Isaias 43:4 - BIBLIA - traduson antigu in Krioulo

⁴ Suma ku bu ten balur ku onra na ña uju, tambi N amau, e ku manda N ntrega omis ku nasons pa N pudi kaplintiu.

Isaias 43:4 ပူးပေါင်းရင်းမြစ်များ

Kumsada 12:2

N na fasiu un garandi nason, N na bensuau, N na fasi bu nomi pa i sedu garandi; bu na sedu un benson.

Salmus 112:9

I ta da ciu pa koitadis; si retidon na kontinua pa sempri; i na garandisidu ku gloria ku puder.

Salmus 135:4

SIÑOR kuji Jakó pa i sedu di sil; i kuji Israel pa i sedu si propi pobu ki ama.

Isaias 49:5

SIÑOR forman na bariga di ña mame pa N sedu si servu, pa ribantal Jakó, pa junta pobu di Israel. SIÑOR na dan onra; ña Deus na sedu ña forsa.

Isaias 63:9

Na tudu se sufrimentu el i sufri; anju, ku sedu el propi, i salba elis. Ku si amor ku si miserikordia i libra elis, i toma elis, i gia elis tudu dias di tempu antigu,

Jeremias 31:3

I tarda ja ku SIÑOR bin pa mi, i fala: “N amau ku amor ku ka ta kaba; ku bondadi ku amor N jundau pa mi.

Oseias 11:1

SIÑOR fala: “Oca ku Israel seduba mininu, N amal; N coma ña fiju na Ejitu.

Malakias 1:2

SIÑOR fala: “N ama bos.” Ma bo punta: “Kuma ku bu mostra bu amor pa nos?” SIÑOR punta: “Nta, Esaú ka seduba ermon di Jakó? Ma N ama Jakó,

Malakias 3:17

SIÑOR ku ten tudu puder fala: “Elis e na sedu di mi; na ki dia ku N marka, e na sedu ña rikesa spesial; N na guarda elis suma ku omi ta guarda si fiju ku ta sirbil.

Bon Noba di Jesus Kristu ku Jon 16:27

Ña Pape ama bos pabia abos bo aman, bo fia kuma N bin di Deus.

Bon Noba di Jesus Kristu ku Jon 17:23

ami nelis, abo na mi, pa elis e ten unidadi diritu, pa mundu sibi kuma abo ku mandan, tambi bu ama elis suma ku bu aman.

Bon Noba di Jesus Kristu ku Jon 17:26

Ami N pui elis kunsiu; N na fasi elis kunsiu mas, pa bu amor ku bu aman ku el sta nelis, ami tambi pa N sta nelis.”

Bon Noba di Jesus Kristu ku Jon 5:44

Kuma ku bo pudi setan si bo na risibi rispitu di ŋutru, bo ka na buska rispitu ku bin di kil ki uniku Deus?

Ripitison di Lei 14:2

Abos i pobu sagradu pa SIÑOR bo Deus. SIÑOR kuji bos di tudu rasas na mundu pa bo sedu si pobu spesial.

Ripitison di Lei 26:18

SIÑOR diklara aos kuma bu na sedu si pobu spesial, suma ki falau, tambi kuma bu ten ku obdisi tudu si mandamentus,

Ripitison di Lei 4:37

Manera ki ama bu papes, i kuji se jorson, e ku manda el propi i tirau di Ejitu ku si garandi forsa,

Titu 2:14

El i da si vida pa libertanu di tudu maldadi, pa fasinu un pobu puru ku pertensil, ku ten vontadi pa fasi bon tarbaju.

1 Pedru 1:7

E probason i pa mostra kuma bo fe i di bardadi, pa i pudi mersi lovor ku gloria ku onra na dia ku Jesus Kristu na bin. Uru ku un dia ta kaba i ta probadu na fugu. Fe ku probadu ten garandi balur mas di ki uru.

1 Pedru 2:9

Ma abos bo sedu rasa kujidu, saserdotis di rei, nason santu, pobu ku Deus ranja pa el, pa konta garandi obras di kil ku coma bos na sukuru pa si lus bonitu.

Apokalipsi 3:9

Jubi, kilis ki di kasa di juntamentu di Satanas, ku na konta mintida, e fala kuma elis i judeus ma e ka sedu, N na pui elis pa e bin, e mborka bu dianti; e ta sibi kuma N amau.