Ami ki purmeru ku fala Sion: ‘Ali e na bin!’ N manda algin pa Jerusalen pa i konta bon noba.

Isaias 42:11

Lala ku si prasas pa e yalsa fála, ku tabankas nunde ku jinti di Kedar mora; Kilis ku mora na prasa di Sela, ku sta riba di monti, pa e yalsa fála, e kanta ku kontentamentu!

Mikeias 4:7

Kilis ku manku ku kilis ku N serka lunju, suma e sedu kilis ku sobra, N na fasi elis un nason forti. SIÑOR na rena riba delis na monti di Sion, disna di ki tempu pa sempri.”

Naun 1:15

Jubi, riba di monti, pe di kil ku na tisi bon noba, di kil ku na konta kuma pas ten ja. Judá, guarda bu festival, bu kumpri bu purmesas, pabia jinti mau ka na torna yentra na bu tera; e na kabadu ku el tudu.

Naun 2:1

Ninive, ala danadur na bin kontra bo! Guarda bu kau forti, bu bisia kamiñu, bu pruntia, bu junta tudu bu forsas.

Zakarias 9:9

Prasa di Sion, fika kontenti! Prasa di Jerusalen, kanta ku alegria! Ali bu rei na bin pa bo, Salbadur justu, umildi, montadu na un buru, montadu na fijusiñu di buru.

Mateus 25:34

Dipus, Rei na fala kilis ku sta na si direita: ‘Bo bin, abos ku ña Pape bensua, pa bo toma yardansa na renu ku purparadu pa bos disna ku mundu kumpudu.

Mateus 28:18

Jesus ciga pertu, i fala elis: “N dadu tudu puder na seu ku tera.

Markus 13:10

Ma antis di kila, i pirsis pa Bon Noba kontadu pa tudu rasa.

Markus 16:15

I fala elis: “Bo bai pa tudu mundu, bo konta Bon Noba pa tudu jinti.

Lukas 2:10

Anju fala elis: “Ka bo panta, pabia N tisi bos noba di garandi alegria ku tudu jinti na kontenti ku el.

Lukas 24:47

pa jinti konta di ripindimentu ku purdon di pekadu na si nomi, pa tudu nasons. E na kumsa na Jerusalen.

Efésius 6:15

Bo pruntia pa konta Bon Noba di pas — es i ta sedu bo sapatu.

Apokalipsi 11:15

Setimu anju toka si korneta. I obidu manga di vos forti na seu, ku fala: “Puder pa manda riba di mundu i pasa ja pa no Siñor ku si Kristu; i na rena pa tudu sempri.”

Apokalipsi 14:6

N oja utru anju ku na bua la riba. I teneba rekadu di Bon Noba ku ka ta kaba pa konta kilis ku mora na tera, pa tudu nason, rasa, lingua ku pobu.