Isaias 52:3 - BIBLIA - traduson antigu in Krioulo

³ Asin ku SIÑOR fala: “Bo bindidu sin lukra nada; bo na libertadu tambi sin diñeru.”

Isaias 52:3 ပူးပေါင်းရင်းမြစ်များ

Salmus 44:12

Bu bindi bu pobu kuas pa nada; bu ka ngaña nada na se pres.

Salmus 44:13

Bu pui pa no visiñus njutinu; kilis ku sta na no roda e ta ri, e fasinu trosa.

Isaias 1:27

Justisa na liberta Sion; vida retu na liberta kilis ku ripindi,

Isaias 45:13

N disperta Siru na ña justisa, N na pasal dianti na tudu kamiñu ki na yanda. I na torna kumpu ña prasa, i na liberta ña pobu di katiberasku, ma i ka na dadu diñeru, nin suku di bas.” I SIÑOR ku ten tudu puder ku fala asin.

Isaias 50:1

Asin ku SIÑOR punta: “Nta i ten karta di kaba kasamenti ku N dispidi bu mame ku el? O i ten algin ku N dibi diñeru pa N bin ntregal bos suma katibus pa paga dibida? Nau! I pabia di bo maldadi ku manda bo bindidu; bo mame serkadu pabia di malis ku bo fasi.

Isaias 62:12

E na comadu Pobu di Deus, Pobu ku SIÑOR Kaplinti. Abo, bu na comadu Prasa Buskadu, Prasa ku ka bandonadu.

Isaias 63:4

Dia di vingansa ku N teneba na sintidu i ciga; anu pa liberta ña pobu i sta ja.

Jeremias 15:13

N na ntrega bu bens ku bu rikesas pa inimigus furta elis, sin paga, pabia di tudu bu pekadus na tudu ladu de tera.

Ezekiel 16:31

Oca ku bu kumpu bu kasa di mau vida na kantu di kada kamiñu, ku kaus altu na kada rua, bu ka seduba suma utru minjeris di mau vida, pabia bu njuti pagamentu.

Ezekiel 34:27

Arvuris di matu na padi se fruta; con na da si paja. Elis e na mora suguru na se tera; e na sibi kuma ami i SIÑOR ora ku N kebra ki korenti ke maradu ku el, N libra elis na mon di kilis ku teneba elis prezu.

Sirmonias 25:54

“Ma si i ka libertadu de manera, el juntu ku si fijus e na sai na anu di jubileu,

1 Pedru 1:18

Bo sibi kuma i ka kusa ku ta dana, suma prata o uru, ku pagadu pa liberta bos di bo manera di yanda ku ka bali, ku bo yarda di bo papes di antigu,