Isaias 41:10 - BIBLIA - traduson antigu in Krioulo

¹⁰ Ka bu medi, pabia N sta ku bo; ka bu panta; ami i bu Deus, N na dau forsa, N na judau, N na nguentau ku mon direita ku ta fasi kusas diritu.

Isaias 41:10 ပူးပေါင်းရင်းမြစ်များ

Kumsada 15:1

Dipus de kusas tudu pasa, SIÑOR bin papia ku Abron na vison, i falal: “Abron, ka bu ten medu. Ami i bu tajadera; N sedu bu garandi premiu.”

Kumsada 26:24

Ki di noti SIÑOR bai pa el, i falal: “Ami i Deus di bu pape Abraon. Ka bu medi, pabia N sta ku bo. N na bensuau, N na buri numeru di bu jorson, pabia di ña servu Abraon.”

Kumsada 31:5

I fala elis: “N oja kuma rostu di bo pape ku mi i ka sta suma purmeru, ma Deus di ña pape i sta ku mi.

Kumsada 49:24

ma si mansasa fika firmi; si mon fika disimbaransadu pabia di mon di Deus forti di Jakó, ku sedu Gia ku Roca forti di Israel,

2 Samuel 22:19

E atakan na dia di ña foronta, ma SIÑOR sedu ña forsa.

1 Kronikas 12:18

Spiritu yentra na Amasai, kil ku, mas tardi, bin sedu ŝef di ki trinta, i fala: “O Davi, no sedu di bo! O fiju di Jesé, no sta ku bo! Pas, pas ta sta ku bo! Pas ta sta ku kil ku na judau! Bu Deus i bu Judadur.” Asin Davi risibi elis, i fasi elis kapitons di tropas.

2 Kronikas 20:17

O Judá ku Jerusalen, ne gera bo ka na pirsisa di geria; bo bai toma bo pusison, bo firma, bo jubi kuma ku SIÑOR na libra bos. Ka bo ten medu, nin ka bo panta. Bo bai pa kontra ku elis amaña, pabia SIÑOR na sta ku bos.’ ”

2 Kronikas 32:8

I forsa di omi ku sta ku el, ma SIÑOR no Deus, el ku sta ku nos, pa judanu, pa geria pa nos.” Asin pobu diskansa na palabra di Ezekias, rei di Judá.

Salmus 144:11

Libran, bu kaplintin di mon di jinti di utru teras, ku se boka ta papia mintida, se mon direita ta yalsadu na palabras falsu.

Salmus 144:8

ku se boka ta papia mintida, se mon direita ta yalsadu na palabras falsu.

Salmus 145:14

SIÑOR ta sugura tudu kilis ku kai, i ta lantanda kilis ku batidu.

Salmus 147:12

O Jerusalen, ngaba SIÑOR; ngaba bu Deus, o Sion,

Salmus 18:36

Bu limpan kamiñu pa i mas largu, pa N pudi yanda sin tursi pe.

Salmus 27:1

SIÑOR i ña lus, i ña salbason; kin ku N na medi? SIÑOR i suguransa pa ña vida; kin ku N dibi di medi?

Salmus 29:11

SIÑOR na da forsa pa si pobu; i na bensua elis ku pas.

Salmus 33:12

Sortiadu i ki nason ku tene SIÑOR suma si Deus; sortiadu i ki pobu ki kuji pa si yardansa.

Salmus 37:17

pabia forsa di omis mau na kebrantadu, ma SIÑOR na nguenta justus.

Salmus 37:24

I pudi da tapada, ma i ka na kai, pabia SIÑOR na sugural na mon.

Salmus 41:12

Manera ku N ta yanda na bardadi, bu ta suguran, bu pun bu dianti pa sempri.

Salmus 46:11

SIÑOR ku ten tudu puder sta ku nos; Deus di Jakó i no kau di suguransa. Sela

Salmus 46:7

SIÑOR ku ten tudu puder sta ku nos; Deus di Jakó i no kau di suguransa. Sela

Salmus 63:8

N ta pega na bo; bu mon direita ta nguentan.

Salmus 65:5

Bu ta ruspundinu ku kusas meduñu ku bu fasi ku retidon, o Deus di no salbason. Abo i speransa di jinti di tudu parti di mundu, ku kilis ku sta lunju, riba di mar.

Salmus 99:4

Rei puderosu, bu ama justisa; bu ta firmanta retidon. Na Israel bu ta fasi kil ku sedu justu i sertu.

Saida 14:13

Moisés fala pobu: “Ka bo panta; bo ten koraẑen; bo na jubi kuma ku SIÑOR na libra bos. E ejipsius ku bo na oja aos, nunka mas bo ka na oja elis.

Saida 20:20

Moisés fala pobu: “Ka bo medi; Deus bin pa proba bos, pa bo pudi kontinua ten rispitu pa el, pa bo ka peka.”

Isaias 12:2

Na bardadi, Deus i ña salbason; N na fiansa, N ka na medi, pabia SIÑOR Deus i ña forsa, el i ña kantiga, gosi i sedu ña salbason.”

