Isaias 40:22 - BIBLIA - traduson antigu in Krioulo

²² Deus sta sintadu na tronu riba di globu di mundu, ku si moraduris ta parsi na si uju suma firmingas. El ku ta distindi seu suma kurtina; i ta disdobral suma tenda pa mora nel.

Isaias 40:22 ပူးပေါင်းရင်းမြစ်များ

Kumsada 1:6

Deus fala: “Pa i ten un firmamentu na metadi di yagu, pa rapati yagu ku yagu.”

Jo 22:14

Nuvens ta kubril, tok i ka pudi oja; el i ta pasia na roda di seu.’

Jo 26:7

I distindi seu di norti riba di spasu vaziu, i pindra mundu riba di nada.

Jo 36:29

Nta algin pudi ntindi kuma ki distindi nuvens, o kuma ku baruju di turbada ta sai na si morada?

Jo 37:18

O bu judal distindi seu, ku sedu risu suma spiju di metal fundidu?

Jo 9:8

I el son ku distindi seu, i yanda riba di maron di mar.

Salmus 104:2

Bu kubri ku lus suma panu; bu distindi seu suma kurtina.

Salmus 18:11

I fasi sukuru pa i sedu si kau di sukundi; kurtina ku kubril i sedu nuvens sukuru, kargadu ku cuba.

Salmus 19:4

ma si rekadu ta obidu na tudu tera, si palabra ta ciga te na kabantada di mundu. La na seu, Deus pui tenda pa sol,

Salmus 2:4

SIÑOR ku sinta na si tronu na seu i na ri, i fasi trosa delis.

Salmus 29:10

SIÑOR ta rena riba di diluviu; SIÑOR ta sinta suma Rei pa sempri.

Salmus 68:33

kil ku ta yanda di kabalu riba di seu, ki seu antigu. Bo obi kuma ki ta papia ku vos forti, suma turbada.

Ditus 8:27

Oca ki koloka seu na si lugar, N staba la; oca ki marka divison di seu ku mar,

Isaias 19:1

Es i rekadu di Deus aserka di Ejitu. Jubi, SIÑOR na bin dipresa, montadu riba di nuven; i na bin pa Ejitu. Idulus di Ejitu na tirmi si dianti; koraẑen di ejipsius na ribi dentru delis.

Isaias 37:16

“O SIÑOR ku ten tudu puder, Deus di Israel, abo ku sta sintadu na metadi di kirubins, i abo son ku sedu Deus riba di tudu renus di mundu; i abo ku kumpu seu ku tera.

Isaias 40:15

SIÑOR ta jubi nasons suma pingu di yagu na baldu, suma puera na balansu; i ta pesa jius suma mon di reia.

Isaias 40:17

Tudu nasons sedu suma nada si dianti; i ta jubi elis suma nada, suma kusa ku ka bali.

Isaias 42:4

I ka na fraksi nin i ka na bin kebrantadu tok i pui justisa na tera. Jinti di jius na pui se speransa na si nsinamentu.”

Isaias 42:5

Deus kumpu seu, i distindil; i forma tera ku tudu ku ta sai nel; i ta da folgu ku vida pa pobu ku ta yanda nel. El Deus, SIÑOR, i fala:

Isaias 44:24

SIÑOR, bu Libertadur, kil ku formau na bariga, i fala: “Ami i SIÑOR ku fasi tudu e kusas; N distindi seu, N tira tera na yagu, ami son.

Isaias 51:13

Kuma ku bu diskisi di SIÑOR ku kumpou, kil ku distindi seu, ku pui alisersu di tera? Pabia di ke ku bu ta ten medu tudu dia di raiba di bu kastigadur, ora ki na purpara pa kaba ku bo? Ki raiba, nunde ki sta nel gosi?

Isaias 66:1

Asin ku SIÑOR fala: “Seu i ña tronu, tera i tapeti di ña pe. Kal koldadi kasa ku bo na kumpun? O kal kau ki di ña diskansu?

Jeremias 10:12

Deus kumpu tera ku si puder; i pui mundu na si lugar ku si jiresa; ku si ntindimentu i distindi seus.

Zakarias 12:1

Es i palabra ku Deus papia aserka di Israel. SIÑOR, kil ku distindi seu, i kumpu tera, i pui folgu dentru di omi, i fala:

Numerus 13:33

No oja tambi jigantis la, fijus di Anak; no sinti suma anos i gamfañotis; asin tambi ku no parsiba pa elis.”