Isaias 51:15 - BIBLIA - traduson antigu in Krioulo

¹⁵ Pabia ami i SIÑOR bu Deus ku ta suta yagu di mar pa maron pudi lanta i somna. SIÑOR ku ten tudu puder i ña nomi.

Isaias 51:15 ပူးပေါင်းရင်းမြစ်များ

Neemias 9:11

Bu rapati mar se dianti pa e pudi pasa na metadi del na con seku, ma kilis ku na serkaba elis, bu bota elis na kau fundu, suma pedra ku kai na mar brabu.

Jo 26:12

Ku si forsa i yabri mar; ku si ntindimentu i bati serpenti Raab.

Salmus 107:25

I ta da ordi; bentu forti ta lanta, i lantanda maron pa riba.

Salmus 136:13

I dividi Mar Burmeju na dus parti, Si bondadi i pa sempri.

Salmus 74:13

Abo, ku bu forsa, bu dividi mar; bu kebra kabesas di serpentis di yagu.

Saida 6:7

N na bin toma bos pa bo sedu ña pobu, N na sedu bo Deus. Bo na sibi kuma ami i SIÑOR bo Deus ku na kaplinti bos di ki tarbaju duru na mon di ejipsius.

Isaias 47:4

Nomi di no Libertadur i SIÑOR ku ten tudu puder, Deus Santu di Israel.

Isaias 48:2

Bo ta toma nomi di prasa sagradu, bo firma tesu riba di Deus di Israel ku tene nomi di SIÑOR ku ten tudu puder.

Isaias 51:10

I ka abo ku sekusi ki yagu di mar fundu, ku pui kamiñu na fundu di mar pa jinti ku libertadu pudi pasa?

Isaias 54:5

Kil ku kumpou, i el ki bu omi; si nomi i SIÑOR ku ten tudu puder. Deus Santu di Israel i bu Libertadur; el i na comadu Deus di tudu mundu.

Jeremias 10:16

Deus di Jakó ka sta suma elis, pabia el i Kumpudur di tudu kusa. Israel sedu jorson di si yardansa. Si nomi i SIÑOR ku ten tudu puder.

Jeremias 31:35

Es i palabra di SIÑOR ku ta da sol pa i numia di dia, i ta da ordi pa lua ku strelas pa e da lus di noti. I ta lantanda mar, i pui maron pa i somna. Si nomi i SIÑOR ku ten tudu puder.

Jeremias 51:5

Deus di Israel ku Judá, SIÑOR ku ten tudu puder, i ka bandona elis, mesmu ku se tera inciba kulpa dianti di Deus santu di Israel.

Sirmonias 11:44

Ami i SIÑOR bo Deus. Asin bo na ntrega bo kurpu pa i sedu sagradu, bo na kontinua sedu puru pabia ami i puru. Ka bo bida nujenti pabia di kualker bicu ku ta rasta na con.