Isaias 5:28 - BIBLIA - traduson antigu in Krioulo

²⁸ Se fleŝas gudu; tudu se mansasas tesu. Uñas di se kabalus parsi pedras risu; rodas di se karus e na vira suma urdumuñu.

Isaias 5:28 ပူးပေါင်းရင်းမြစ်များ

Salmus 120:4

I na kastigau ku fleŝas gudu di tropas, ku brasas di fugu di leña di karbon.

Salmus 45:5

Bu fleŝas gudu na yentra na korson di inimigus di rei; nasons na kai bas di bo.

Isaias 13:18

Ku se mansasas e na mata jovens; e ka na mostra amor pa fijus ku kumsa padidu, nin e ka na sinti pena di mininus.

Isaias 21:1

Es i rekadu di Deus kontra lala lungu di mar. Suma urdumuñu ku bin di sul, i dana tudu, kastigu na bin di lala, di tera meduñu.

Isaias 66:15

Jubi, SIÑOR na bin ku fugu, ku si karus suma urdumuñu; i na tisi si raiba ku na yardi; si manera di raprindi na sedu suma ŝamas di fugu.

Jeremias 4:13

Bo jubi! Inimigu na bin suma nuvens; si karus na bin suma urdumuñu. Si kabalus na kuri mas dipresa di ki agias. Ai di nos! No sta pirdidu!

Jeremias 47:3

E na obi baruju di uñas di kabalus forti, ku baruju di karus, ku rodas ku na somna. Papes ka na riba pa juda se fijus, pabia se mon pirdi forsa.

Jeremias 5:16

Mortu sta na se saku di fleŝas; elis tudu e sedu omis forti.

Ezekiel 26:11

Pe di si kabalus na masa tudu bu ruas. I na mata bu pobu ku spada. Firkijas di bu kuartel na kai na con.

Ezekiel 38:9

Abo, ku tudu bu tropas ku manga di jinti ku bo, bo na bin suma maron, bo na sedu suma nuven ku na kubri tera.

Daniel 11:40

“Na tempu di kabantada, rei di sul na geria kontra el. Rei di norti na bai kontra el suma turbada, ku karus, kabalus ku manga di barku. I na yentra na manga di tera, i pasa suma korenti di yagu.

Mikeias 4:13

O pobu di Sion, bo lanta, bo masa, pabia N na fasiu suma turu ku tene cifri di feru ku uñas di kobri, pa kebranta manga di nason. Ki se rikesa ngañadu ku tarpasa i na dedikadu pa mi, SIÑOR di tudu mundu.

Naun 3:2

Suti di ŝikoti ta obidu, ku baruju di rodas. Kabalus na kuri ku forsa, karus na jukuta.

Ŝefis 5:22

Kabalus na kuri, e na kuri; se pe na bati na con ku baruju.