Isaias 35:4

Bo fala kilis ku tene korson tarpajadu: “Bo sedu forti; ka bo medi. Ali bo Deus na bin ku vingansa; i na bin kastiga bo inimigus, i salba bos.”

Isaias 37:6

Isaias fala elis pa e bai fala se mestre kuma asin ku SIÑOR fala: “Ka bu medi ki palabras ku bu obi, manera ku ŝefis di rei di Asiria papia mal kontra mi.

Isaias 43:5

Ka bu medi, pabia N sta ku bo; N na tisi bu fijus di saida di sol ku si kaida, pa N junta elis na se tera.

Isaias 44:2

I ami, SIÑOR, ku kumpou, ku formau na bariga; ami ku na bin judau. Abo Jakó, ña servu, Jesurun ku N kuji, ka bu medi,

Isaias 49:8

Asin ku SIÑOR fala: “Na ora di ña fabur N kudiu; na dia di salbason N judau. N na guardau; pabia di bo N na fasi kontratu ku pobu, pa bu pudi arnoba tera, bu torna rapati yardansas ku danaduba,

Isaias 50:9

I SIÑOR Deus ku ta judan; kal algin ku na kondenan? Elis tudu e na beju suma ropa; bagabaga na kume elis.

Isaias 52:7

Kil ku yanda riba di montis pa konta bon noba, si pe bonitu dimas; i ta anunsia pas, i ta tisi bon notisias, i ta anunsia salbason, i ta fala Sion: “Bu Deus na rena!”

Isaias 60:19

“Nunka mas sol ka na sedu bu lus di dia, nin klaridadi di lua ka na numiau; pabia SIÑOR na sedu bu lus pa sempri, bu Deus na sedu bu gloria.

Miskiñu di Jeremias 3:57

Bu ciga pertu na ki dia ku N comau; bu falan pa ka N medi.

Daniel 10:12

Dipus i falan: “Daniel, ka bu medi, pabia disna di purmeru dia ku bu pui sintidu pa ntindi, tambi pa bu baŝa dianti di bu Deus, bu palabras obidu. N bin suma rasposta di bu orason,

Daniel 6:16

Asin rei da ordi pa tisi Daniel; e botal na koba di lions. Rei fala Daniel: “Bu Deus ku bu ta sirbi sempri, i na librau.”

Oseias 1:9

SIÑOR fala Oseias: “Pul nomi di Lo-Ami, pabia abos i ka ña pobu, nin ami N ka sedu bo Deus.”

Aẑeu 1:13

Aẑeu, kil ku SIÑOR manda, i da pobu ki rekadu di SIÑOR, i fala kuma SIÑOR fala i na sta ku elis.

Aẑeu 2:5

Asin ku N fala na kontratu ku N fasi ku bos oca ku bo sai na Ejitu. Ña Spiritu sta na bo metadi; ka bo medi.’

Zakarias 10:12

Ami, SIÑOR, N na fortifika elis; e na yanda na ña nomi.” Asin ku SIÑOR fala.

Zakarias 10:6

N na fortifika pobu di Judá, N na salba jorson di José. N na ribanta elis pa se tera, pabia N na sinti pena delis. E na sedu suma N ka negaba elis, pabia ami N sedu SIÑOR se Deus, N ta obi elis.

Zakarias 13:9

N na pui ki terseru parti pa i pasa na fugu, N na purifikal suma ku prata ta purifikadu; N na probal suma ku uru ta probadu. Elis e na coma ña nomi; N na obi elis, N na fala: ‘Es i ña pobu;’ e na fala: ‘SIÑOR i no Deus.’ ”

Lukas 1:13

Anju falal: “Ka bu medi, Zakarias, pabia bu orason obidu. Isabel bu minjer i na padi un fiju macu; bu na pul nomi di Jon.

Lukas 1:30

Anju falal: “Maria, ka bu medi, pabia bu oja fabur dianti di Deus.

Romanus 8:31

Dianti de kusas, ke ku no na fala gora? Si Deus i pa nos, kin ku na sta kontra nos?

2 Koríntius 12:9

ma i falan kuma si grasa justan, pabia si puder i ta mas sta kompletu si N sta fraku. Asin, N ta kontenti pa njata na ña frakesa, pa puder di Kristu pudi sta riba di mi.

Efésius 3:16

N pidil pa i tira di rikesa di si gloria pa da bos forsa ku puder dentru di bos, pa meiu di si Spiritu,

Ripitison di Lei 20:1

Ora ku bu sai pa bai geria kontra bu inimigus, bu oja se kabalus ku karus, ku tropas mas ciu di ki di bo, ka bu ten medu delis, pabia SIÑOR bu Deus, ku tirau di tera di Ejitu, i sta ku bo.

Filipensis 4:13

N ten forsa pa tudu kusa pabia di Kristu ku ta dan puder.

Josué 1:9

Nta i ka ami ku dau ja ordi? Sedu forti, bu ten koraẑen. Ka bu fika ku medu nin ka bu panta, pabia SIÑOR bu Deus sta ku bo pa tudu kau ku bu na bai.”

Ŝefis 6:16

SIÑOR falal: “Suma ku N na sta ku bo, bu na kaba ku midianitas suma e seduba un algin son.”