Isaias 40:28 - BIBLIA - traduson antigu in Krioulo

²⁸ Bu ka sibi? Bu ka obi kuma ki Deus ku ka ten kumsada nin kabantada, ku sedu SIÑOR, kil ku kumpu tudu parti di mundu, i ka ta kansa, nin si forsa ka ta kaba? Ningin ka pudi sibi ke ki na pensa.

Isaias 40:28 ပူးပေါင်းရင်းမြစ်များ

Kumsada 21:33

Abraon paranta un pe di tamarisk na Berseba, i coma nomi di SIÑOR la, ku sedu Deus ku ka ten kumsada nin kabantada.

Jo 38:18

Bu tene ideia sertu di largura di mundu? Kontan, si bu sibi.

Salmus 138:8

SIÑOR na kumpri si planu pa mi; ka bu bandona bu tarbaju na metadi. SIÑOR, bu bondadi i ta tarda pa sempri.

Salmus 139:6

E kuñisimentu i garandi dimas pa mi; manera ki altu dimas, N ka pudi ntindil.

Salmus 145:3

SIÑOR i garandi, i mersi ngabadu ciu; si garandesa ka pudi kunsidu.

Salmus 147:5

No SIÑOR i garandi, i ten garandi puder; si ntindimentu ka ten limiti.

Salmus 90:2

Antis di montis bin lanta, antis di bu kumpu tera ku mundu, abo, bu sedu Deus, antis di kumsada te dipus di kabantada.

Isaias 37:26

“‘Nta bu ka obi kuma N tarda marka e kusa? Disna di tempu mas antigu N pensalba ja. Gosi N kumpril, N pui pa bu bidanta prasas forti muntudu.

Isaias 40:21

Nta bo ka sibi? O bo ka obi? O bo ka kontadu e kusa disna di kumsada? Bo ka ntindi kuma ku mundu formadu?

Isaias 42:4

I ka na fraksi nin i ka na bin kebrantadu tok i pui justisa na tera. Jinti di jius na pui se speransa na si nsinamentu.”

Isaias 45:22

“Bo jubi pa mi pa bo sedu salbu, abos di tudu kantus di mundu, pabia ami i Deus; i ka ten mas utru.

Isaias 57:15

Deus altu ku sta riba di tudu, ku tene vida ntidu, ku tene nomi sagradu, asin ki fala: “N mora na un lugar altu, sagradu juntu ku kilis ku ripindi, e baŝa kabesa, pa pudi da elis animu.

Isaias 59:1

Jubi, mon di SIÑOR i ka kurtu dimas pa pudi salba, nin si oreja ka surdu pa ka i pudi obi.

Isaias 66:9

Nta ami N ta tisi algin te na ora di padi, N ka judal tene fiju? O N ta fica bariga ora ku algin na padi?” Asin ku SIÑOR bu Deus na punta.

Jeremias 10:10

Ma SIÑOR i Deus di bardadi; el i Deus bibu, Rei pa sempri. Si i paña raiba, con ta tirmi; nasons ka pudi nguenta si raiba.

Jeremias 32:17

“A SIÑOR Deus! Abo ku distindi mon, bu kumpu seu ku tera ku bu garandi puder; i ka ten nada ki kansadu pa bo.

Jeremias 4:22

Deus fala: “Ña pobu ka ten juisu, e ka kunsin; e sedu fijus ku ka jiru, e ka ta ntindi. E sedu jiru pa fasi mal, ma e ka sibi fasi ben.”

Markus 16:14

Pa kabantada i parsi pa ki onzi, oca e staba na mesa. I kulpa elis pa se falta di fe ku duresa di korson, pabia e ka fia na kilis ku ojal dipus di i lanta di mortu.

Markus 9:19

Jesus fala elis: “Abos i jinti sin fe! Te kal dia ku N na sta ku bos? Te kal tempu ku N ten ku nguenta bos? Bo tisin el.”

Lukas 24:25

Jesus fala elis: “Kal falta di ntindimentu ku bo ten! Bo ta tarda pa fia na tudu ku anunsiaduris fala!

Bon Noba di Jesus Kristu ku Jon 14:9

Jesus falal: “Filip, N sta manga di tempu ku bos; bo ka kunsin inda? Kin ku ojan, i oja ña Pape. Kuma ku bu na falan pa N mostra bos ña Pape?

Bon Noba di Jesus Kristu ku Jon 5:17

Jesus ruspundi elis: “Ña Pape na tarbaja te gosi; ami N na tarbaja tambi.”

Atus 13:47

pabia asin ku Siñor danu ordi, i fala: ‘N pou pa lus di jintius, pa bu leba salbason te fin di mundu.’ ”

Romanus 16:26

Gosi, pa ordi di Deus iternu, e sigridu sai na klaridadi, pabia di kartas ku anunsiaduris skirbi. I kontadu pa tudu nasons pa e pudi fia, e obdisi.

1 Koríntius 2:16

Kin ku ciga di kunsi pensamentu di Siñor pa i pudi nsinal? Ma anos no tene pensamentu di Kristu.

1 Koríntius 6:16

O bo ka sibi kuma, kil ku junta ku algin di mau vida, i ta junta un kurpu son ku el? Skritura fala kuma elis dus e ta forma un kurpu son.

1 Koríntius 6:19

Nta bo ka sibi kuma bo kurpu i santuariu di Spiritu Santu ku Deus da bos, ku mora na bos? I ka abos ku tene bo kabesa,

1 Koríntius 6:9

O bo ka sibi kuma kilis ku ta fasi mal ka na ten parti na renu di Deus?

Ripitison di Lei 33:27

Deus ku ka ten kumsada nin kabantada i bu moransa suguru; si brasus iternu sta bas di bo. I ta serka bu inimigu bu dianti, i fala: ‘Kaba ku el!’

Filipensis 1:6

N sta sertu di un kusa, kuma, kil ku kumsa e bon tarbaju na bos i na bai dianti ku el, tok i kompletal na Dia di Kristu Jesus.

1 Timótiu 1:17

Asin no da onra ku gloria pa tudu sempri pa Rei iternu, uniku Deus, ku ka na muri, ku ka ta ojadu. Amen.

Ebreus 9:14

ku fadi gora puder di sangi di Kristu pa limpa no konsiensia di kustumus ku ta tisi mortu, pa no sirbi Deus bibu! Ku ajuda di Spiritu ku ta bibu pa sempri, Kristu da si vida pa Deus, suma sakrifisiu ku ka tene manca.

1 Samuel 2:10

Kilis ku ta risisti SIÑOR e na kebrantadu; la na seu i na turmenta kontra elis suma turbada. SIÑOR na julga tudu mundu; i na da puder pa si rei; i na lantanda kabesa di kil ki kuji pa i sedu rei.”