Isaias 5:12 - BIBLIA - traduson antigu in Krioulo

¹² Na se festas e ta tene arpas, violas, tambriñas, flautas, ku biñu; e ka na oja pa kil ku SIÑOR fasi, nin e ka na pensa na tarbaju di si mon.

Isaias 5:12 ပူးပေါင်းရင်းမြစ်များ

Kumsada 31:27

Ke ku manda bu nganan, bu kuri sukundidu? Kuma ku bu ka kontan, pa N pudi mandau ku kontentamentu, ku kantiga, ku tambriña, ku arpa?

2 Samuel 19:35

N tene ja oitenta anu; kuma ku N pudi sibi kil ku sabi ku kil ku ka sabi? N ka pudi sinti gustu di kil ku N na kume o kil ku N na bibi; N ka pudi obi fála di omis ku minjeris ku na kanta. Asin N ta sedu son kargu pa Ñu Rei.

Jo 34:27

pabia e disvia del, e ka misti ntindi nin un di si ordis.

Salmus 28:5

Suma e ka mostra rispitu pa kil ku SIÑOR fasi, nin pa kusas ku si mon kumpu, i na bati elis, i ka na torna kumpu elis.

Isaias 22:13

Ma ke ki na oja? Bo na ri, bo kontenti, bo mata bakas ku karnel, bo kume karni, bo bibi biñu, bo fala: “No kume, no bibi, pabia amaña no na muri.”

Isaias 24:8

Gosi jinti ka na goza musika di tambriña ku arpa; baruju di kilis ku na baja di kontentamentu i kaba.

Isaias 29:1

Koitadi di bo, Ariel, ku comadu fugu di altar di Deus, prasa nunde ku Davi bai mora. Buri anu riba di anu, festival riba di festival.

Isaias 5:19

E ta fala: “Pa Deus janti, i kabanta si tarbaju kinti-kinti pa no pudi ojal. Planu di Santu di Israel pa i bin pudu na pratika pa no pudi kunsil.”

Isaias 56:12

E ta fala: “Bo bin, N na tisi biñu; no na bibi bibida forti tok no nfastia! Dia di amaña na sedu suma di aos, o i na mas.”

Ezekiel 26:13

N na kaba ku baruju di bu kantigas; musika di bu arpas ka na obidu mas.

Daniel 5:23

Bu lanta kontra SIÑOR di seu, bu manda tisi kopus di si kasa; abo ku bu fidalgus, bu minjeris ku kumadris, bo bibi biñu nelis. Fora di kila, bo ngaba deusis di prata, uru, kobri, feru, madera ku pedra, ku ka ta oja, nin e ka ta obi, nin e ka ta ntindi, ma bu ka da gloria pa Deus ku tene bu vida ku tudu bu kamiñus na si mon.

Lukas 16:19

“I tenba un omi riku ku ta bisti ropa finu, karu; i ta kume sabi, i ta ronka ben.

1 Koríntius 14:7

Bo pudi pensa na kusa sin vida, suma instrumentu ku ta tokadu, flauta o viola. Si nota di musika ka tokadu klaru, kuma ku algin pudi ntindi kantiga ki na toka?

Judas 1:12

E jinti i manca na bo festa di amor. Ora ke na kume ku bos, e ka ta ten rispitu; e sedu bakiaduris ku ta bakia son se kabesa; i suma nuven ku bentu ta leba di un ladu pa utru, ku ka ta cubi; suma po ku ka ta padi na si tempu, i rinkadu tudu ku si rais, i muri un bias.

1 Samuel 12:24

Bo pui sintidu pa rispita SIÑOR, bo sedu fiel na sirbil ku tudu bo korson, bo lembra di kusas garandi ki fasi pa bos.