Isaias 50:4 - BIBLIA - traduson antigu in Krioulo

⁴ SIÑOR Deus dan un lingua ku nsinadu diritu, pa N sibi papia na tempu sertu un bon palabra pa kil ku sta kansadu. Tudu parmaña i ta dispertan, i ta disperta ña sintidu pa N pudi obi, suma kilis ku na nsinadu.

Isaias 50:4 ပူးပေါင်းရင်းမြစ်များ

Jo 4:4

Bu palabras lantanda kilis ku na kaiba, bu fortifika jujus fraku.

Salmus 119:147

N ta lanta antis di sol mansi, N comau pa sakur; N pui ña speransa na bu palabra.

Salmus 143:8

Fasin pa N obi bu palabra di bondadi parmaña, pabia N fiansa na bo. Mostran kamiñu ku N dibi di yanda, pabia N na jubi pa bo.

Salmus 40:7

Dipus N fala: “Alin li; na rolu di libru i sta skritu aserka di mi.

Salmus 45:2

Abo i mas bonitu di ki tudu omi; palabras bonitu ta darma na bu boka, pabia Deus bensuau pa sempri.

Salmus 5:3

Parmaña bu ta obi ña vos, o SIÑOR; parmaña N na pursenta ña orason, N fika N na pera.

Salmus 88:13

Ma ami, SIÑOR, N ta comau pa sakur; di mandrugada ña orason ta bai pa bo.

Ditus 12:25

Miskiñu na korson di omi i ta batil, ma bon palabra ta tisil kontentamentu.

Ditus 15:23

Omi ta kontenti si i da bon rasposta; palabra sertu na si tempu propi i bon.

Ditus 25:11

Palabra papiadu na ora sertu i ten balur suma fruta di uru na bandeẑa di prata.

Isaias 28:19

Sempri ki pasa, i na rabata bos, pabia i na pasa kada parmaña, di dia ku di noti.” Son pa obi e noba i na tisi garandi foronta.

Isaias 28:9

Kin ki misti nsina? Kusa ki obi, kin ki na splikal el? Mininusiñus ku kumsa tiradu na mama?

Isaias 35:5

Na ki tempu uju di segus na yabridu; oreja di surdus na disintupidu.

Isaias 40:29

I ta da forsa pa kil ku sta kansadu, i ta fortifika kil ku sta fraku.

Isaias 50:10

Kin na bo metadi ku ta rispita SIÑOR, i ta obdisi si servu? Ora ki na yanda na sukuru, i ka ten nin un bokadiñu di klaridadi, pa i fiansa na nomi di SIÑOR, i nkuña tesu na si Deus.

Isaias 54:13

SIÑOR na nsina tudu bu fijus; e na ten pas ciu.

Isaias 8:16

Fica libru ku tene rekadu di Deus, ku si lei, bu guardal na metadi di ña disipulus.

Jeremias 1:9

Dipus SIÑOR distindi mon, i tokan na boka, i falan: “Jubi, N na pui ña palabras na bu boka.

Jeremias 31:25

N justanda jinti kansadu, N fartanda kilis ku na dismaja ku fomi.”

Ezekiel 46:13

“Kada dia di parmaña bu na pursenta un fiju di karnel di un anu, sin difeitu, pa oferta kemadu pa SIÑOR.

Mateus 11:28

Bo bin pa mi, abos tudu ku kansa ku kargu pisadu; N na diskansa bos.

Mateus 13:54

i ciga na si tera, i na nsinaba jinti na se kasa di juntamentu. E fika dimiradu tok e na punta: “Nunde ku es sai ku jiresa ku puder di fasi e milagris?

Mateus 22:46

Ningin ka pudi ruspundil nin un palabra. Disna di ki dia pa dianti ningin ka osa puntal mas nada.

Lukas 21:15

pabia N na da bos palabra ku jiresa ku nin un di bo inimigus ka na pudi firma ku bos, nin i ka na pudi bati bos na palabra.

Lukas 4:22

Tudu jinti na papiaba ben del; e fika dimiradu ku bon palabra ku na saiba na si boka; e punta: “Nta es i ka fiju di José?”

Bon Noba di Jesus Kristu ku Jon 7:46

Guardas ruspundi: “Nunka ningin ka papia suma ki omi!”

Ripitison di Lei 18:17

SIÑOR falan: “Kusa ke fala i bon.

Ripitison di Lei 18:18

N na lantanda elis un anunsiadur suma bo na metadi di se ermons; N na pui ña palabras na si boka; i na konta elis tudu ku N mandal pa i fala.