Isaias 43:23 - BIBLIA - traduson antigu in Krioulo

²³ Bu ka tisin karnel pa oferta kemadu, nin bu ka dan onra ku bu sakrifisius. N ka obriga bos tisin ofertas, nin N ka kansa bos pa bo tisin nsensu.

Isaias 43:23 ပူးပေါင်းရင်းမြစ်များ

Neemias 13:10

N bin sibi tambi kuma levitas e ka na daduba se sustentu, ku manda levitas ku kantaduris disaba ja se sirvis na templu; kada kin riba pa si kau.

Saida 30:34

SIÑOR fala Moisés: “Toma e kusas ku ta cera sabi: storaki, oniŝa ku gálbanu; toma tambi nsensu puru, kada un na mesmu midida,

Ditus 15:8

Sakrifisiu di jinti mau i nujenti pa SIÑOR, ma orason di jinti retu i si kontentamentu.

Ditus 21:27

Sakrifisiu di omi mau i nujenti pa SIÑOR; i mas nujenti inda si i pursental ku motivu mau.

Ditus 3:9

Da gloria pa SIÑOR ku bu rikesa, ku tudu purmeru frutu di bu labur.

Isaias 66:3

Kil ku mata turu i suma kil ku mata algin; kil ku sakrifika fiju di karnel i suma kil ku kebra garganti di kacur; kil ku pursenta oferta di kumida i suma kin ku pursenta sangi di purku; kil ku kema nsensu i suma kil ku adora un idulu. Esis e kuji se propi kamiñu, e ta fika kontenti ku se kusas nujenti.

Jeremias 7:21

Asin ku SIÑOR ku ten tudu puder, Deus di Israel, fala: “Bo bai dianti, bo junta bo ofertas kemadu ku utru di bo sakrifisius, bo kume ki karni ku bo ka dibi di kume!

Jeremias 7:22

Na dia ku N tira bo papes di tera di Ejitu, nada N ka fala elis aserka di oferta kemadu nin sakrifisiu,

Sirmonias 2:1

“Ora ku algin tisi oferta di kumida pa SIÑOR, si oferta i na sedu foriña finu. I na darma azeiti riba del, i pui nsensu.

Sirmonias 24:7

Riba di kada filera bu na pui nsensu puru, ku na sedu un lembransa ku na toma lugar di pon suma oferta kemadu pa SIÑOR.

Amos 5:25

“O pobu di Israel, i ka pa mi ku bo tisi sakrifisius ku ofertas na lala pa korenta anu,

Mikeias 6:3

“O ña pobu! Ke ku N fasiu? Na kal manera ku N fadigau? Ruspundin.

Malakias 3:8

“Nta un omi dibi di furta kusa di Deus? Ma abos, bo ta furta di mi. Dipus bo ta punta: ‘Na kal manera ku no ta furta di bo?’ “Na dizimus ku ofertas.

Mateus 11:30

pabia ña kanga i sabi, ña kargu i lebi.”