Isaias 51:13 - BIBLIA - traduson antigu in Krioulo

¹³ Kuma ku bu diskisi di SIÑOR ku kumpou, kil ku distindi seu, ku pui alisersu di tera? Pabia di ke ku bu ta ten medu tudu dia di raiba di bu kastigadur, ora ki na purpara pa kaba ku bo? Ki raiba, nunde ki sta nel gosi?

Isaias 51:13 ပူးပေါင်းရင်းမြစ်များ

Ester 5:14

Si minjer Zeres ku tudu si amigus falal: “Bu ta manda kumpu un forka di 25 metru di altura. Amaña bu ta fala rei pa i manda nforka Mardokeu nel. Dipus bu ta yentra alegri pa festa juntu ku rei.” Aman konkorda ku ki konsiju, i manda kumpu ki forka.

Ester 7:10

Asin e nforka Aman na ki po ki purparaba pa Mardokeu. Dipus di kila, raiba di rei bin fria.

Jo 37:18

O bu judal distindi seu, ku sedu risu suma spiju di metal fundidu?

Jo 9:8

I el son ku distindi seu, i yanda riba di maron di mar.

Salmus 104:2

Bu kubri ku lus suma panu; bu distindi seu suma kurtina.

Salmus 106:13

I ka tarda, e diskisi ke ki fasi, e ka pera pa si konsiju.

Salmus 76:10

Bu pudi usa te raiba di omi pa pui jinti ngabau; raiba ku sobra, bu ta maral.

Isaias 10:24

Asin ku SIÑOR Deus ku ten tudu puder fala: “Ña pobu ku mora na Sion, ka bu ten medu di Asiria ora ki na sutau ku po, i lantanda po garandi kontra bo na manera di ejipsius,

Isaias 14:4

bu na ŋumini e ditu kontra rei di Babilonia, bu fala: “Jubi kuma ku kalkadur kaba! Nunka mas i ka na kalka ningin!

Isaias 16:4

Disa kilis ku na kuri di Moab pa e mora ku bo; libra elis di kil ku misti kaba ku elis.” Vida di omi violentu na kaba; danu na para; jinti ku ta kalka utrus e na pirdi na tera.

Isaias 17:10

Bu diskisi di Deus ku salbau; bu ka lembra di ki pedra garandi ku sedu bu kau forti. Asin bu pudi paranta plantas bonitu, bu paranta tambi pes di uva di utru tera.

Isaias 40:21

Nta bo ka sibi? O bo ka obi? O bo ka kontadu e kusa disna di kumsada? Bo ka ntindi kuma ku mundu formadu?

Isaias 40:22

Deus sta sintadu na tronu riba di globu di mundu, ku si moraduris ta parsi na si uju suma firmingas. El ku ta distindi seu suma kurtina; i ta disdobral suma tenda pa mora nel.

Isaias 42:5

Deus kumpu seu, i distindil; i forma tera ku tudu ku ta sai nel; i ta da folgu ku vida pa pobu ku ta yanda nel. El Deus, SIÑOR, i fala:

Isaias 43:1

Gosi ja, pobu di Israel, jorson di Jakó, SIÑOR ku kumpou, ku formau, i fala: “Ka bu medi, pabia N libertau; N comau ku bu nomi propi; abo i di mi.

Isaias 44:24

SIÑOR, bu Libertadur, kil ku formau na bariga, i fala: “Ami i SIÑOR ku fasi tudu e kusas; N distindi seu, N tira tera na yagu, ami son.

Isaias 45:12

I ami ku kumpu mundu, ku omi ku sta nel. Ami ku distindi seu ku ña mon, N da ordi pa sol, lua ku tudu strelas.

Isaias 45:18

SIÑOR ku kumpu seu, el ki Deus. I el ku forma tera, i kumpul, i firmantal. I ka kumpul pa i limpu, sin nada, ma i formal pa i tene moraduris. Asin ku SIÑOR fala: “I ami ki SIÑOR; i ka ten mas utru.

Isaias 48:13

Ku ña mon propi N kumpu alisersu di mundu; ku ña mon direita N distindi seu. Si N coma seu ku tera, e ta bin pursenta juntu.

Isaias 49:26

N na pui bu maltrataduris pa e kume se propi karni, pa e bibi se sangi tok e cami, suma ke bibi biñu nobu. Tudu jinti na sibi kuma ami i SIÑOR, bu Salbadur, bu Libertadur, ku sedu tambi Forsa di Jakó.”

