Isaias 47:8 - BIBLIA - traduson antigu in Krioulo

⁸ “Gosi, sukuta e kusa, abo ku sedu suma minjer di luŝu, ku mora suguru; bu fala na bu sintidu: ‘Ami N sedu; i ka ten mas utru fora di mi. N ka na fika viuva, nin N ka na purba disgustu di pirdi fijus.’

Isaias 47:8 ပူးပေါင်းရင်းမြစ်များ

Isaias 14:14

N na subi riba di nuvens mas altu; N na sedu suma Deus ku sta riba di tudu.’

Isaias 32:11

Abos minjeris ku sta diskansadu, bo tirmi; abos ku sta suguru, bo panta! Bo dispi bo ropa, bo mara saku na rabada,

Isaias 32:9

Abos minjeris ku sta diskansadu, bo lanta, bo sukutan. Abos minjeris nobu, ku sta suguru, bo para oreja pa obi ña palabras.

Isaias 45:18

SIÑOR ku kumpu seu, el ki Deus. I el ku forma tera, i kumpul, i firmantal. I ka kumpul pa i limpu, sin nada, ma i formal pa i tene moraduris. Asin ku SIÑOR fala: “I ami ki SIÑOR; i ka ten mas utru.

Isaias 45:5

Ami ki SIÑOR, i ka ten mas utru; fora di mi i ka ten utru Deus; N na dau forsa, kontudu bu ka kunsin,

Isaias 45:6

pa jinti, desdi saida di sol te na si kaida, pudi sibi kuma, fora di mi i ka ten utru. Ami ki SIÑOR; i ka ten mas utru.

Isaias 47:10

Bu fiansa na bu maldadi, bu fala kuma ningin ka pudi ojau. Bu jiresa ku bu kuñisimentu disviantau; bu fala na bu sintidu: ‘Ami N sedu; i ka ten mas utru fora di mi.’

Jeremias 49:31

“Ami, SIÑOR, N fala: Abos di Babilonia, bo lanta bo bai kontra un nason ku sinta ku pas, fiansadu, ku ka tene portons nin feŝus; e sinta elis son.

Jeremias 50:11

“Abos ku roba rikesa di ña yardansa, bo pudi kontenti, bo jukuta suma fiju di baka na paja, bo pupa suma kabalus forti,

Jeremias 51:53

Mesmu ku Babilonia pudi subi na seu, i kumpu kau forti la riba, ami, SIÑOR, N na manda jinti pa e bai danal.

Ezekiel 16:49

“‘Es i seduba pekadu di bu irma Sodoma ku si fijus femia: E sinti orgulyu pabia e teneba tudu ki pirsis pa kume, ku un vida ketu sin tarbaju, ma nunka e ka juda koitadis ku kin ku pirsisa di ajuda.

Ezekiel 28:2

“Fiju di omi, konta rei di Tiru kuma SIÑOR Deus fala: ‘Na orgulyu di bu korson bu fala: “Ami i un deus. N sinta na tronu di un deus na metadi di mar.” Kontudu abo i omi, bu ka sedu un deus, bu pensa inda kuma abo bu jiru suma un deus.

Ezekiel 30:9

“Na ki dia N na manda jinti ku ña rekadu na barku pa disperta Etiopia ku diskudaba. Jinti di la na ten garandi foronta, suma na dia di Ejitu, pabia ki dia na bin.”

Daniel 11:36

“Ki rei di norti na fasi ke ki misti. I na lanta, i na yalsa si kabesa riba di tudu deusis, i na papia kusas fiu kontra ki Deus ku sta riba di deusis. Kusas na kuril diritu, tok tempu di raiba di Deus bin kompleta, pabia kil ku markadu ja i ten ku sedu.

Daniel 4:22

ki arvuri, Ñu Rei, i abo. Bu kirsi, bu bida forti, bu garandesa kirsi tok i ciga na seu; bu ta manda te na kabantada di mundu.

Daniel 4:27

Asin, Ñu Rei, seta ña konsiju, bu disa bu pekadu, bu fasi kil ki diritu; bu disa ki kusas mau ku bu ta fasi, bu mostra bondadi pa koitadis. Talves bu pas ta kontinua.”

Daniel 4:30

i fala: “Jubi e garandi Babilonia! I ami ku kumpul suma residensia pa rei, ku ña forsa ku puder, pa mostra gloria di ña garandesa.”

Daniel 4:4

Ami, Nabukodonosor, N staba ketu na ña palasiu; tudu kusa na kurinba diritu.

Daniel 5:23

Bu lanta kontra SIÑOR di seu, bu manda tisi kopus di si kasa; abo ku bu fidalgus, bu minjeris ku kumadris, bo bibi biñu nelis. Fora di kila, bo ngaba deusis di prata, uru, kobri, feru, madera ku pedra, ku ka ta oja, nin e ka ta obi, nin e ka ta ntindi, ma bu ka da gloria pa Deus ku tene bu vida ku tudu bu kamiñus na si mon.

Daniel 5:30

Ki di noti Belsazar, rei di Babilonia, matadu.

Naun 1:10

Mesmu ke miti na metadi di fididas, e bibi biñu tok, suma camidur, e na kemadu suma paja seku.

Naun 3:4

Es tudu i pabia di manga di pekadu di Ninive, ki minjer di mau vida ku atrai nasons ku si parsensa bonitu, i ngana jinti ku si futis.

Abakuk 1:7

E sedu jinti duru, meduñu dimas. Na se orgulyu e ta fasi se propi leis.

Sofonias 2:15

Es i ki prasa kunfiadu i kontenti, ku ta falaba na si sintidu: “Alin li, i ka ten utru fora di mi!” Ma i danadu tudu; gosi i kau di limarias! Algin ku pasa i ta subia, i pui mon na boka.

2 Tesalonisensis 2:4

I na sedu inimigu ku na lanta kontra tudu ku comadu deus, ku tudu kusa ku ta adoradu, tok i na yentra, i sinta na templu di Deus, pa i mostra kuma el i Deus.

Ŝefis 18:27

Fijus di Dan leba kusas ku Mika fasiba, ku si saserdoti, e bai pa Laís, pa ki pobu ketu, kunfiadu. E mata elis ku spada, e kema se prasa ku fugu.

Ŝefis 18:7

Ki sinku omi bai tok e ciga na Laís; e oja kuma ki pobu ku mora la e staba suguru, suma jinti di Sidon, ketu, kunfiadu; nin e ka teneba un rei ku na mandaba nelis. E moraba tambi lunju di jinti di Sidon, e ka teneba nada ku ningin.