Isaias 42:5 - BIBLIA - traduson antigu in Krioulo

⁵ Deus kumpu seu, i distindil; i forma tera ku tudu ku ta sai nel; i ta da folgu ku vida pa pobu ku ta yanda nel. El Deus, SIÑOR, i fala:

Isaias 42:5 ပူးပေါင်းရင်းမြစ်များ

Kumsada 1:1

Na kumsada Deus kumpu seu ku tera.

Kumsada 2:7

SIÑOR Deus bin kumpu omi ku reia di con, i supral na si naris, i da folgu di vida. Omi bin sedu kriatura bibu.

Jo 12:10

Vida di tudu kriatura bibu sta na si mon, ku folgu di tudu omi.

Jo 27:3

kuma, nkuantu N tene vida, ku folgu di Deus na naris,

Jo 33:4

I Spiritu di Deus ku kumpun, Deus ku ten tudu puder supran, i dan vida.

Jo 34:14

Si Deus pui si korson kontra omi, i rukuji si spiritu ku si folgu,

Salmus 136:6

i distindi tera riba di yagu. Si bondadi i pa sempri.

Salmus 33:6

SIÑOR kumpu seu ku si palabra, ku si folgu i kumpu tudu strelas ku lua ku sol.

Salmus 96:5

pabia tudu deusis di utru nasons e sedu idulus son, ma SIÑOR, i el ku kumpu seu.

Isaias 37:16

“O SIÑOR ku ten tudu puder, Deus di Israel, abo ku sta sintadu na metadi di kirubins, i abo son ku sedu Deus riba di tudu renus di mundu; i abo ku kumpu seu ku tera.

Isaias 40:12

Kin ku ciga di midi yagu di mar ku si mon, o kin ku ciga di midi seu ku palmu di si mon? Kin ku ciga di midi reia di con ku kaneka, o i pesa monti, garandi o pikininu, na balansu?

Isaias 40:22

Deus sta sintadu na tronu riba di globu di mundu, ku si moraduris ta parsi na si uju suma firmingas. El ku ta distindi seu suma kurtina; i ta disdobral suma tenda pa mora nel.

Isaias 40:26

Bo yalsa uju pa riba, bo jubi kin ku kumpu ki kusas, ku ta tira ki manga di strela un son un son, i coma elis pa se nomis. Pabia di si garandi forsa ku puder, nin un son ka na falta.

Isaias 40:28

Bu ka sibi? Bu ka obi kuma ki Deus ku ka ten kumsada nin kabantada, ku sedu SIÑOR, kil ku kumpu tudu parti di mundu, i ka ta kansa, nin si forsa ka ta kaba? Ningin ka pudi sibi ke ki na pensa.

Isaias 44:24

SIÑOR, bu Libertadur, kil ku formau na bariga, i fala: “Ami i SIÑOR ku fasi tudu e kusas; N distindi seu, N tira tera na yagu, ami son.

Isaias 45:12

I ami ku kumpu mundu, ku omi ku sta nel. Ami ku distindi seu ku ña mon, N da ordi pa sol, lua ku tudu strelas.

Isaias 45:18

SIÑOR ku kumpu seu, el ki Deus. I el ku forma tera, i kumpul, i firmantal. I ka kumpul pa i limpu, sin nada, ma i formal pa i tene moraduris. Asin ku SIÑOR fala: “I ami ki SIÑOR; i ka ten mas utru.

Isaias 48:13

Ku ña mon propi N kumpu alisersu di mundu; ku ña mon direita N distindi seu. Si N coma seu ku tera, e ta bin pursenta juntu.

Isaias 57:16

N ka na ba ta keŝa di bo sempri, nin N ka na fika ku raiba tudu ora, pabia, si i asin, spiritu, ku sedu folgu di omi ku N kumpu, i na dismaja.

Jeremias 10:12

Deus kumpu tera ku si puder; i pui mundu na si lugar ku si jiresa; ku si ntindimentu i distindi seus.

Jeremias 27:5

“Ku ña garandi puder ku ña brasu forti N kumpu mundu, ku omis ku limarias ku sta nel; N ta dal pa kin ku N misti.

Jeremias 32:17

“A SIÑOR Deus! Abo ku distindi mon, bu kumpu seu ku tera ku bu garandi puder; i ka ten nada ki kansadu pa bo.

Jeremias 38:16

Rei Zedekias jurmenta pa Jeremias na sigridu, i falal: “N jurmenta pa vida di SIÑOR ku danu vida kuma N ka na matau, nin N ka na ntregau na mon di ki omis ku misti matau.”

Ezekiel 18:4

Vida di tudu jinti i di mi; vida di pape suma di fiju, tudu i di mi. Algin ku peka, el propi ku na muri.

Daniel 5:23

Bu lanta kontra SIÑOR di seu, bu manda tisi kopus di si kasa; abo ku bu fidalgus, bu minjeris ku kumadris, bo bibi biñu nelis. Fora di kila, bo ngaba deusis di prata, uru, kobri, feru, madera ku pedra, ku ka ta oja, nin e ka ta obi, nin e ka ta ntindi, ma bu ka da gloria pa Deus ku tene bu vida ku tudu bu kamiñus na si mon.

Amos 9:6

I ta kumpu si kau di mora na seu, i pui seu suma tetu riba di tera. I ta coma yagu di mar, i darmal riba di tera. SIÑOR i si nomi.

Zakarias 12:1

Es i palabra ku Deus papia aserka di Israel. SIÑOR, kil ku distindi seu, i kumpu tera, i pui folgu dentru di omi, i fala:

Atus 17:24

“Deus ku kumpu mundu ku tudu ku sta nel, ku sedu Siñor di seu ku tera, i ka ta mora na kasas ku mon di omi fasi pa el.

Atus 17:25

Mon di omi tambi i ka ta sirbil, suma kin ku misti kualker kusa, pabia el propi i ta da tudu jinti vida ku folgu ku tudu kusa.

Ebreus 1:2

kil ki pui pa i yarda tudu kusa, ki kumpu mundu tambi pa si mon.