Isaias 42:16 - BIBLIA - traduson antigu in Krioulo

¹⁶ N na gia segus na kamiñu ke ka kunsi nunka, N na pui elis pa e yanda na kamiñu ku ka kunsidu. N na bidanta sukuru lus se dianti; N na filanta kusas tortu. N na fasi elis e kusas, N ka na bandona elis mas.

Isaias 42:16 ပူးပေါင်းရင်းမြစ်များ

Salmus 94:14

SIÑOR ka na nega si pobu, i ka na bandona si yardansa.

Eklesiastis 1:15

Kusa ku jingi ka pudi ndiritadu; kil ku ka sta ka pudi fasidu konta del.

Eklesiastis 7:13

Pensa na tarbaju di Deus. Kin ku pudi filanta kusa ku Deus kumpu tortu?

Isaias 26:7

Kamiñu di justu i filadu. Abo ku sedu justu, bu ta filanta kamiñu di justu.

Isaias 29:18

Na ki dia surdus na obi palabra di libru; na kau sukuru ku ka tene lus, segus na bin oja.

Isaias 29:24

Kilis ku ta yara na se spiritu e na ngaña ntindimentu; kilis ku ta keŝa e na seta nsinamentu.”

Isaias 30:18

Ma SIÑOR misti mostra si miserikordia pa bos, i na lanta pa mostra bos amor, pabia SIÑOR i no Deus justu; tudu kilis ku na spera nel e sortiadu.

Isaias 30:21

Ora ku bu na disvia pa direita o skerda, bu na obi vos di kil ku sta bu tras, ku na fala: “Es ki kamiñu; bo yanda nel.”

Isaias 32:3

Ujus di kilis ku na oja ka na funguli; oreja di kilis ku na obi na sukuta diritu.

Isaias 35:5

Na ki tempu uju di segus na yabridu; oreja di surdus na disintupidu.

Isaias 35:8

I na ten un strada la na kau altu ku na comadu Kamiñu di Puresa. Kil ku ka puru ka na pasa nel. Kilis ku na yanda nel, nin si e ka muitu jiru, e ka na yara.

Isaias 40:4

Tudu kobon na incisidu; tudu monti, garandi ku pikininu, na justandadu; strada ku jingi na filantadu; kamiñu ku ka bali na niveladu.

Isaias 41:17

“Koitadis na se foronta e na buska yagu, ma i ka ten; e tene sedi tok se lingua seku. Ma ami, SIÑOR, N na bin obi elis; ami, Deus di Israel, N ka na bandona elis.

Isaias 41:3

I na serka elis; nada ka na ojal. I na bai dianti na un kamiñu ku nunka i ka ciga di yanda.

Isaias 45:2

“N na bai bu dianti pa nivela montañas; N na kebra portons di bronzi, N padasa trinkus di feru.

Isaias 45:7

N forma klaridadi ku sukuru; N ta pui pa kusa kuri diritu, o i kuri mal. Ami, SIÑOR, N ta fasi tudu e kusas.

Isaias 48:17

Asin ku SIÑOR, bu Libertadur, Deus Santu di Israel, fala: “Ami i SIÑOR bu Deus, ku ta nsinau kusas mas minjor pa bo, ku ta giau na kamiñu ku bu dibi di yanda.

Isaias 52:12

Ma bo ka na sai dipresa nin bo ka na kuri suma kil ku na fusi, pabia SIÑOR na bai bo dianti; Deus di Israel na sedu bo guarda di tras.

Isaias 54:13

SIÑOR na nsina tudu bu fijus; e na ten pas ciu.

Isaias 58:10

si bu yabri bu korson pa kil ku tene fomi, bu fartanda kil ku kalkadu, bu lus na numia na sukuru; bu sukuru na sedu suma me-dia.

Isaias 62:12

E na comadu Pobu di Deus, Pobu ku SIÑOR Kaplinti. Abo, bu na comadu Prasa Buskadu, Prasa ku ka bandonadu.

Ezekiel 14:23

Bo na fika konvensidu ora ku bo oja kuma ke na yanda mal, ku kusas ke na fasi; bo na sibi kuma N ten roson pa tudu ku N fasi la. Asin ku SIÑOR Deus fala.”

Oseias 2:14

N na atrail, N lebal pa lala, N bai papia diritu ku el.

Oseias 2:6

Ami N na tajal kamiñu ku pe di fidida. N na lantanda paredi di sibi pa i ka pudi oja kamiñu.

Amos 5:8

Bo buska kil ku kumpu Seti-strela ku Orion, kil ku ta bidanta sombra di noti pa i sedu parmaña; i pui di dia pa i bida sukuru, suma di noti. I ta coma yagu di mar, i darmal riba di tera. SIÑOR i si nomi.

Lukas 3:5

Tudu kobon na incisidu; tudu monti, garandi ku pikininu, na justandadu; strada ku jingi na filantadu; kamiñus mau na niveladu;

Atus 26:18

pa bu yabri se uju, pa bu pui elis pa e konverti di sukuru pa lus, di puder di Satanas pa Deus, pa e pudi ten fe na mi, pa se pekadu purdadu, e risibi yardansa na metadi di kilis ku Deus santifika.’

Efésius 5:8

Purmeru, bo staba na sukuru, ma gosi, suma bo sedu di Siñor, bo sta na lus. Asin bo yanda suma kilis ku pertensi lus.

Ebreus 13:5

Bo libra di faimadesa di diñeru. Bo fika kontenti ku kil ku bo tene, pabia Deus fala: “N ka na disau, nin N ka na bandonau.”

Josué 3:4

pa bo pudi kunsi kamiñu ku bo dibi di bai, pabia nunka bo ka ciga di yanda ne kamiñu. Ma bo na disa spasu di kuas mil metru na metadi di bos ku arka; ka bo ciga pertu del.”

1 Pedru 2:9

Ma abos bo sedu rasa kujidu, saserdotis di rei, nason santu, pobu ku Deus ranja pa el, pa konta garandi obras di kil ku coma bos na sukuru pa si lus bonitu.