Isaias 50:6 - BIBLIA - traduson antigu in Krioulo

⁶ N da ña kosta pa kilis ku na sutan; N ntrega ña rostu pa kilis ku na rinkan kabelu. N ka sukundi ña rostu di kilis ku na koban mal, e na kuspin.

Isaias 50:6 ပူးပေါင်းရင်းမြစ်များ

Neemias 13:25

N jusia ku ki omis, N maldisua elis, N suta utrus, N rinka elis kabelu, N pui elis pa e jurmenta na nomi di Deus, N fala: “Nunka mas bo ka na da bo fijus femia pa e kasa ku se fijus, nin bo ka na torna toma se fijus femia pa bo fijus, nin pa bos.

Jo 16:10

Jinti yabri boka pa fasin trosa, e dan bofotada ku disprezu, e junta tudu kontra mi.

Jo 30:10

E ka pudi nguentan, e ta kuri di mi; e ka ta medi kuspin na rostu.

Salmus 129:3

E yabrin cagas na kosta, suma labraduris ta yabri reguas kumpridu,

Salmus 69:7

N sufri koba mal pabia di bo; ña rostu kubridu ku borgoña.

Salmus 69:8

N torna suma strañu pa ña ermons, suma algin ku fijus di ña mame ka kunsi.

Isaias 53:5

Ma i fura-furadu pabia di no kulpas, i molostadu pabia di no pekadus. Kastigu ku tisinu pas staba riba del; no tene saudi pabia di si pustema.

Isaias 53:7

I maltratadu, ma i ka yabri si boka. I lebadu suma karnelsiñu pa matadur. Manera ku karnel ta mudu dianti di kil ku na tiskial, asin ki fika kaladu.

Miskiñu di Jeremias 3:30

I dibi di da si rostu pa algin ku na dal bofotada; pa i nguenta tudu maltratu.

Mikeias 5:1

Prasa di Jerusalen, junta bu tropas, pabia e tajanu; e na bin suta ŝef di Israel na kara ku manduku.

Numerus 12:14

SIÑOR fala Moisés: “Nta, si si pape kuspiba na si rostu, i ka na fikaba seti dia na borgoña? I ten ku ficadu fora di kampamentu pa seti dia; dipus i ta rukujidu.”

Mateus 26:67

Ki ora e kuspil na rostu, e dal suku; utrus dal bofotada,

Mateus 27:26

Asin Pilatus larga Barabás pa elis. Dipus di manda suta Jesus, i ntregal pa i krusifikadu.

Mateus 27:30

E kuspil, e tomal kana, e na dal ku el na kabesa.

Mateus 5:39

Ma ami N na konta bos: Ka bo risisti kil ku na fasi bos mal, ma si algin dau bofotada na ladu direita, paral ki utru ladu.

Markus 14:65

Utrus kumsa na kuspi riba del, e tapal uju, e dal suku, e falal: “Suma abo i anunsiadur, diviña!” Guardas tambi dal bofotada.

Markus 15:19

E sutal ku kana na kabesa, e kuspi riba del, e finka juju si dianti suma ke na adoral.

Bon Noba di Jesus Kristu ku Jon 18:22

Oca ku Jesus papia e kusa, un guarda ku staba la dal bofotada, i puntal: “I asin ku bu ta ruspundi ŝef di saserdotis?”

Ebreus 12:2

No pui uju na Jesus, kil ku no fe ta kumsa nel, i ta kaba nel. Pabia di sabura ku staba si dianti, i nguenta krus, i dispreza borgoña di ki ora; i bai sinta na direita di tronu di Deus.