Isaias 37:19 - BIBLIA - traduson antigu in Krioulo

¹⁹ E bota se deusis na fugu pabia e ka seduba deusis, ma son kusas di madera ku pedra ku omis kumpu ku se mon; e ku manda e kaba ku elis.

Isaias 37:19 ပူးပေါင်းရင်းမြစ်များ

2 Samuel 5:21

Filisteus disa se idulus la; Davi ku si omis leba elis.

Saida 32:20

I toma ki turu ke kumpu, i kemal na fugu, i pilal tok i bida reia, i wagal na yagu, i da fijus di Israel pa e bibi.

Isaias 10:7

El, rei di Asiria, i ka asin ki si pensamentu; i ka el ki tene na sintidu. Si planu i pa dana, pa kaba ku manga di nason.

Isaias 17:8

I ka na jubi pa altaris ki kumpu ku si mon, nin i ka na pui sintidu na idulus di Aserá nin na altaris di nsensu ku el propi i kumpu.

Isaias 2:8

Tambi se tera inci ku idulus. E ta mpina dianti di kusa ke fasi ku se mon, ke kumpu ku se dedu.

Isaias 26:14

Elis e muri ja, e ka na torna bibu; se spiritus ka na torna riba pa tera. Asin bu kastiga elis, bu kaba ku elis, bu pui pa e ka lembradu mas.

Isaias 41:24

Abos, tudu ku kusas ku bo ta fasi, bo ka bali nada. Ki algin ku kuji bos i nujenti.

Isaias 41:29

Bo oja elis tudu falsu; nunka e ka fasi nada; se imaẑens fundidu e sedu son bentu.

Isaias 41:7

Loibe na anima urivi; kil ku na filanta ku martel na anima kil ku na suta na bigorna, i na fala aserka di idulu ke na kumpu: “I soldadu diritu.” Dipus i ta tesantal ku pregus pa ka i kai.

Isaias 44:17

Ku madera ku sobra i ta labra un idulu, i fasil si deus; i kaba i finka juju si dianti, i mpina kabesa, i papia ku el, i fala: “Libran, pabia abo i ña deus.”

Jeremias 1:16

“N na anunsia ña kastigu riba di ña pobu pabia di kusas mau ke fasi. E disan, e kema nsensu pa utru deusis, e adora kusas ke kumpu ku se mon.

Jeremias 10:11

Bo fala elis asin: “Deusis ku ka kumpu seu ku tera e na pirdi ne mundu ku sta bas di seu.”

Jeremias 16:20

Nta un omi pudi kumpu deusis pa si kabesa? Sin, ma e ka na sedu deusis!”

Jeremias 2:11

Nta i ten nason ku torkia si deusis, mesmu ke ka sedu deusis? Ma ña pobu torkia se Deus gloriosu ku idulus ku ka bali nada.

Daniel 11:8

Tambi i na toma se deusis ku manga di se imaẑens, ku utru kusas di balur di prata ku uru, i na leba elis pa Ejitu. Dipus di puku anus di pas,

Daniel 5:23

Bu lanta kontra SIÑOR di seu, bu manda tisi kopus di si kasa; abo ku bu fidalgus, bu minjeris ku kumadris, bo bibi biñu nelis. Fora di kila, bo ngaba deusis di prata, uru, kobri, feru, madera ku pedra, ku ka ta oja, nin e ka ta obi, nin e ka ta ntindi, ma bu ka da gloria pa Deus ku tene bu vida ku tudu bu kamiñus na si mon.

Oseias 8:6

Ki idulu, i son di Israel; i un omi di jitu di la ku kumpul; i ka Deus. I na kebradu padas padas, ki baka di Samaria!

Gálatas 4:8

Purmeru, oca bo ka kunsiba Deus, bo seduba katibu di spiritus ku ka sedu deusis.