Isaias 54:14

Bu na firmantadu ku justisa, bu na fika libri di kilis ku ta kalkau ku kilis ku ta pantau, pabia e ka na pertu bo; bu ka na torna medi mas.

Isaias 57:11

SIÑOR punta: “Kin ku bu panta del, o bu medi, tok bu sedu falsu pa mi, bu ka lembra di mi, nin bu ka pun na bu korson? Nta i ka pabia N kala disna di manga di tempu ku manda bu ka rispitan?

Isaias 7:4

Falal: ‘Toma sintidu, bu keta; ka bu medi, nin ka bu disanima pabia di fugu di raiba di Rezin ku si jinti di Siria, ku fiju di Remalias, pabia e sta suma dus padas di leña ku na fuma.

Isaias 9:4

pabia bu kebra kanga ku staba pisadu riba delis, ki po ku na molostaba elis na ombras. Bu kebra forsa di inimigus ku na kalkaba elis suma na ki tempu ku midianitas ngañadu.

Jeremias 2:32

Nta un bajuda ta diskisi di si fajamentu? O noiva ta diskisi di si veu? Ma ña pobu diskisi di mi pa manga di dia.

Jeremias 38:19

Rei Zedekias fala Jeremias: “N ten medu di judeus ku bai ja pa jinti di Babilonia, pabia kilas pudi ntregan na mon di ki judeus; e ta fasin mal.”

Jeremias 41:18

pabia e tenba medu di jinti di Babilonia, suma ku Ismael, fiju di Netanias, mata Jedalias, fiju di Aikan, ku rei di Babilonia pui gubernadur na tera.

Jeremias 51:15

SIÑOR kumpu mundu ku si puder; i firmantal ku si jiresa; ku si ntindimentu i distindi seu.

Jeremias 51:19

Deus di Jakó i ka sta suma elis, pabia el i Kumpudur di tudu kusa. Israel sedu jorson di si yardansa. Si nomi i SIÑOR ku ten tudu puder.

Daniel 3:15

Gosi, ora ku bo obi toku di korneta, flauta, viola, arpa, salteriu, gaita ku tudu tipu di musika, si bo sta pruntu pa mborka pa adora ki statua ku N kumpu, i ta sedu bon, ma si bo ka adoral, na ki mesmu ora bo na botadu dentru di furnu ku na yardi. Kal deus gora ku na pudi libra bos na ña mon?”

Daniel 3:18

ma nin si i ka libranu, Ñu Rei pudi sibi kuma no ka na sirbi bu deusis, nin no ka na adora ki statua di uru ku bu lantanda.”

Daniel 3:19

Nabukodonosor paña raiba forti tok si rostu bida utru manera kontra Sadrak, Mesak ku Abednegu. I da ordi pa e kenta furnu seti bias mas di ki kil ke kustuma ta fasiba.

Atus 12:23

Na ki ora anju di Siñor batil, pabia i ka da Deus gloria. Bicus kumel, i muri.

1 Koríntius 1:20

Nunde ku jinti jiru sta? Nunde ku ntindidu sta? Nunde ku jinti diskutidur de mundu sta? Nta Deus ka mostra kuma jiresa de mundu i tulesa?

1 Koríntius 15:55

“Mortu, nunde ku bu vitoria sta? Mortu, nunde ku bu fidida sta?”

Ripitison di Lei 32:18

Bu diskisi di Roca ku padiu, bu ka mporta ku Deus ku formau.

Ripitison di Lei 6:12

Ora ki yentrandau la, toma sintidu pa bu ka diskisi di SIÑOR, kil ku tirau di katiberasku na tera di Ejitu.

Ripitison di Lei 8:11

Toma sintidu pa ka diskisi SIÑOR bu Deus, tok bu para obdisi si mandamentus, leis ku regras ku N na dau aos.

Ebreus 11:15

Si na bardadi se sintidu staba na nunde ke sai, e tenba manera di riba,

Apokalipsi 19:20

Besta prindidu, ku ki falsu anunsiadur ku na fasiba milagri si dianti, ku ta nganaba kilis ku risibi sinal di besta, kilis ku adoraba si imaẑen. Elis dus e botadu bibu na lagua di fugu ku na yardi ku nŝofri.

Apokalipsi 20:9

E inci tudu largura di tera, e avansa, e taja kampamentu di pobu di Deus, ku prasa ku Deus ama, ma fugu disi di seu, i kaba ku elis.