Isaias 44:1 - BIBLIA - traduson antigu in Krioulo

¹ Asin ku SIÑOR fala: “Abo Jakó, ña servu, sukutan, abo Israel, ku N kuji.

Isaias 44:1 ပူးပေါင်းရင်းမြစ်များ

Kumsada 17:7

N na pui ña kontratu na metadi di mi ku bo, ku bu fijus dipus di bo, ku se jorsons, un kontratu ku na fika pa sempri, pa N sedu bu Deus, Deus di bu jorson dipus di bo.

Salmus 136:22

sin, suma yardansa pa Israel, si servu. Si bondadi i pa sempri.

Isaias 14:1

SIÑOR na sinti pena di Jakó, i na torna kuji Israel, i na pui elis na se propi tera. Jinti di utru teras na bai junta ku familia di Jakó, pa e mora juntu ku elis.

Isaias 41:8

“Ma abo, Israel, ña servu, abo, Jakó, kil ku N kuji, jorson di ña amigu Abraon,

Isaias 41:9

abo ku N tira, N comau na kantus mas lunju di mundu; N falau kuma abo i ña servu; N kujiu, N ka negau.

Isaias 42:23

Kal algin na bo metadi ku sta pruntu pa obi e kusa, pa sukutal diritu di aos pa dianti?

Isaias 43:1

Gosi ja, pobu di Israel, jorson di Jakó, SIÑOR ku kumpou, ku formau, i fala: “Ka bu medi, pabia N libertau; N comau ku bu nomi propi; abo i di mi.

Isaias 44:21

SIÑOR fala: “Abo Jakó, ku comadu Israel, lembra de kusas, pabia abo i ña servu. Ami ku formau; bu sedu ña servu. O Israel, N ka na diskisi di bo.

Isaias 45:4

Pa amor di ña servu Jakó, ku Israel ku N kuji, ami N comau pa bu nomi, N dau un nomi di onra, kontudu bu ka kunsinba.

Isaias 48:12

“O Jakó, sukutan; abo, Israel, ku N coma. Ami i ki un son son; N sedu purmeru, N sedu tambi ultimu.

Isaias 55:3

Bo bin pa mi, bo mpina bo oreja, bo sukuta pa bo pudi tene vida, pabia N na fasi un kontratu ku bos pa sempri, pa N da bos bensons ku ka ta falia ku N fala Davi aserka delis.

Jeremias 30:10

“Asin, ña servu Jakó, ka bu medi; Israel, ka bu panta. Ami, SIÑOR, N fala kuma N na librau di tera lunju, N na libra bu jorson di tera di se katiberasku. Jakó na riba, i na fika ketu ku susegu; i ka na ten kin ku na pantandal.

Jeremias 4:7

Suma lion ku sai na si koba, asin ku un danadur di nasons i sai ja; i na bin pa dana Judá. Bu prasas na pajigadu; ningin ka na mora nelis.

Lukas 13:34

“Ai, Jerusalen, Jerusalen, ku ta mata anunsiaduris, bu ta da ku pedra kilis ku Deus mandau! Kantu bias ku N misti junta bu fijus suma ku galiña ta junta si pinton bas di si asa, ma bu ka seta!