Isaias 51:19 - BIBLIA - traduson antigu in Krioulo

¹⁹ E dus kusa bin riba di bo; kin ku na ten pena di bo? Bu jinti na muri ku fomi; bu con na danadu ku gera. Kin ku na konsolau?

Isaias 51:19 ပူးပေါင်းရင်းမြစ်များ

Jo 2:11

Jo teneba tris amigu ku seduba Elifaz di prasa di Teman, Bildad di tera di Suá, ku Zofar di tera di Naama. Oca ke obi tudu mal ku bin riba di Jo, kada kin sai na si lugar. E ruma pa kontra, pa bai juntu pa falal manteña, pa konsolal.

Jo 42:11

Tudu si ermons macu ku femia, ku tudu jinti ku tarda kunsilba, e bai falal manteña, e kume ku el na si kasa, e konsolal di tudu mal ku SIÑOR mandaba riba del. Kada kin dal diñeru ku anel di uru.

Salmus 69:20

Koba mal kebrantan korson; N fika fraku dimas. N pera kin ku na sinti pena di mi, ma i ka ten. N pera kin ku na dan konfortu, ma N ka oja ningin.

Eklesiastis 4:1

Dipus N rabida, N jubi pa tudu injustisa ku ta fasidu ne mundu. N oja larmas di kilis ku kalkadu, ku ka tene kin ku na konsola elis. Forsa staba na ladu di kilis ku na kalka elis; e ka teneba judadur.

Isaias 14:30

Jinti mas koitadi di tudu e na dadu kusa di kume; kilis ku ten falta e na dita suguru, ma N na mata bu rais ku fomi; kilis ku sobra di bu jorson e na kabadu ku el.

Isaias 22:4

Bo tira bo uju na mi, bo disan pa N cora risu. Ka bo nsisti na konsolan, pabia ña pobu kabadu ku el.

Isaias 47:9

Ma e dus kusa na bin riba di bo ku tudu forsa, na un dia son, na mesmu ora: bu na pirdi fijus, bu na sedu viuva. Nin ku tudu bu futis ku multidon di bu jambakusndadi, e na bin riba di bo.

Isaias 54:11

“Abo, prasa kastigadu, ku turbada suta, bu fika sin konsolason. N na fajau ku pedras bonitu, N pui bu alisersu riba di safiras.

Isaias 60:18

Nunka mas i ka na obidu noba di violensia na bu tera, nin di danu dentru di bu frontera, ma bu na coma bu mura Salbason, bu na coma bu portons Lovor.

Isaias 61:2

pa anunsia anu di fabur di SIÑOR, ku dia di vingansa di no Deus, pa konsola tudu kilis ku na cora.

Isaias 8:21

E na yanda-yanda na tera, disanimadu, ku fomi. Ora ke foronta ku fomi e na paña raiba, e na jubi riba, e papia mal di se rei ku se Deus.

Isaias 9:20

Jinti di ladu direita na paña pa kume, ma e na tene fomi inda; kilis di ladu skerda na kume ma e ka na farta. Kada kin na kume karni di si fiju.

Jeremias 15:5

“O Jerusalen, kin ku na ten pena di bo? Kin ku na fika tristi pabia di bo? Kin ku na panti pa punta kuma ku bu sta?

Jeremias 24:10

N na manda spada, fomi ku duensa kontra elis, tok e kabadu ku el na tera ku N da elis ku se papes.”

Miskiñu di Jeremias 1:12

“Nta i ka nada pa bos ku pasa na kamiñu? Bo para sintidu, bo jubi, si i ten dur suma di mi, ku bin riba di mi suma oca SIÑOR kastigan na dia di si raiba forti.

Miskiñu di Jeremias 1:9

Si impuresa sta na si saias; i ka pensaba na si kabantada. Asin i kai sin ningin ka spera; i ka ten kin ku na konsolal. “O SIÑOR, jubi ña kastigu, pabia inimigu ngaña.”

Miskiñu di Jeremias 3:47

Koba ku medu ku kastigu ku mal sta no dianti.”

Ezekiel 14:15

“Si N larga limarias brabu na ki tera pa i kaba ku jinti, tok kau fika na pirigu; ningin ka pudi pasa la pabia di ki limarias;

Ezekiel 14:21

“Asin ku SIÑOR Deus fala: I na sedu pior si N manda pa Jerusalen ña kuatru julgamentu meduñu, ku sedu spada, fomi, limarias brabu ku duensa, pa kaba ku omis ku limarias!

Amos 7:2

Dipus di ki gamfañotis kaba kume tudu paja na tera, N fala: “SIÑOR Deus, purda! Kuma ku jorson di Jakó pudi torna lanta? El i pikininu!”

Naun 3:7

Tudu jinti ku ojau na kuri di bo; e na fala: ‘Ninive danadu! Kin ku na sinti pena del? Nunde ku N na buska jinti pa konsolau?’ ”

2 Koríntius 7:13

E ku manda no staba animadu asin. No ka staba son animadu, ma alegria di Titu fasinu mas kontenti, manera ku abos tudu bo juda dal animu.