Isaias 37:29 - BIBLIA - traduson antigu in Krioulo

²⁹ N obi di bu raiba kontra mi manera ku bu yalsa ombra; pabia di kila N na pui ansol na bu naris, ku freiu na bu boka, N na ribantau pa kamiñu ku bu bin.’

Isaias 37:29 ပူးပေါင်းရင်းမြစ်များ

Jo 41:2

Bu pudi mitil korda na naris, o bu fural kara ku ansol?

Salmus 32:9

Ka bu sedu suma kabalu o mulu ku ka ten ntindimentu, ku ten ku kontroladu ku korda ku freiu pa i pudi obdisiu.”

Salmus 46:6

Nasons torna brabu; renus bulbuli; Deus pui si vos pa i obidu; mundu bin ribi.

Salmus 74:23

Ka bu diskisi di gritaria di bu inimigus; jumbulumani di kilis ku ta lanta kontra bo i na buri kada bias mas.

Salmus 74:4

Bu inimigus na grita na metadi di lugar di juntamentu; e yalsa se banderas suma sinal.

Salmus 83:2

Jubi kuma ku bu inimigus na turmenta; kilis ku ten odiu di bo e yalsa se kabesa.

Isaias 10:12

SIÑOR fala: “Ora ku N kaba tudu ña tarbaju na monti di Sion ku Jerusalen, N na kastiga rei di Asiria orgulyu di si korson ku ronku di si uju,

Isaias 30:28

Si folgu i suma korenti di yagu ku na inci dipresa tok i ciga na garganti. I ta pineria nasons ku pineria di distruison; i pui freiu na boka di jinti ku na fasi elis pa e yara.

Isaias 36:10

Bu kuda kuma N bin kontra e tera pa kaba ku el sin ordi di SIÑOR? I SIÑOR propi ku falan pa N bin kontra e tera pa kaba ku el.”

Isaias 36:4

Rabsaké fala elis: “Bo bai fala Ezekias kuma rei garandi, ku sedu rei di Asiria, punta: ‘Na ke ku bu fiansa nel?

Isaias 37:10

pa e bai papia ku Ezekias, rei di Judá, e falal: “Ka bu disa ki bu Deus, ku bu fiansa nel, nganau, i fala kuma Jerusalen ka na ntregadu na mon di rei di Asiria.

Isaias 37:34

I na riba na kamiñu ki binba, ma ne prasa i ka na yentra.’ Asin ku SIÑOR fala.

Isaias 37:7

Ali N na pui un spiritu nel; i na bin obi un buatu, i na riba pa si tera. N na pul pa i matadu la ku spada.”

Ezekiel 29:4

N na pui ansolis na bu rostu, N pui pis di bu rius pa e pega na bu skamas. N na tirau na metadi di bu rius, ku tudu pis di bu rius pegadu na bu skamas.

Ezekiel 35:13

Bo njata kontra mi ku bo boka; bo papia manga di palabra kontra mi, ma N obil.

Ezekiel 38:4

N na pou pa bu vira, N na pui ansolis na bu keŝada, N na lebau, abo ku tudu bu tropas, kabalus ku omis di kabalu, tudu yarmadu, un garandi kompañia, ku tajaderas garandi ku pikininu, tudu ku spada na mon.

Amos 4:2

SIÑOR Deus jurmenta, pa si puresa, i fala kuma tempu na ciga ku bo na lebadu ku ansol; bo fijus na jundadu suma pis na korda.

Mateus 27:24

Pilatus oja kuma i ka na pudi fasi nada, ma baruju mas na buri nan. I pidi yagu, i laba mon dianti di pobu, i fala: “N ka ten kulpa na mortu de omi justu. Kulpa i di bos.”

Atus 22:22

Jinti sukutal tok i ciga ne palabra. E kumsa na grita, e fala: “Mata e omi! Algin suma el i ka mersi sta na mundu!”

Atus 9:4

I kai na con, i obi un vos ku puntal: “Saulu, Saulu, ke ku manda bu na pirsigin?”