Isaias 45:19 - BIBLIA - traduson antigu in Krioulo

¹⁹ N ka papia kusas na sigridu, nin na un kantu sukuru di tera. N ka fala jorson di Jakó pa e buskan amonton. Ami i SIÑOR ku ta papia bardadi; N ta konta kusas sertu.

Isaias 45:19 ပူးပေါင်းရင်းမြစ်များ

1 Kronikas 28:8

“Asin, dianti di tudu Israel, ku sedu juntamentu di SIÑOR, dianti di no Deus ku sta li pa obinu, N na konta bos pa bo pui sintidu pa obdisi tudu mandamentus di SIÑOR bo Deus, pa bo pudi sedu dunu de bon tera, bo pasantal suma yardansa pa bo jorson dipus di bos pa sempri.

2 Kronikas 15:2

I sai pa bai kontra ku Asa, i falal: “Bo sukutan de, Asa ku tudu Judá ku Benjamin. SIÑOR sta ku bos nkuantu bo sta ku el. Si bo buskal, bo na ojal; si bo disal, el i na disa bos.

2 Kronikas 7:14

si ña pobu, ku ta comadu pa ña nomi, e baŝa, e ora, e buskan, e konverti di se mau manera di yanda, la na seu N ta obi elis, N ta purda se pekadus, N kura se tera.

Esdras 8:22

N burguñu pidi rei tropas ku kabalerus pa difindinu di inimigu na kamiñu, pabia no falaba ja rei kuma mon di no Deus ta juda tudu kilis ku buskal, ma si forsa ku si raiba sta riba di tudu kilis ku disal.

Salmus 12:6

Palabras di SIÑOR i puru, suma prata ku rifinadu na furnu di lama, i purifikadu seti bias.

Salmus 24:6

Jinti ku ta buska Deus, asin ke na sedu, kilis ku ta buska pursensa di Deus di Jakó. Sela

Salmus 69:13

Ma ami, SIÑOR, N na papia ku bo na tempu di bu fabur. O Deus, obin konformi garandesa di bu bondadi, pabia bu sedu fiel pa salba.

Salmus 69:32

Ora ku mansus oja es, e ta kontenti. Bo na fika nkoraẑadu, abos ku buska Deus.

Salmus 78:34

Ora ki mata utrus, ki utrus ta ripindiba, e riba, e buska Deus ku mpeñu, di mandrugada.

Salmus 9:10

Kilis ku kunsi bu nomi e na fiansa na bo, pabia abo, SIÑOR, nunka bu ka bandona kilis ku buskau.

Ditus 1:21

I na papia altu na ntronkamentus nunde ku jumbulumani ciu; na portons di prasa i ta da si palabra:

Ditus 15:8

Sakrifisiu di jinti mau i nujenti pa SIÑOR, ma orason di jinti retu i si kontentamentu.

Ditus 30:5

Tudu palabra di Deus i puru; Deus i tajadera pa kilis ku fiansa nel.

Ditus 8:6

Bo obi, pabia N na papia kusas bon dimas; ña boka na papia kusa ki sertu.

Isaias 1:15

Ora ku bo distindi mon pa mi, N ta sukundi ña rostu di bos. Nin ku bo ora ciu, N ka na obi, pabia bo mon susu sangi.

Isaias 43:12

I ami ku jumna N konta, N pui pa i obidu. I ami ku salba; i ka nin un deus strañu na bo metadi. Abos i ña tustumuñas.” Asin ku SIÑOR fala. “Ami i Deus.

Isaias 44:8

Ka bo panta nin ka bo medi. Nta N ka jumna N konta bos e kusas disna di tempus antigu? Abos propi i ña tustumuñas. Nta i ten utru Deus fora di mi? Nau, N ka kunsi nin utru Roca.”

Isaias 45:23

N jurmenta pa ña kabesa, na ña boka i sai palabra di bardadi ku ka pudi mainadu, kuma, tudu jujus na dobra ña dianti; lingua di tudu jinti na jurmenta na ña nomi.

Isaias 45:25

Tudu jorson di Israel na ojadu justu, e na njata na SIÑOR.

Isaias 48:16

“Bo ciga pertu di mi, bo sukuta e kusa: Nada N ka papia na sigridu disna di kumsada; na tempu ku ki kusas fasidu, N staba la.” Gosi SIÑOR Deus pui si Spiritu na mi, i mandan.

Isaias 63:1

Es i kin ku na bin di Edon, di Bozra, ku ropa bonitu, burmeju, ku na marŝa na forsa di si puder? “I ami, ami ku na fala na retidon, ami ku ten forsa pa salba.”

Isaias 65:9

N na da fijus pa jorson di Jakó, N na lantanda algin na Judá ku na yarda ña montis; kilis ku N kuji na yarda tera; ña servus na mora la.

Isaias 8:19

Jinti pudi fala bos pa bo bai punta diviñaduris ku jinti ku ta papia ku mortus, ku ta subia suma kacus o e bulbuli boka suma e na papia. Nta jinti ka dibi di punta se Deus? Mortus ta puntadu pa fabur di bibus?

Jeremias 2:31

“O Israel, bo pensa diritu na palabra di SIÑOR. Nta ami N sedu pa Israel suma lala, o suma un con sukuru dimas? Ke ku manda ña pobu na fala: ‘No sta libri di bo; nunka mas no ka na bin pa bo’?

Amos 5:4

Asin ku SIÑOR fala pa pobu di Israel: “Bo buskan, bo ta bibu.

Bon Noba di Jesus Kristu ku Jon 18:20

Jesus ruspundil: “N fala klaru na mundu; sempri N nsina na kasa di juntamentu suma na templu, nunde ku tudu judeus ta junta; N ka fala nada sukundidu.

Bon Noba di Jesus Kristu ku Jon 7:26

Alil li i na papia dianti di tudu jinti; nada e ka falal! Nta garandis na bardadi e rapara kuma i Mesias?

Bon Noba di Jesus Kristu ku Jon 7:28

Oca Jesus na nsina na kasa di Deus, i fala ku vos altu: “Nta abos bo kunsin, bo sibi ami i di nunde! Ami N ka bin di mi propi, ma kil ku mandan i di bardadi, ku abos bo ka kunsi.

Ripitison di Lei 29:29

I ten kusas sukundidu ku sedu di SIÑOR no Deus, ma i mostra tudu palabra de lei pa nos ku no fijus, pa no pudi pratikal pa sempri.

Ripitison di Lei 32:4

El i Roca; kusas ki fasi i pirfitu; tudu si kamiñus sedu justu. Deus i bardadi; injustisa ka sta nel; el i justu, i retu.

Tiagu 4:3

Si bo pidi, bo ka ta risibi, pabia bo ta pidi mal, son pa bo gasta na bo vontadi.