Isaias 44:8 - BIBLIA - traduson antigu in Krioulo

⁸ Ka bo panta nin ka bo medi. Nta N ka jumna N konta bos e kusas disna di tempus antigu? Abos propi i ña tustumuñas. Nta i ten utru Deus fora di mi? Nau, N ka kunsi nin utru Roca.”

Isaias 44:8 ပူးပေါင်းရင်းမြစ်များ

Kumsada 46:3

I falal: “Ami i Deus, Deus di bu pape. Ka bu ten medu di bai pa Ejitu, pabia la N na fasiu un garandi nason.

Kumsada 48:19

Si pape nega, i falal: “Ami N sibi, ña fiju, N sibi. El tambi i na sedu un rasa, i na sedu garandi, ma si ermon mas pikininu i na sedu mas garandi di ki el; si jorson na sedu manga di nason.”

2 Samuel 22:32

Kin ki Deus si i ka SIÑOR? Kin ku sedu Roca si i ka no Deus?

Esdras 1:2

“Es i palabra di Siru, rei di Persia: SIÑOR Deus di Seu dan tudu renus di mundu, i nkargan pa N kumpul un kasa na Jerusalen, na Judá.

Esdras 8:22

N burguñu pidi rei tropas ku kabalerus pa difindinu di inimigu na kamiñu, pabia no falaba ja rei kuma mon di no Deus ta juda tudu kilis ku buskal, ma si forsa ku si raiba sta riba di tudu kilis ku disal.

Salmus 18:31

Kin ki Deus si i ka SIÑOR? Kin ku sedu Roca si i ka no Deus?

Salmus 18:32

Deus i kil ku ta dan forsa, i ta fasi ña kamiñu pirfitu.

Salmus 86:10

pabia i abo i garandi, bu ta fasi milagris; abo son ki Deus.

Isaias 17:10

Bu diskisi di Deus ku salbau; bu ka lembra di ki pedra garandi ku sedu bu kau forti. Asin bu pudi paranta plantas bonitu, bu paranta tambi pes di uva di utru tera.

Isaias 26:4

Bo fiansa na SIÑOR pa sempri, pabia SIÑOR Deus i sedu roca ku ka ten kumsada nin kabantada.

Isaias 30:29

Ma na bo metadi i na ten kantiga, suma na noti di festival sagradu. Bo korson na kontenti suma di kilis ku na sai e na toka flauta pa bai pa monti di SIÑOR, pa Deus ku sedu Roca di Israel.

Isaias 41:23

Bo kontanu kusas ku na bin sedu na futuru, pa no pudi sibi kuma abos i deusis. Bo fasi kualker kusa, nin si i bon o i mau, pa no ojal, no panta.

Isaias 42:9

Ali ki kusas ku N konta bos purmeru, e sedu ja. Gosi N na konta bos kusas nobu. Antis de bin ojadu, N na pui pa bo obil.”

Isaias 43:10

SIÑOR fala: “Abos bo sedu ña tustumuñas, bo sedu ña servu ku N kuji, pa bo pudi kunsin, bo fia na mi, pa bo ntindi kuma N sedu Deus; antis di mi i ka tenba nin utru deus ku formadu, nin i ka na bin ten dipus di mi.

Isaias 43:11

Ami, ami N sedu SIÑOR; fora di mi i ka ten utru salbadur.

Isaias 43:12

I ami ku jumna N konta, N pui pa i obidu. I ami ku salba; i ka nin un deus strañu na bo metadi. Abos i ña tustumuñas.” Asin ku SIÑOR fala. “Ami i Deus.

Isaias 43:9

Tudu nasons ku rasas pa e junta; kin na se metadi ku cigaba di konta e kusas, o pa splikanu kusas antigu? Pa e pursenta se tustumuñas, pa mostra kuma e tenba roson, pa jinti obi, e fala: “I bardadi.”

Isaias 44:2

I ami, SIÑOR, ku kumpou, ku formau na bariga; ami ku na bin judau. Abo Jakó, ña servu, Jesurun ku N kuji, ka bu medi,

Isaias 44:6

Asin ku SIÑOR, Rei di Israel, si Libertadur, SIÑOR ku ten tudu puder, fala: “Ami i purmeru ku ultimu; fora di mi i ka ten mas utru Deus.

Isaias 45:19

N ka papia kusas na sigridu, nin na un kantu sukuru di tera. N ka fala jorson di Jakó pa e buskan amonton. Ami i SIÑOR ku ta papia bardadi; N ta konta kusas sertu.

Isaias 46:9

Bo lembra di kusas ku pasa disna di tempu antigu; bo lembra kuma ami i Deus; i ka ten utru Deus suma mi.

