Isaias 5:20 - BIBLIA - traduson antigu in Krioulo

²⁰ Kusa bon, ai di kilis ku ta comal mau; kusa mau, e ta comal bon! Sukuru, e ta tornal pa lus; lus, e ta tornal pa sukuru. Kusa malgos, e ta tornal dos, dos pa malgos.

Isaias 5:20 ပူးပေါင်းရင်းမြစ်များ

Jo 17:12

Elis e pui noti pa i sedu di dia! E fala kuma lus sta pertu, ma kau fika sukuru.

Saida 23:7

Lunjusi di palabras di mintida. Ka bu kausa mortu pa un algin justu ku ka ten kulpa, pabia algin ku kulpadu, N ka na ojal justu.

Ditus 17:15

Kil ku da roson pa kulpadu, ku kil ku kondena justu, e nujenti pa SIÑOR, tudu dus.

Ditus 4:17

pabia e ta kume kumida di maldadi, e bibi biñu di violensia.

Isaias 24:9

Jinti ka na bibi biñu mas ku kantiga; bibida forti na sedu malgos pa kilis ku na bibil.

Isaias 29:21

ku sedu kilis ku ta pinca kulpa riba di utru, ku ta pui lastru pa kil ku na pursenta si keŝa na otridadi, ku ta pui justu pirdi si justisa.

Isaias 30:10

ku ta fala videntis: “Ka bo oja mas vison;” e fala anunsiaduris: “Ka bo anunsianu kusas ki diritu; bo kontanu son kil ku no gosta del, bo anunsia konformi no imaẑinason.

Isaias 32:5

Nunka mas tulu ka na comadu algin di bon nomi; malandru tambi ka na comadu algin ku ta pati.

Ezekiel 13:19

Bo dana ña nomi na metadi di ña pobu, pa mon ku inci sevada o pa padas di pon. Bo mata jinti ku ka dibi di muri; bo salba vida di kilis ku ka dibi di fika bibu. Bo konta ña pobu mintida; e sukutal.

Amos 5:7

Bo pui justisa bida venenu, pabia bo nega fasi justisa sertu pa jinti.

Mikeias 3:2

Ma bo ta odia kil ki bon, bo gosta di mal. Bo tira elis peli ku karni riba di se os.

Abakuk 1:4

Lei pirdi si forsa; justisa nunka ka ta fasidu diritu, pabia omi mau ta ngaña riba di justu; asin justisa ta sai tortu.

Malakias 2:17

Bo ta kansa SIÑOR ku bo palabras, ma bo ta punta: “Na ke ku no kansal?” Bo ta kansal manera ku bo ta fala: “Jinti ku fasi mal ta ojadu bon na uju di SIÑOR; el i ta kontenti ku elis.” Tambi bo ta punta: “Nunde ku Deus di justisa sta nel?”

Malakias 3:15

Gosi ja, no ta oja kuma orgulyosus i jinti sortiadu; tambi kilis ku ta fasi mal, kusas ta kuri elis diritu. Na bardadi, e ta fasi mal pa spurmenta pasensa di Deus, ma e ta kapli.’ ”

Lukas 16:15

Jesus fala elis: “Abos i kilis ku ta misti mostra sedu bon dianti di jinti, ma Deus i kunsi bo korson, pabia kil ku omi ta garandisi, pa Deus i nujenti.

Ripitison di Lei 25:1

Si dus omi tene keŝa na se metadi, e bai pa kau di fasi justisa pa kasu pudi julgadu, juisis na da roson pa kil ki justu, e na kondena kil ku ten kulpa.

2 Pedru 2:1

Suma i tenba anunsiaduris falsu antigamenti na metadi di jinti, asin tambi i na ten pursoris falsu na bo metadi. E na miti nsinamentu ki ka bardadi, ku ta dana; e ta nega Mestre ku liberta elis; e ta tisi danu di repenti riba di se kabesa.