Isaias 40:31 - BIBLIA - traduson antigu in Krioulo

³¹ ma kilis ku na pera na SIÑOR e na arnoba se forsa. E na subi ku asas suma agia, e na kuri sin kansa, e na yanda sin pirdi forsa.

Isaias 40:31 ပူးပေါင်းရင်းမြစ်များ

Jo 17:9

Omi justu na yanda na si kamiñu, i ka na largal; kil ku tene mon puru i na kirsi kada bias mas na forsa.

Salmus 103:5

I el ku ta fartandan ku kumida sabi, tok N ta bida sempri nobu suma agia.

Salmus 123:2

Suma ku servus ta pui uju na mon di se dunu, o suma ku bajuda ta pui uju na mon di si mestra, asin ku no ta pui uju na SIÑOR no Deus, te ora ki sinti pena di nos.

Salmus 138:3

Na dia ku N comau, bu kudin; bu dan koraẑen ku forsa di korson.

Salmus 20:9

O SIÑOR, da vitoria pa rei; kudinu ora ku no comau.

Salmus 25:21

Bardadi ku retidon pa e guardan, pabia N fiansa na bo.

Salmus 25:3

Na bardadi, kilis ku ten speransa na bo e ka na bin pasa borgoña, ma kilis ku sedu falsu sin roson e na ten borgoña.

Salmus 25:5

Gian na bu bardadi, bu nsinan, pabia abo i Deus ña Salbadur, ku N na pera tudu dia.

Salmus 37:34

Pui bu speransa na SIÑOR, bu sigi si kamiñu; el i na garandisiu pa bu yarda tera di Israel. Ora ku jinti mau na tiradu nel, bu na sta la pa jubi.

Salmus 40:1

N pera ku pasensa na SIÑOR; i para oreja pa mi, i obin oca ku N na comal.

Salmus 84:7

E ta fika e na ngaña forsa pa bai, tok kada kin bai ciga dianti di Deus na Sion.

Salmus 84:8

SIÑOR Deus ku ten tudu puder, sukuta ña orason; para bu oreja, o Deus di Jakó. Sela

Salmus 92:1

I bon pa ngabau, SIÑOR, pa kanta musika pa bu nomi, o Deus ku sta riba di tudu,

Salmus 92:13

Suma ke parantadu na kasa di SIÑOR no Deus, e na kirsi la ku saudi.

Saida 19:4

‘Abos bo oja ke ku N fasi ku ejipsius, bo oja tambi manera ku N leba bos suma ku agia ta leba si fijus na asas, N tisi bos li pa mi.

Ditus 30:19

kamiñu di agia na seu, kamiñu di kobra na pedra, kamiñu di barku na metadi di mar, ku manera di omi ku bajuda.

Kantiga di Salomon 8:5

Es i kin ku na bin di lala, kontenti, ngostadu na kil ki ama? Bas di pe di mangu ku N kordau; la ku bu mame staba ku dur di partu, tok i padiu.

Isaias 25:9

Na ki dia jinti na fala: “Es i no Deus; no fiansaba nel, i bin salbanu. Es i SIÑOR, kil ku no fiansaba nel. No na kanta, no kontenti, pabia i salbanu.”

Isaias 30:15

Asin ku SIÑOR Deus, Deus Santu di Israel, fala: “Bo konverti, bo diskansa; bo ta sedu salbu. Si bo susega, bo fiansa na mi, bo ta ten forsa,” ma bo ka misti kila.

Isaias 30:18

Ma SIÑOR misti mostra si miserikordia pa bos, i na lanta pa mostra bos amor, pabia SIÑOR i no Deus justu; tudu kilis ku na spera nel e sortiadu.

Isaias 41:1

“Jius, bo kala ña dianti! Nasons pa e arnoba se forsa, pa e ciga ku se palabra; no bai juntu pa fasi justisa.

Isaias 64:4

Disna di tempu antigu i ka obidu, nin i ka ntindidu ku sintidu, nin i ka ojadu ku uju, kualker Deus fora di bo ku ta tarbaja pa kilis ku ten speransa nel.

Isaias 8:17

SIÑOR sukundi si rostu di familia di Jakó, ma ami N na fiansa nel, N na pui ña speransa nel.

Jeremias 48:15

Moab danadu, tudu ku si prasas. Si jovens mas bon e bai pa matansa. Asin ku Rei ku tene nomi di SIÑOR ku ten tudu puder fala.

Zakarias 10:12

Ami, SIÑOR, N na fortifika elis; e na yanda na ña nomi.” Asin ku SIÑOR fala.

Lukas 18:1

Dipus, Jesus da elis un komparason pa mostra elis kuma e dibi di ora sempri, sin disanima.

Romanus 8:25

Ma si no na pera kil ku no ka oja, no ta peral ku pasensa.

2 Koríntius 4:1

Deus, na si miserikordia, i danu e tarbaju pa no fasi; asin no ka na fika disanimadu.

2 Koríntius 4:16

E ku manda no ka ta disanima. Kontudu no kurpu pa fora i na kai puku puku, ma kil di dentru i na arnobadu kada dia.

Gálatas 6:9

Ka no kansa fasi ben. Ora ki ciga ora, no ta kebra si frutu, si no ka menusa forsa.

Ripitison di Lei 32:11

Suma ku agia ta buli si niñu, i bua riba di si fijus, i distindi si asas pa paña elis, i leba elis riba di si asas.

Ripitison di Lei 33:25

Bu portons na tene trinkus di feru ku bronzi; bu forsa na ciga pa bu dias.

1 Tesalonisensis 1:10

tambi pa pera si Fiju ku na bin di seu, ku sedu Jesus, ku Deus lantanda di mortu, ku na libranu di raiba di Deus ku na bin.

Ebreus 12:1

Anos tambi, ku tudu e tustumuñas ku rodianu suma nuven, no sakudi tudu kusa ku ta mbaransanu, ku pekadu ku ta lestu ku maranu; no kuri ku tudu mpeñu na kurida ku sta no dianti.

Ebreus 12:3

Bo pensa na kil ku nguenta manga di kusa ku jinti mau lantanda kontra el. Asin bo ka ta pirdi koraẑen, pa bo dismaja.

Josué 14:11

Inda aos N sta forti suma na dia ku Moisés mandan; ki forsa ku N tenba pa gera, pa yentra ku sai, i el ku N ten te gosi.

Apokalipsi 12:14

Ma minjer dadu dus asa di un agia garandi pa i bua, i bai pa lala, pa si lugar nunde ki na sustentadu tris anu i meiu, lunju di uju di serpenti.

Apokalipsi 2:3

Bu sufri pabia di ña nomi, bu kontinua firmi, bu ka fraksi.

Apokalipsi 4:7

Purmeru kriatura i parsi ku un lion, sugundu parsi ku turu, terseru teneba rostu suma omi, kuartu parsi suma agia ku na bua.

Ŝefis 16:28

Sanson coma SIÑOR i fala: “SIÑOR Deus, N pidiu pa bu lembra di mi, bu dan forsa son e bias, o Deus, pa N pudi da un pankada, N vinga filisteus pa ña dus uju.”