Isaias 4:5 - BIBLIA - traduson antigu in Krioulo

⁵ Riba di tudu kasas na monti di Sion, ku tudu juntamentus di pobu, SIÑOR na kumpu un nuven di fumu di dia, ku ŝamas di fugu ku na lampra di noti. Ki gloria na sedu kubertura riba di tudu monti.

Isaias 4:5 ပူးပေါင်းရင်းမြစ်များ

Neemias 9:12

Bu gia elis di dia ku kuluna di nuven; di noti bu pui kuluna di fugu pa numia elis kamiñu ke tenba ku yanda nel.

Salmus 105:39

Deus distindi un nuven pa i kubri elis, ku fugu pa numia elis di noti.

Salmus 111:1

Bo ngaba SIÑOR! N na ngaba SIÑOR ku tudu korson, na kompañia di justus na juntamentu di pobu.

Salmus 78:14

Di dia i gia elis ku nuven; duranti noti i ta gia elis ku klaridadi di fugu.

Salmus 85:9

Sin duvida el i sta pruntu pa salba kilis ku rispital, pa gloria pudi sta na no tera.

Salmus 89:7

Deus i rispitadu ku medu na juntamentu di si pobu; tudu kilis ku sta na si roda dibi di ten medu del.

Saida 14:24

Oca ku sol pertu mansi, SIÑOR, ku staba na ki kuluna di fugu ku nuven, i jubi pa tropas di Ejitu, i miti elis na kunfuson.

Saida 24:16

Gloria di SIÑOR ria na monti di Sinai. Na uju di fijus di Israel ki gloria seduba suma fugu ku na kema riba di monti. Ki nuven kubri monti pa seis dia; na setimu dia Deus coma Moisés na metadi di nuven.

Saida 26:1

“Kumpu tenda di des kurtina di liñu finu tursidu, ku lan azul, purpura ku burmeju, tudu kumpudu ku kirubins bordadu nel pa un omi ku sibi ki tarbaju.

Saida 26:7

“Kumpu tambi onzi kurtina di kabelu di kabra pa kubri ki utru kurtinas di tenda.

Isaias 32:18

Ña pobu na mora na moransa di pas, na kasas ben suguru, na kau ketu di diskansu,

Isaias 33:20

Jubi pa Jerusalen, prasa di no festival. Bu ujus na bin oja Jerusalen, morada ketu, suma tenda ku ka na mundantadu, ku si stakas ka na rinkadu, nin un di si kordas ka na sapa.

Isaias 37:35

‘N na difindi e prasa, pa libral, pa ña onra, tambi pabia di ña servu Davi.’ ”

Isaias 46:13

N na ciganta ña retidon pa ka i lunjusi. Ña salbason ka na tarda; N na bin salba Sion, N pui ña gloria na Israel.

Isaias 60:1

Lanta, bu brilia, pabia bu lus bin; gloria di SIÑOR na mansi riba di bo.

Isaias 60:2

Jubi, sukuru na kubri mundu; nasons sta na sukuru, ma SIÑOR na lanta riba di bo suma sol; si gloria na ojadu na bo.

Mateus 18:20

pabia, nunde ku dus o tris junta na ña nomi, N na sta na se metadi.”

Mateus 28:20

Bo nsina elis pa e obdisi tudu kusas ku N manda bos. Ami N na sta ku bos tudu dia te na kabantada di tempu.’