Isaias 40:8 - BIBLIA - traduson antigu in Krioulo

⁸ Paja ta seku, si floris ta konkoñi, ma palabra di no Deus ta manti pa sempri.”

Isaias 40:8 ပူးပေါင်းရင်းမြစ်များ

Salmus 111:8

E dadu na bardadi ku retidon; e sta firmi pa tudu sempri.

Isaias 59:21

SIÑOR fala mas: “Ami, es i ña kontratu ku elis: Ña Spiritu ku N pui riba di bo, ku ña palabras ku N dau pa bu papia, e ka na disvia di bu boka, nin di boka di bu fijus, nin di boka di fijus di bu fijus, disna di gosi pa tudu tempu.” Asin ku SIÑOR fala.

Jeremias 44:29

“‘Ami, SIÑOR, N fala: Es i na sedu sinal pa bos kuma N na kastiga bos ne kau, pa bo sibi sertu kuma ña palabra di mal kontra bos i na firma.

Zakarias 1:6

Nta ña palabras ku ña avisus ku N manda na boka di ña servus anunsiaduris ka yangasa bo papes? E ripindi, e fala: ‘SIÑOR ku ten tudu puder fasinu ke ku no mersi, suma ki puiba sintidu pa fasinu, konformi no manera di yanda, ku kusas ku no fasi.’ ”

Numerus 23:19

Deus i ka omi ku ta konta mintida, nin i ka fiju di omi ku ta muda di ideia. Nta i ta fala un kusa, i ka bin fasil? I ta da purmesa, i ka bin kumpril?

Mateus 24:35

Seu ku tera na pasa, ma ña palabra ka na pasa.

Mateus 5:18

Na bardadi N na konta bos kuma seu ku tera na pasa, ma nin un asentu ka na bin tiradu riba di un letra di lei tementi i ka pudu tudu na pratika.

Markus 13:31

Seu ku tera na pasa, ma ña palabra ka na pasa.

Bon Noba di Jesus Kristu ku Jon 10:35

Agora, Skritura ka pudi kabadu ku el. Si lei coma deusis kilis ku Deus manda si palabra pa elis,

Bon Noba di Jesus Kristu ku Jon 12:34

Multidon ruspundil: “No lei kontanu kuma Kristu ta fika pa sempri. Kuma ku bu na fala kuma i pirsis pa Fiju di omi lantandadu? Kin ki ki Fiju di omi?”

1 Pedru 1:25

ma palabra di Siñor na fika pa sempri.” Es i palabra di Bon Noba ku bo kontadu.