Isaias 36:9 - BIBLIA - traduson antigu in Krioulo

⁹ Bu ka pudi njuti kualker ŝef di ña mestre, nin si i ka sedu ningin na metadi di utru ŝefis, ma inda bu na fiansa na Ejitu pa mandau karus ku kabalerus!

Isaias 36:9 ပူးပေါင်းရင်းမြစ်များ

2 Reis 18:24

Kuma ku bu pudi njuti kualker ŝef di ña mestre, nin si i ka sedu ningin na metadi di utru ŝefis? Ma abo bu fiansa na Ejitu pa i dau karus ku kabalerus!

2 Reis 7:6

pabia SIÑOR pui elis pa e obi baruju suma di karus ku kabalus ku manga di tropa. E fala ŋutru: “Rei di Israel luga reis di eteus ku di ejipsius pa e bin geria ku nos!”

Ditus 21:31

Kabalu ta purparadu pa dia di gera, ma vitoria i ta bin di SIÑOR.

Isaias 10:8

I ta fala: “Nta tudu ña ŝefis e ka sedu reis?

Isaias 20:5

Kilis ku puiba se speransa na Etiopia, ku ta njata pa Ejitu, e na panta, e fika ku borgoña.

Isaias 30:7

Ejitu ta juda elis amonton. Pa kila N comal: “Dragon ku ka ta fasi nada.”

Isaias 31:3

Ejipsius e sedu omis, e ka sedu Deus. Se kabalus i karni, e ka sedu spiritu. Ora ku SIÑOR distindi si mon, judadur na da tapada, kil ku na judadu i na kai; elis tudu juntu e na disparsi.

Isaias 36:6

Bu fiansa na Ejitu? Kila i suma manduku di kana kebradu ku ta fidi mon di kil ku nkuña nel. Asin ku Faraó, rei di Ejitu, sedu pa tudu jinti ku fiansa nel.

Isaias 36:8

“Bin fasi kontratu ku ña mestre, rei di Asiria; N na dau dus mil kabalu si bu pudi oja jinti ku na monta nelis.

Jeremias 2:36

Ke ku manda bu na muda-muda bu kamiñu? Suma ku Asiria falia, asin ku Ejitu na falia.

Ripitison di Lei 17:16

Rei ka dibi di buska manga di kabalu pa si kabesa, nin i ka dibi di manda jinti pa Ejitu pa buska manga di kabalu, pabia SIÑOR fala bos: “Nunka mas ka bo riba na ki kamiñu.”