Isaias 41:24 - BIBLIA - traduson antigu in Krioulo

²⁴ Abos, tudu ku kusas ku bo ta fasi, bo ka bali nada. Ki algin ku kuji bos i nujenti.

Isaias 41:24 ပူးပေါင်းရင်းမြစ်များ

Salmus 115:8

Kilis ku kumpu ki idulus, ku tudu jinti ku fiansa nelis, e na torna elis!

Ditus 28:9

Kil ku nega obi lei, si orason i nujenti pa SIÑOR.

Ditus 3:32

pabia SIÑOR i nuju kil ku ta yanda mal, ma i ta mostra si sigridu pa kilis ku tene korson di bardadi.

Isaias 37:19

E bota se deusis na fugu pabia e ka seduba deusis, ma son kusas di madera ku pedra ku omis kumpu ku se mon; e ku manda e kaba ku elis.

Isaias 41:29

Bo oja elis tudu falsu; nunka e ka fasi nada; se imaẑens fundidu e sedu son bentu.

Isaias 66:24

“Ora ke sai, e na oja difuntus di jinti ku disobdisin; bicus ku na kume elis ka na muri, nin fugu ku na kema elis ka na paga; e na sedu un kusa meduñu pa jinti di tudu mundu.”

Jeremias 10:14

Tudu jinti torna stupidu, e ka sibi nada. Tudu kilis ku ta tarbaja na uru e ta fika ku borgoña pa imaẑens ke kumpu, pabia e sedu mintida; i ka ten folgu nelis.

Jeremias 10:15

Elis e ka bali; e dibi di njutidu. Ora ku se julgamentu ciga, e na kabadu ku el.

Jeremias 10:5

Ki idulus, e sedu suma un spantaliu; e ka pudi papia, e pirsisa di algin pa lambu elis, pabia e ka pudi yanda. Ka bo ten medu delis, pabia e ka pudi fasi mal, nin e ka ten forsa pa fasi ben.”

Jeremias 10:8

Ma elis tudu e stupidu, e tulu; Se nsinamentu bin di idulus di po ku ka bali.

1 Koríntius 8:4

Kusa di kume karni di ronia, no sibi kuma idulu i ka nada na mundu di bardadi, suma ku bo fala. I ka ten utru deus fora di un son.

Ripitison di Lei 27:15

“Maldisuadu omi ku labra imaẑen, o i kumpu un idulu di feru, i pul na un kau sukundidu pa adoral, pabia kusa suma es ku omis kumpu i nujenti pa SIÑOR.” Tudu pobu na ruspundi e fala: “Amen.”

Ripitison di Lei 7:25

Bu na kema imaẑens labradu di se deusis na fugu; ka bu kubisa prata ku uru ku sta riba delis, nin ka bu tomal pa bo. I pudi sedu lastru pa pañau, pabia i kusa nujenti pa SIÑOR bu Deus.

Ripitison di Lei 7:26

Ka bu miti un idulu nujenti na bu kasa, pa ka bu bin kabadu ku el, suma ku ki idulu na kabadu ku el. Bu ten ku nuju el, bu odial, pabia i sta bas di maldison, pa i kabadu ku el.

Apokalipsi 17:5

I staba skritu na si testa un nomi ku tenba sintidu di sigridu, ku fala: “Garandi Babilonia, mame di mau vida ku kusas fiu di mundu.”