Isaias 47:5 - BIBLIA - traduson antigu in Krioulo

⁵ “Abo, Kaldeia, sinta ketu na sukuru, pabia nunka mas bu ka na comadu raiña di manga di renu.

Isaias 47:5 ပူးပေါင်းရင်းမြစ်များ

Salmus 31:17

Ka bu disan pa N pasa borgoña, SIÑOR, pabia N comau; ki jinti mau pa e fika ku borgoña, e kala janan na mundu di mortus.

Salmus 46:10

I fala: “Bo keta, bo sibi kuma ami i Deus; N na garandisidu na metadi di nasons; N na garandisidu riba di mundu.”

Isaias 13:10

Strelas na seu na se grupus e na para numia; ora ku sol mansi i na torna sukuru; lua ka na numia kau ku si klaridadi.

Isaias 14:23

“N na tornal pa i sedu kau di lama ku kuruẑas toma konta del. N na baril ku basora ku ta kaba ku tudu.” Asin ku SIÑOR ku ten tudu puder fala.

Isaias 14:4

bu na ŋumini e ditu kontra rei di Babilonia, bu fala: “Jubi kuma ku kalkadur kaba! Nunka mas i ka na kalka ningin!

Isaias 21:9

Jubi, ala tropas di kabalus na bin, dus dus.” Utru algin ruspundi i fala: “Babilonia kai, i kai! Tudu imaẑens labradu di se deusis dita na con tudu kebrantadu.”

Isaias 23:2

Bo kala, abos ku mora lungu di mar, ku nogosiantis di Sidon fasi riku pabia di se bias di mar.

Isaias 47:1

“Abo, Babilonia, ria na tronu, bu sinta na reia na con. Bu seduba suma bajuda, ma jinti ka na fala mas kuma abo i finu, bu tene peli bonitu.

Isaias 47:7

Bu ta falaba kuma bu na sedu raiña pa sempri, ma te gosi bu ka pui e kusas na sintidu, nin bu ka lembra di se kabantada.

Jeremias 25:10

“N na kaba ku baruju di divirtimentu ku kontentamentu, ku vos di noivu ku noiva, ku baruju di po di pila, ku lus di kanderu.

Jeremias 8:14

Pobu na punta: “Ke ku manda no sinta li? Bo junta pa no yentra na prasas forti, pa no muri la, pabia SIÑOR no Deus i markanu pa no muri. I danu yagu di venenu pa no bibi, pabia no peka kontra el.

Miskiñu di Jeremias 1:1

Ki prasa ku teneba manga di jinti, jubi kuma ki bida dingidu! Kil ku seduba garandi na metadi di nasons i bida suma viuva; Kil ku seduba raiña na metadi di pruvinsias i bida katibu.

Miskiñu di Jeremias 2:10

Garandis di Sion sinta na con, kaladu, e na bota puera riba di se kabesa, e mara sakus. Bajudas di Jerusalen na mpina se kabesa te na con.

Abakuk 2:20

SIÑOR sta na si templu sagradu; tudu jinti di mundu pa e kala si dianti.”

Zakarias 2:13

Pa tudu jinti kala dianti di SIÑOR, pabia i lanta di si morada sagradu.

Judas 1:13

E sta suma maron di mar brabu ku na sukuma si susidadi di borgoña, o suma strela ku yara i na kurkuri. Deus separa un lugar di garandi sukuru pa elis pa sempri.

Apokalipsi 17:18

“Ki minjer ku bu oja i ki garandi prasa ku ta manda riba di reis di mundu.”

Apokalipsi 18:7

Bo midil tristesa ku sufrimentu pa i justa ku garandesa ku ronku ki da si kabesa, pabia i fala na si korson: ‘N sinta suma raiña; ami i ka viuva; nunka N ka na tene cur.’

1 Samuel 2:9

“I na guarda pe di kilis ki di sil, ma jinti mau na fika mudu na sukuru, pabia i ka pa forsa ku omi ta ngaña.