Isaias 46:4 - BIBLIA - traduson antigu in Krioulo

⁴ Te na bo bejisa, ami N ka na muda; N na toma konta di bos tok bo tene kabelu branku. I ami ku kumpu bos, ami tambi ku na leba bos, N na toma konta di bos, N na guarda bos suguru.

Isaias 46:4 ပူးပေါင်းရင်းမြစ်များ

Salmus 48:14

E Deus i no Deus pa sempri; el i na sedu no gia te na mortu.

Salmus 68:19

SIÑOR dibi di ngabadu, Deus no Salbadur, ku ta leba no kargu kada dia. Sela

Salmus 71:18

Gosi, suma ku N beju, ku kabelu branku, ka bu bandonan, o Deus, tok N konta bu forsa ku puder pa jorson ku na lanta na futuru.

Salmus 71:9

Ka bu negan na bejisa, nin ka bu bandonan ora ku ña forsa na kaba.

Salmus 92:14

Na se bejisa e na padi inda frutu, e na fika forti i fresku,

Isaias 41:4

Kin ku pui e kusa pa i sedu, ku lantanda manjuandadis, un son un son, disna di kumsada? Ami, SIÑOR, N sta disna di purmeru te na ultimu delis, ami propi.”

Isaias 43:13

Sin, antis di sol ten, N seduba ja. Kil ku N pega na ña mon, ningin ka pudi tiran el. Si N fasi un kusa, kin ku pudi disfasil?”

Isaias 43:25

“I ami, ami propi ku na limpa kusas mau ku bu fasi, pabia di kin ku N sedu; N ka na lembra mas di bu pekadus.

Isaias 48:12

“O Jakó, sukutan; abo, Israel, ku N coma. Ami i ki un son son; N sedu purmeru, N sedu tambi ultimu.

Malakias 2:16

SIÑOR, Deus di Israel, SIÑOR ku ten tudu puder, i fala: “N nuju kaba-kasamenti, ku omi ku ta kubri ku violensia suma ropa. Asin, bo toma sintidu ku bo spiritu, pa ka bo sedu infiel.”

Malakias 3:6

“Ami, SIÑOR, N ka ta muda; e ku manda abos, di jorson di Jakó, bo ka kabadu ku el.

Romanus 11:29

Deus ka ta muda si sintidu pa kilis ki kuji, i pati kusas.

Ripitison di Lei 1:31

Na lala tambi bo oja kuma ku SIÑOR bo Deus leba bos na tudu kamiñu ku bo yanda, tok i ciganta bos ne kau li, suma ku un omi ta leba si fiju.”

Ebreus 1:12

bu na mbulja elis suma kapa; suma ropa e na torkiadu; ma abo bu sedu mesmu; bu anus ka ta kaba.”

Ebreus 13:8

Jesus Kristu i mesmu aonti, ku aos, pa sempri.

Tiagu 1:17

Tudu bon pursenti ku tudu kusa diritu ku no patidu, i bin di riba; i disi di Pape, dunu di lus di seu, ku ka ta muda, ku ka tene sombra.