Isaias 43:25 - BIBLIA - traduson antigu in Krioulo

²⁵ “I ami, ami propi ku na limpa kusas mau ku bu fasi, pabia di kin ku N sedu; N ka na lembra mas di bu pekadus.

Isaias 43:25 ပူးပေါင်းရင်းမြစ်များ

2 Kronikas 6:21

Obi ña orason, ku orason di bu pobu Israel ora ke vira rostu pa e lugar, e ora. La na seu nunde ku bu mora, obinu, bu purdanu.

Salmus 103:12

Suma ku saida di sol ku si kaida sta lunju di ŋutru, asin ku SIÑOR ta lunjusinu no pekadus.

Salmus 103:3

I el ku ta purda tudu ña pekadus, i ta kura tudu ña duensas.

Salmus 25:11

Pabia di bu nomi, SIÑOR, purda ña pekadu, nin si i garandi.

Salmus 25:7

Ka bu lembra di pekadus ku N fasi ocan nobu, manera ku N kebra bu lei, ma lembra di mi, SIÑOR, konformi bu amor ku bondadi.

Salmus 51:3

N rapara mal ku N fasi, ña pekadu sta sempri ña dianti.

Salmus 51:4

I kontra bo ku N peka, i son kontra bo; N fasi kil ki mau bu dianti. Asin bu ten tudu roson ora ku bu papia, bu julgan.

Salmus 51:9

Sukundi bu rostu di ña pekadus; bu riska tudu ña maldadi.

Isaias 1:18

SIÑOR fala: “Bo bin no ruma; mesmu ku bo pekadu i suma nodu kargadu na bos, i na torna branku fandan; nin si i burmeju wak, i na torna suma algadon.

Isaias 37:35

‘N na difindi e prasa, pa libral, pa ña onra, tambi pabia di ña servu Davi.’ ”

Isaias 38:17

I pa N pudi ten pas ku N pasa na garandi kasabi. Abo, ku bu garandi amor, bu guardan pa ka N kai na koba di mortu, pabia bu bota tudu ña pekadus tras di bu kostas.

Isaias 43:11

Ami, ami N sedu SIÑOR; fora di mi i ka ten utru salbadur.

Isaias 44:22

N na pirdinti bu pekadus ku malis ku bu fasi, suma serenu o nuven. Riba pa mi, pabia N libertau di katiberasku.”

Isaias 48:11

Pa amor di ña nomi N na fasil, pa amor di ña nomi, pabia kuma ku ña nomi na lebsidu? N ka na da ña gloria pa utru.

Isaias 55:7

Omi malvadu pa i disa si kamiñu ku si mau pensamentus, pa i konverti, i riba pa SIÑOR no Deus ku ta ten pena del, pabia i sta sempri pruntu pa purda.

Isaias 64:8

Ma gosi, o SIÑOR, bu sedu no Pape; anos i lama, abo bu sedu suma kumpudur di puti; anos tudu i tarbaju di bu mon.

Isaias 64:9

O SIÑOR, ka bu paña raiba dimas, nin ka bu lembra di no pekadu pa sempri. No pidiu pa bu jubi pa nos tudu, ku sedu bu pobu.

Jeremias 31:34

Ningin ka na torna nsina mas si visiñu nin si ermon pa e kunsi SIÑOR, pabia tudu jinti na kunsin, desdi koitadis te rikus. Ami, SIÑOR, N fala kuma N na purda se maldadi; nunka mas N ka na lembra di se pekadus.”

Jeremias 50:20

Ami, SIÑOR, N fala kuma, ora ku ki tempu ciga, maldadi di Israel na buskadu, i ka na ojadu. Pekadus di Judá tambi ka na ojadu, pabia N na purda ki restu ku N disa ku vida.

Ezekiel 18:22

Nin un di ki pekadus ki fasiba ka na lembradu kontra el. Pabia di kusas bon ki fasi i na bibu.

Ezekiel 20:14

ma, pa amor di ña nomi, N bin disa, pa ka ña nomi bin danadu na uju di nasons ku N tira dianti di Israel.

Ezekiel 20:22

Ma N ka bin fasil; pa amor di ña nomi N disa, pa ka ña nomi bin danadu na uju di nasons ku N tira se dianti.

Ezekiel 20:9

Ma pa amor di ña nomi N bin disa, pa ka ña nomi bin danadu na uju di nasons ke staba na se metadi, pabia i se dianti ku N pui Israel kunsin, pa tira elis na tera di Ejitu.

Ezekiel 33:16

Nin un di si pekadus ki fasi ka na lembradu mas kontra el. Suma ki fasi kusas justu i bon, i na tene vida.

Ezekiel 36:22

“Pabia di kila, fala pobu di Israel kuma, asin ku SIÑOR Deus fala: ‘Pobu di Israel, i ka pa amor di bos ku N na fasi es, ma i pabia di ña nomi sagradu ku bo dana na metadi di nasons nunde ku bo bai nel.

Ezekiel 36:32

Ami, SIÑOR Deus, N fala: N misti pa bo ntindi kuma i ka pabia di bos ku N na fasi es. Bo burguñu, bo sinti tristi pabia di bo manera di yanda, abos pobu di Israel.

Markus 2:7

“Ke ku manda e omi na papia asin? I na lebsi Deus! Kin ku pudi purda pekadu si i ka Deus son?”

Lukas 5:21

Pursoris di lei ku fariseus e kumsa na punta na se sintidu: “Es i kin ku na lebsi Deus? Kin ku pudi purda pekadu si i ka Deus son?”

Atus 3:19

Asin, bo ripindi, bo konverti, pa bo pekadu limpadu, pa Siñor da bos tempu di arnobason,

Romanus 5:20

Lei bin pa pudi buri pekadu, ma nunde ku pekadu ciu, fabur di Deus i mas ciu,

Efésius 1:6

No ngaba Deus pa si oferta gloriosu ki danu di grasa na si Fiju amadu.

Efésius 1:8

ki darma riba di nos sin midida na si jiresa ku ntindimentu.

Ebreus 10:17

I torna fala: “N ka na lembra mas di se pekadu nin kusas mau ke fasi.”

Ebreus 8:12

N na sedu miserikordiosu ku se maldadi; di se pekadu N ka na lembra mas.”