Isaias 37:16 - BIBLIA - traduson antigu in Krioulo

¹⁶ “O SIÑOR ku ten tudu puder, Deus di Israel, abo ku sta sintadu na metadi di kirubins, i abo son ku sedu Deus riba di tudu renus di mundu; i abo ku kumpu seu ku tera.

Isaias 37:16 ပူးပေါင်းရင်းမြစ်များ

Kumsada 1:1

Na kumsada Deus kumpu seu ku tera.

2 Samuel 7:26

pa bu nomi pudi sedu garandi pa sempri, pa jinti pudi fala: ‘SIÑOR ku ten tudu puder i Deus riba di Israel.’ Jorson di bu servu Davi na konfirmadu bu dianti.

1 Reis 18:32

Ku ki pedras i kumpu altar na nomi di SIÑOR, i koba baleta na roda di altar nunde ki pudiba kibi kinzi litru di simentera.

1 Reis 8:6

Dipus, saserdotis leba arka di kontratu di SIÑOR pa si lugar, na kuartu mas pa dentru, ku sedu kau mas sagradu, e pul bas di asas di kirubins.

2 Reis 5:15

El ku tudu si servus e riba pa omi di Deus. I bai firma si dianti, i falal: “Gosi N sibi kuma na tudu mundu i ka ten Deus si i ka son na Israel. Asin N pidiu pa bu toma un pursenti di bu servu.”

Esdras 1:3

Kualker na bo metadi ku sedu di si pobu, si Deus ta sta ku el; i ta bai pa Jerusalen na Judá pa kumpu kasa di SIÑOR Deus di Israel, ki Deus ku ta sta na Jerusalen.

Salmus 146:6

ku kumpu seu ku tera ku mar ku tudu ku sta nel, ku manti fiel pa sempri.

Salmus 46:11

SIÑOR ku ten tudu puder sta ku nos; Deus di Jakó i no kau di suguransa. Sela

Salmus 46:7

SIÑOR ku ten tudu puder sta ku nos; Deus di Jakó i no kau di suguransa. Sela

Salmus 80:1

O Deus, Bakiadur di Israel, para sintidu. Abo ku ta gia José suma karnel, ku ta sinta na metadi di kirubins, mostra bu gloria

Salmus 86:10

pabia i abo i garandi, bu ta fasi milagris; abo son ki Deus.

Salmus 99:1

SIÑOR na rena; nasons pa e tirmi! El i sinta na tronu na metadi di kirubins; tera pa i bulbuli!

Saida 25:22

La N na bin pa bo, riba di kubertura di miserikordia na metadi di dus kirubin ku sta riba di arka di tustumuñu. N na papia ku bo, N na dau tudu ña ordis pa fijus di Israel.

Isaias 37:15

i ora, i fala:

Isaias 37:20

Asin, o SIÑOR no Deus, libranu na si mon, pa tudu renus di mundu pudi sibi kuma i abo son, SIÑOR, ku sedu Deus.”

Isaias 40:22

Deus sta sintadu na tronu riba di globu di mundu, ku si moraduris ta parsi na si uju suma firmingas. El ku ta distindi seu suma kurtina; i ta disdobral suma tenda pa mora nel.

Isaias 40:28

Bu ka sibi? Bu ka obi kuma ki Deus ku ka ten kumsada nin kabantada, ku sedu SIÑOR, kil ku kumpu tudu parti di mundu, i ka ta kansa, nin si forsa ka ta kaba? Ningin ka pudi sibi ke ki na pensa.

Isaias 42:5

Deus kumpu seu, i distindil; i forma tera ku tudu ku ta sai nel; i ta da folgu ku vida pa pobu ku ta yanda nel. El Deus, SIÑOR, i fala:

Isaias 44:24

SIÑOR, bu Libertadur, kil ku formau na bariga, i fala: “Ami i SIÑOR ku fasi tudu e kusas; N distindi seu, N tira tera na yagu, ami son.

Isaias 44:6

Asin ku SIÑOR, Rei di Israel, si Libertadur, SIÑOR ku ten tudu puder, fala: “Ami i purmeru ku ultimu; fora di mi i ka ten mas utru Deus.

Isaias 45:12

I ami ku kumpu mundu, ku omi ku sta nel. Ami ku distindi seu ku ña mon, N da ordi pa sol, lua ku tudu strelas.

Isaias 45:22

“Bo jubi pa mi pa bo sedu salbu, abos di tudu kantus di mundu, pabia ami i Deus; i ka ten mas utru.

Isaias 54:5

Kil ku kumpou, i el ki bu omi; si nomi i SIÑOR ku ten tudu puder. Deus Santu di Israel i bu Libertadur; el i na comadu Deus di tudu mundu.

Isaias 6:3

E na gritaba ŋutru, e na fala: “Santu, santu, santu; SIÑOR ku ten tudu puder i santu! Tudu mundu inci ku si gloria.”

Isaias 8:13

SIÑOR ku ten tudu puder, el ku bo na tene suma santu; el ku bo na ten medu del, ku bo pudi panta pabia del.

Bon Noba di Jesus Kristu ku Jon 1:3

Deus fasi tudu kusa pa meiu del; i ka ten nada ku fasidu sin el.

Ripitison di Lei 10:17

SIÑOR bo Deus i Deus riba di tudu deusis, SIÑOR riba di tudu siñoris, Deus garandi, ku jinti dibi di medi, ku ten puder, ku ka ta fasi skuju nin i ka ta seta suku di bas.

Kolosensis 1:16

I pabia del ku tudu kusas kumpudu na seu ku tera, kil ku ta ojadu ku kil ku ka ta ojadu, tronus, gubernus, otridadis ku puderis. Deus kumpu tudu kusa pa meiu del, i pa el.

Ebreus 4:16

Asin no ciga ku fiansa dianti di tronu di Deus, nunde ku no na oja fabur, pa no yangasa miserikordia ku fabur, ku ajuda na ora ku no pirsisa del.

1 Samuel 4:4

Asin e manda jinti pa Siló; e bai tisi arka di kontratu di SIÑOR ku ten tudu puder, ku sinta na tronu na metadi di kirubins. Ki dus fiju di Eli, Ofni ku Fineias, e staba la ku arka di kontratu di Deus.