Isaias 48:11 - BIBLIA - traduson antigu in Krioulo

¹¹ Pa amor di ña nomi N na fasil, pa amor di ña nomi, pabia kuma ku ña nomi na lebsidu? N ka na da ña gloria pa utru.

Isaias 48:11 ပူးပေါင်းရင်းမြစ်များ

Salmus 106:8

ma Deus salba elis pa amor di si nomi, pa si puder pudi kunsidu.

Salmus 115:1

I ka pa nos, SIÑOR, i ka pa nos, ma pa bu nomi ku gloria na dadu, pabia abo i bon i fiel.

Salmus 25:11

Pabia di bu nomi, SIÑOR, purda ña pekadu, nin si i garandi.

Salmus 25:7

Ka bu lembra di pekadus ku N fasi ocan nobu, manera ku N kebra bu lei, ma lembra di mi, SIÑOR, konformi bu amor ku bondadi.

Isaias 37:35

‘N na difindi e prasa, pa libral, pa ña onra, tambi pabia di ña servu Davi.’ ”

Isaias 42:8

“Ami i SIÑOR; es i ña nomi. N ka na da utru ña gloria, nin N ka na disa bonekas di po pa e ngabadu na ña konta.

Isaias 43:25

“I ami, ami propi ku na limpa kusas mau ku bu fasi, pabia di kin ku N sedu; N ka na lembra mas di bu pekadus.

Isaias 48:5

E ku manda N kontauba ja e kusas disna, N pui pa bu obil antis di i sedu, pa ka bu bin fala: ‘I ña idulu ku fasi e kusas; ña boneka di po, o kil di feru, ku pui pa i sedu.’

Isaias 48:9

Pa ka jinti para ngaba ña nomi, N na kontrola ña raiba ku pasensa, pa ka N kaba ku bo.

Isaias 52:5

Ke ku N na oja li gosi? Ña pobu lebadu sin ningin ka paga nada. Kilis ku na manda riba delis e na fasi elis trosa; ña nomi na lebsidu tudu dia, sin para.

Jeremias 14:7

O SIÑOR, mesmu ku no pekadu i na akusanu, fasi kualker kusa pa amor di bu nomi. No disvia manga di bias, no peka kontra bo.

Ezekiel 20:14

ma, pa amor di ña nomi, N bin disa, pa ka ña nomi bin danadu na uju di nasons ku N tira dianti di Israel.

Ezekiel 20:22

Ma N ka bin fasil; pa amor di ña nomi N disa, pa ka ña nomi bin danadu na uju di nasons ku N tira se dianti.

Ezekiel 20:39

“‘Ami, SIÑOR Deus, N fala bos, pobu di Israel: Bo bai; kada un di bos i ta bai sirbi si idulus, pabia bo ka misti obin, ma mas tardi bo ka na torna dana ña nomi sagradu ku bo ofertas ku idulus.

Ezekiel 20:44

Abos, pobu di Israel, bo na sibi kuma N sedu SIÑOR ora ku N trata ku bos pa amor di ña nomi; N ka na trata ku bos konformi bo mau kamiñus, nin konformi ki kusas nujenti ku bo fasi. Asin ku SIÑOR Deus fala.’ ”

Ezekiel 20:9

Ma pa amor di ña nomi N bin disa, pa ka ña nomi bin danadu na uju di nasons ke staba na se metadi, pabia i se dianti ku N pui Israel kunsin, pa tira elis na tera di Ejitu.

Ezekiel 36:22

“Pabia di kila, fala pobu di Israel kuma, asin ku SIÑOR Deus fala: ‘Pobu di Israel, i ka pa amor di bos ku N na fasi es, ma i pabia di ña nomi sagradu ku bo dana na metadi di nasons nunde ku bo bai nel.

Daniel 9:17

“O SIÑOR no Deus, obi orason ku pididu di bu servu, pa amor di bu nomi. Jubi ku fabur pa bu kau sagradu ku danadu.

Bon Noba di Jesus Kristu ku Jon 5:23

pa tudu jinti pudi rispita Fiju suma ke rispita si Pape. Kin ku ka rispita Fiju, i ka ta rispita si Pape ku mandal.

Romanus 2:24

Asin, suma ki sta skritu: “Jintius na njuti nomi di Deus pabia di bos.”

1 Samuel 12:22

Pabia di si garandi nomi SIÑOR ka na nega si pobu, pabia i seduba si vontadi propi pa fasi bos si pobu.