Isaias 50:1 - BIBLIA - traduson antigu in Krioulo

¹ Asin ku SIÑOR punta: “Nta i ten karta di kaba kasamenti ku N dispidi bu mame ku el? O i ten algin ku N dibi diñeru pa N bin ntregal bos suma katibus pa paga dibida? Nau! I pabia di bo maldadi ku manda bo bindidu; bo mame serkadu pabia di malis ku bo fasi.

Isaias 50:1 ပူးပေါင်းရင်းမြစ်များ

1 Reis 21:25

(Nunka i ka tenba ningin suma Akab ku ntrega si kurpu pa fasi mal dianti di SIÑOR, manera ku si minjer Jezabel ta pincalba.

2 Reis 17:17

E sakrifika se fijus, macu ku femia, na fugu. E ta fiaba na botaduris di sorti ku pauterus. E ntrega se kurpu pa fasi mal dianti di SIÑOR, pa lantanda si raiba.

2 Reis 4:1

Minjer di un omi di grupu di anunsiaduris coma Eliseu, i falal: “Bu servu, ku sedu ña maridu, i muri. Bu sibi kuma i ta rispitaba SIÑOR, ma i teneba dibida. Gosi, ki omi ki dibi bin pa bin leba ña dus fiju pa e bai sedu si katibus.”

Neemias 5:5

Anos i di mesmu sangi ku kil no parentis; no fijus i suma se fijus, ma no obrigadu bindi no fijus suma katibus, tok utrus di no fijus femia e sedu ja katibu. No ka ten manera di tira elis di la, pabia no lugaris ku no ortas di uva sta na mon di utru jinti.”

Ester 7:4

Ami ku ña pobu no bindidu, pa jinti distruinu, e matanu, e kaba ku nos. Si kontra no bindidu suma katibus, N ta kalaba. Si i asin ba, rei ka na sufriba garandi perda.”

Salmus 44:12

Bu bindi bu pobu kuas pa nada; bu ka ngaña nada na se pres.

Saida 21:7

“Si algin bindi si fiju femia suma katibu, kila ka na largadu suma macu.

Isaias 1:28

ma jinti ku ta fasi mal, e yanda na pekadu, elis juntu e na kabadu ku el. Kilis ku bandona SIÑOR e na pirdi.

Isaias 27:8

SIÑOR kastiga si pobu ku midida oca ki manda elis pa katiberasku na utru tera. I serka elis ku forti supru suma na tempu di bentu ku sai na saida di sol.

Isaias 43:27

Bu purmeru pape peka; kilis ku na papia pa bo e yaran.

Isaias 46:8

“Abos disobdientis, bo lembra de kusa, bo pul na bo sintidu, bo pensa nel.

Isaias 52:3

Asin ku SIÑOR fala: “Bo bindidu sin lukra nada; bo na libertadu tambi sin diñeru.”

Isaias 54:6

Abo i suma minjer ku kasa na si nobresa, ku sta tristi di spiritu pabia i bandonadu, ma ami, SIÑOR bu Deus, N comau, N na falau:

Isaias 54:7

N disau son un bokadu di tempu, ma N na torna tisiu pa mi ku garandi amor.

Isaias 58:1

“Grita, ka bu rakadal; yalsa fála suma trombeta, bu mostra ña pobu manera ke kebra lei, bu mostra tambi familia di Jakó se pekadus.

Isaias 64:6

Anos tudu no sedu suma algin impuru; tudu kusas justu ku no fasi i suma rataju susu dimas. Anos tudu no na lati suma paja; no kulpas na rabatanu suma bentu.

Jeremias 3:1

SIÑOR fala: “Si un omi dispidi si minjer, kila sai na si mon, i bai kasa ku utru omi, ki purmeru omi ka pudi torna risibil. Si i fasi es, i na kontamina tudu tera. Ma abo, Israel, ku na yanda na mau vida ku manga di amanti, bu misti riba pa mi?

Jeremias 3:8

N da Israel infiel un karta di kaba kasamenti. N dispidil pabia di si pekadu di kai cai. N oja kuma Judá, si irma infiel, i ka ten medu, ma tambi i bai ntrega si kurpu na mau vida.

Jeremias 4:18

Bu manera di yanda ku kusas ku bu fasi i pui e kusas bin riba di bo. Es i bu kastigu; i malgos tok i ciga na bu korson.

Oseias 4:5

Bu ta da tapada di dia ku di noti; anunsiadur ta da tapada juntu ku bo. N na kaba ku bu mame, Israel.

Sirmonias 25:39

“Si un di bu kumpañeris di Israel bida koitadi, i bindiu si kabesa, ka bu pul pa i fasi tarbaju di un katibu.

Mateus 18:25

Suma kila ka teneba nada pa paga, si patron da ordi pa i bindidu, el ku si minjer ku si fijus, ku tudu kusa ki tene, pa i pudi paga dibida.

Ripitison di Lei 32:30

Kuma ku un omi el son i pudi serka mil, o dus omi pudi pui des mil pa e kuri, si i ka kuma se Roca bindi elis, SIÑOR ntrega elis?