Isaias 48:3

Disna di tempu antigu N kontaba ja ki purmeru kusas; sin, N pui pa jinti obil na ña boka propi. N lanta di repenti, N tarbaja; ki kusas bin sedu.

Isaias 48:5

E ku manda N kontauba ja e kusas disna, N pui pa bu obil antis di i sedu, pa ka bu bin fala: ‘I ña idulu ku fasi e kusas; ña boneka di po, o kil di feru, ku pui pa i sedu.’

Jeremias 10:7

O Rei di nasons, kin ku ka dibi di ten medu di bo? I abo son ku mersi rispitu. I ka ten ningin suma bo na metadi di tudu jirus di nasons, o na tudu se renus.

Daniel 2:28

ma i ten un Deus na seu ku ta mostra sigridu. El i fasi rei Nabukodonosor pa i sibi ke ku na bin sedu na kabantada di tempu. Es i bu suñu ku vison ku bu oja na bu kabesa oca ku bu dita na kama.

Daniel 2:47

Rei fala Daniel: “Na bardadi bo Deus i Deus riba di utru deusis, i SIÑOR riba di reis, mostradur di sigridus, pabia bu pudi mostra e sigridu.”

Daniel 4:25

Bu na serkadu na metadi di jinti, bu na mora juntu ku limarias na matu, bu na kume paja suma baka; serenu di seu na kai riba di bo. Seti tempu na pasa riba di bo tok bu rikuñisi kuma Deus ku sta riba di tudu i ta manda riba di renus di mundu, i ta dal pa kin ki misti.

Daniel 6:22

Ña Deus manda si anju ku fica boka di lions pa e ka molostan, pabia N ojadu sin kulpa si dianti. Tambi N ka fasi mal kontra Ñu Rei.”

Joel 2:27

Bo na sibi kuma N sta na metadi di Israel, kuma ami i SIÑOR bo Deus, i ka ten utru. Nunka mas ña pobu ka na pasa borgoña.

Bon Noba di Jesus Kristu ku Jon 1:1

Antis di mundu kumpudu, kil ki Palabra i tenba ja; i staba ku Deus, i seduba mesmu Deus.

Bon Noba di Jesus Kristu ku Jon 10:30

Ami ku ña Pape, anos i un son.”

Bon Noba di Jesus Kristu ku Jon 6:10

I tenba manga di paja verdi na ki kau. Jesus fala elis pa e manda jinti pa e sinta. E sinta. E seduba kuas sinku mil omi.

Atus 1:8

ma bo na risibi puder di Spiritu Santu ku na bin riba di bos. Bo na sedu ña tustumuñas na Jerusalen, ku tudu Judeia, ku Samaria, te na lugar mas lunju di mundu.”

Atus 14:15

e fala: “Siñoris, ke ku manda bo na fasi e kusas? Anos tambi no sedu omis suma bos, ku mesmu naturesa. E Bon Noba ku no na konta bos i pa bo larga e kustumus ku ka bali, pa bo rabida pa Deus bibu, ku fasi seu, tera ku mar, ku tudu ku sta nelis.

Ripitison di Lei 32:31

Pabia roca di no inimigus i ka suma no Roca; no inimigus propi e sibi kila.

Ripitison di Lei 32:39

“Bo oja kuma i ami, ami propi ku sedu Deus. I ka ten utru deus fora di mi. N ta mata, N ta da vida; N ta laña, N ta kura; i ka ten algin ku pudi kapli di ña mon.

Ripitison di Lei 32:4

El i Roca; kusas ki fasi i pirfitu; tudu si kamiñus sedu justu. Deus i bardadi; injustisa ka sta nel; el i justu, i retu.

Ripitison di Lei 4:35

Bu mostradu ki kusas pa bu pudi sibi kuma SIÑOR i Deus; i ka ten utru fora del.

Ripitison di Lei 4:39

Asin bu dibi di ntindi aos, bu guarda na korson, kuma SIÑOR, el son ki Deus la riba na seu suma li na tera; i ka ten utru.

Ebreus 12:1

Anos tambi, ku tudu e tustumuñas ku rodianu suma nuven, no sakudi tudu kusa ku ta mbaransanu, ku pekadu ku ta lestu ku maranu; no kuri ku tudu mpeñu na kurida ku sta no dianti.

1 Jon 1:2

Ki vida bin bida na manera ki pudi ojadu. Anos no ojal, no konta aserka del; no diklara bos ki vida ku ka ta kaba ku staba ku si Pape, ku no bin mostradu.

1 Samuel 2:2

“I ka ten algin puru suma SIÑOR; utru ka ten fora del; i ka ten nin un roca suma no Deus.