Isaias 47:11 - BIBLIA - traduson antigu in Krioulo

¹¹ Pabia di kila i na bin un mal riba di bo, ku bu ka na pudi tajal ku futis, nin bu ka na pudi lunjusil, pabia garandi disgrasa na bin di repenti riba di bo ku bu ka na spera.

Isaias 47:11 ပူးပေါင်းရင်းမြစ်များ

Neemias 4:11

Tambi no inimigus fala: “E ka na sibi nada, nin e ka na nota, tok no yentra na se metadi, no mata elis. Asin no ta kaba ku ki tarbaju.”

Salmus 35:8

Pa danu bin riba delis sin e sibi, pa e pañadu na ridia ke sukundi, pa e kai na ki mesmu koba!

Salmus 50:22

“Abos ku ta diskisi di mi, Deus, bo pensa ne kusas, pa bo ka bin sapa-sapadu, sin algin pa libra bos.

Salmus 55:15

Pa mortu ataka ña inimigus, pa e ria, bibu, na mundu di mortu! Pabia maldadi sta na se kasas ku se korson.

Salmus 73:19

Di repenti e ta kai na kastigu; e ta kabadu ku el na un manera meduñu.

Ditus 13:21

Mufunesa na sta tras di kilis ku ta fasi mal, ma justus na bin tene bon pagamentu.

Isaias 13:6

Bo cora, pabia dia di SIÑOR sta pertu, dia ku kil ku ten tudu puder na bin pa dana.

Isaias 29:5

Ki bu manga di inimigu na bida suma reia finu; multidon di jinti meduñu e na bua suma kaska di arus. Di repenti, sin ningin ka spera,

Isaias 30:13

Pabia di kila e maldadi na sedu pa bos suma paredi altu ku findi di riba, i kukula, pruntu pa kai di repenti.

Isaias 37:36

Anju di SIÑOR sai pa kampamentu di asirius, i mata sentu i oitenta i sinku mil delis. Oca ku jinti lanta parmaña, e oja son kadaveris ku dita la.

Isaias 45:7

N forma klaridadi ku sukuru; N ta pui pa kusa kuri diritu, o i kuri mal. Ami, SIÑOR, N ta fasi tudu e kusas.

Isaias 47:9

Ma e dus kusa na bin riba di bo ku tudu forsa, na un dia son, na mesmu ora: bu na pirdi fijus, bu na sedu viuva. Nin ku tudu bu futis ku multidon di bu jambakusndadi, e na bin riba di bo.

Isaias 48:8

Bu ka obi, nin bu ka sibi; bu oreja tapa disna, pabia N sibiba kuma abo i algin falsu, kuñisidu suma rebeldi disna ku bu padidu.

Isaias 57:1

Justu na pirdi, ma i ka ten ningin ku na mporta. Omis di korson moli e tiradu vida, sin algin ntindi kuma justus ta lebadu pa kapli di mal ku na bin.

Jeremias 51:29

Con na tirmi, i na tursi ku dur, pabia kada un di planus di SIÑOR kontra Babilonia i sta firmi, pa fasi Babilonia un lala ku ka na tene kin ku na mora nel.

Jeremias 51:43

Si prasas danadu; tera bida seku suma lala; ningin ka na sinta nel, ku fadi pa algin pasa la.

Jeremias 51:8

Di repenti Babilonia kai, i fika danadu. Bo cora pa el, bo buska mesiñu pa si caga; talves i ta san.

Miskiñu di Jeremias 1:21

“E obin oca ku N na jimi, ma i ka ten kin ku na kalman; Tudu ña inimigus ku bin obi ña mal e kontenti, pabia i abo ku fasil. Ora ku bu tisi ki dia ku bu papia del, e na bin sedu suma mi.

Ezekiel 7:26

Mufunesa na bin riba di mufunesa; mau nobas na bin tras di utru. E na misti pa anunsiadur konta elis ke ku sedu, ma saserdotis ka na tene nsinamentu di lei pa elis, nin garandis ka na pudi da elis konsiju.

Mateus 18:34

Si patron, ku raiba ki ten, i ntregal na mon di kastigaduris te ora ki paga tudu ki dibi.

Lukas 12:59

N na falau kuma, bu ka ta sai la tementi bu ka kabanta paga tudu.”

Lukas 17:27

Jinti ta kumeba, e bibi, e kasa, e da se fijus kasamenti, te na dia ku Noe yentra na barku; diluviu bin i kaba ku elis tudu.

1 Tesalonisensis 5:3

Ora ku jinti fala kuma tudu sta susegadu, suguru, i ta oja garandi danu ciga riba delis di repenti, suma ku dur di partu ta ciga na minjer preñada. Di nin un manera e ka na kapli.

Apokalipsi 3:3

Asin, lembra di kusas ku bu nsinadu, ku bu obi; bu obdisi elis, bu ripindi. Si bu ka disperta, N na bin riba di bo suma ladron; bu ka ta sibi na kal ora ku N na bin.