Isaias 45:9 - BIBLIA - traduson antigu in Krioulo

⁹ Koitadi di kil ku jusia ku si Kumpudur! Ki algin i son padas di puti na metadi di utrus! Nta lama na bin punta si kumpudur: “Ke ku bu na kumpu?” O kusa ku bu na kumpu i na falau kuma bu ka ten jitu?

Isaias 45:9 ပူးပေါင်းရင်းမြစ်များ

Jo 10:9

Lembra kuma bu kumpun ku lama; gosi bu misti bidantan reia.

Jo 33:13

Ke ku manda bu na keŝa Deus kuma i ka ta da konta di nin un kusa ki na fasi?

Jo 40:2

“Nta kil ku diskuti ku kil ku ten tudu puder i na nsinal? Kil ku misti diskuti asin ku Deus, pa i ruspundi e kusas.”

Jo 9:12

Si i rabata un kusa, kin ku na pul pa i tornal? Kin ku na puntal: ‘Ke ku bu na fasi?’

Jo 9:4

Si jiresa i fundu, si puder i garandi. Kin ku ciga di purfia ku el, i kapli kastigu?

Ditus 21:30

Si bu sta kontra SIÑOR, nin jiresa nin ntindimentu nin planus e ka na baliu.

Eklesiastis 6:10

Kil ku izisti i dadu ja nomi; naturesa di omi i kunsidu ja. Nin un omi ka pudi diskuti ku algin ku mas el forti.

Isaias 10:15

Nta mancadu pudi yalsa si kabesa riba di kil ku na korta ku el? O sera pudi njata kontra kil ku na usal? I ta sedu suma po ku pudi bana kil ku na yalsal, o suma po forti ku pudi yalsa si dunu ku ka sedu po.

Isaias 29:16

Abos tudu bo ta rabida kusas kabesa pa bas! I suma kumpudur di puti i parsintidu ku lama, o suma puti fala aserka di si kumpudur: “I ka el ku kumpun.” O i suma moringu fala di kil ku kumpul: “I ka jiru.”

Isaias 45:10

Koitadi di kil ku punta si pape o si mame: “Ke ku bu padi?”

Isaias 64:7

I ka ten ningin ku ta coma bu nomi, ku ta disperta pa pañau, pabia bu sukundi bu rostu di nos, bu pui pa no ribi, pabia di no pekadus.

Isaias 64:8

Ma gosi, o SIÑOR, bu sedu no Pape; anos i lama, abo bu sedu suma kumpudur di puti; anos tudu i tarbaju di bu mon.

Jeremias 18:6

“Ami, SIÑOR, N na punta bos, pobu di Israel, si N ka pudi fasi ku bos suma ku e kumpudur di puti ta fasi ku lama. Suma lama na mon di kumpudur di puti, asin ku bo sedu na ña mon, pobu di Israel.

Jeremias 36:29

Fala Jeoiakin, rei di Judá, kuma asin ku SIÑOR fala: ‘Abo bu kema ki rolu, bu punta: “Ke ku manda bu skirbi nel kuma, na bardadi, rei di Babilonia na bin, i na dana e tera, i na kaba ku omis ku limarias ku sta nel?”

Jeremias 50:24

O Babilonia, N yarmau armadilia; bu pañadu antis di bu nota pa el. Bu surprindidu, bu pañadu, pabia bu staba kontra SIÑOR.

Daniel 4:35

Tudu moraduris di mundu ojadu suma nada si dianti. I ta fasi konformi ki misti ku puderis di seu, ku moraduris di tera. I ka ten kin ku pudi paral si mon, ku fadi pa puntal: “Ke ku bu na fasi?”

1 Koríntius 10:22

O no na pui Siñor pa i ten siumi? O anos i mas forti di ki el?