Isaias 38:19 - BIBLIA - traduson antigu in Krioulo

¹⁹ Jinti bibu, i jinti bibu ku na bin ngabau, suma mi aos. Papes na konta fijus manera ku bu sedu bardadi.

Isaias 38:19 ပူးပေါင်းရင်းမြစ်များ

Kumsada 18:19

N kujil pa i pudi da ordi pa si fijus ku si familia dipus del, pa e yanda na kamiñu di SIÑOR, e fasi kil ki diritu i bon, pa SIÑOR pudi fasi pa Abraon kil ki fala i na fasi.”

Salmus 118:17

N ka na muri, ma N na vivi pa konta kusas ku SIÑOR fasi.

Salmus 119:175

Disan ku vida pa N ngabau; pui bu leis pa e judan.

Salmus 145:4

Papes na konta se fijus kusas garandi ku bu fasi; e na ngaba bu tarbaju.

Salmus 146:2

N na ngaba SIÑOR tudu ña vida; N na kanta pa ngaba ña Deus nkuantu N sta bibu.

Saida 10:2

pa bu pudi konta storia pa bu fijus ku netus, aserka di kusas ku N fasi na Ejitu, ku milagris ku N fasi na se metadi, pa bo pudi sibi kuma ami N sedu SIÑOR.”

Eklesiastis 9:10

Tudu ku ciga na bu mon pa fasi, fasil konformi bu forsa, pabia na mundu di mortus, nunde ku bu na bai, i ka ten tarbaju, nin planus, nin kuñisimentu, ku fadi jiresa.

Joel 1:3

Bo konta es pa bo fijus, bo fijus ta konta se fijus, kilas ta konta se fijus.

Bon Noba di Jesus Kristu ku Jon 9:4

I pirsis pa N fasi tarbaju di kil ku mandan nkuantu i dia; noti na bin, ora ku ningin ka na pudi tarbaja.

Ripitison di Lei 11:19

bo nsina elis pa bo fijus, bo papia delis ora ku bo sinta na kasa, ora ku bo na yanda na kamiñu, o bo na bai dita, o bo na lanta na kama.

Ripitison di Lei 4:10

Lembra di ki dia ku bu staba dianti di SIÑOR bu Deus na Oreb oca ku SIÑOR falan: “Junta e pobu ña dianti pa e obi ña palabras, pa e kunsi elis, pa e rispitan tudu dias ke na vivi na tera; e ten ku nsina se fijus ki palabras.”

Ripitison di Lei 4:9

Toma sintidu ku bu kabesa, bu guarda bu vida diritu, pa ka bu diskisi di ki kusas ku bu oja ku bu uju, pa ka e pirdi na bu korson nkuantu bu sta di vida. Bu na kontal pa bu fijus ku fijus di bu fijus.

Ripitison di Lei 6:7

Nsina elis pa bu fijus, bu fala aserka delis ora ku bu sta sintadu na bu kasa, o bu na yanda na kamiñu, ora ku bu na dita o bu na lanta na kama.